مجــرد نــزوة !

[Aya Farouk]

كنت ناسية أو بحاول أنسى انى
كنت يوم من الأيام بحبك
وكنت روحى وكنت عمرى
وكنت حتة جوا منى
وكنت جوا عينى الننى
...
كنت جوا الليل نجومى
كنت بسهر فيك بفكر
والقمر يقولى قومى
كنت شمسى وكنت ضلى
كنت بعشق فيك كأنى
كنت روحى اللى رايحه منى
...
كنت بجيلك قبل معادنا
وأنسى الدنيا وأنسى بعادنا
وأقطف وردة ولبسى جديد
زى الطفلة فى يوم العيد
واجرى عليك ...
.....
كنت بحبك حب جنون
كنت بسيرتك أنام وبقوم
وياما عشان جم ولمونى
وياما عشانك اتحملت اللوم
....
كنت بحبك بعشق عينك
بتوه فى سوادها كأنى شريدة
وكنت برغم قربى منك
وكنت برغم حبى ليك
كنت بحس كأنى وحيدة
عايشة معاك وفى نفس الوقت
فى دنيا غريبة
...
كنت بحاول أفهم منك
بس ألاقينى ببعد عنك
كنت بخاف أقولك خايفة
كنت بخاف تقسى عليا
كنت بحاول أدارى دموعى
أنسى همومى
يوم ما تجينى وتلمس ايدى
انسى ظنونى
...
أتارى قلبى كان حاسس
كان عارف
حاول يقولى انه شايف
غميت عنيه وكملت
صميت ودانى ولا سمعت
ومنسحبتش !
وقت وجب الإنسحــــاب
وادينى دلوقتى خسرت !
.........
تسمع منى وتسمع منهم
ومفرقتش عندك عنهم
كنت أتفضل امشى وفكر
أسأل تانى أعرف أكتر
تعالى أسألنى كنت أتكلم
واخترت تسكت وأنا بتألم
وسكاتك خلى الجرح يعلم
...
كنت ظالمنى وانت عارفنى
عارف انى لا يمكن أجرح
أو اعمل حاجة فيك تدبح
دا انا كنت بخاف عليك
يمكن أكتر من نفسى
دا لما قالولى دا قال عليكى وقال
قلت بردو بحبه وبعلو حسى !
وكدبتهم وياريتنى صدقتهم
كنت عرفت بدرى شوية
ووفرت عليك مُدة
بتمثل فيها عليا
.....
كنت جوا حضنى عايش
كنت كل حاجة حلوة
ولا غيرك قلبى شايف
كنت غنوة وسط دوشة
كنت ايد بتفك شنقة !
كنت وانت جمبى عِزوة
ومن اللى فيا عملته
بقولك دلوقتى آسفة
كنت فى حياتى مجرد نزوة !!




آيـــه فـــاروق

[شمس مشرقة]

حلوه اوى يا دكتوره آيه

[Dr_Cinderellaaaaa]

جميلة جدا جدا جدا ..
قرأتها مرتين .. رااااااااااااااااااائعة ..

[M.Hegazy]

تسلم الأيادي يا دوك آية .. رائعة جدا ..

خالص التحية و التقدير ..

Dr.M.Hegazy

[Aya Farouk]

حلوه اوى يا دكتوره آيه

ميرسى منوره يا "شمس"

جميلة جدا جدا جدا ..
قرأتها مرتين .. رااااااااااااااااااائعة ..

دا شىء يشرفنى يا قمر
منورانى

تسلم الأيادي يا دوك آية .. رائعة جدا ..

خالص التحية و التقدير ..

Dr.M.Hegazy

تسلم على مرورك
ومتشكره جداا

[كليوباترا]

راااائعه يا د/ أيه

[Aya Farouk]

ميرسى يا جميل

[LOVELY BIRD]

جامده مووووووووووووووت يايويو

استمرررررررررررري ياقمر

[E.Raafat]

أنا حاسس إنها ممكن تتغنى كلمات خفيفة بس معبرة والأهم واصله مباشرة للقلب .....شكرا على هذه القصيدة الرائعة

[Aya Farouk]

جامده مووووووووووووووت يايويو

استمرررررررررررري ياقمر

منورانى يا حبى
ربنا يخليكى

أنا حاسس إنها ممكن تتغنى كلمات خفيفة بس معبرة والأهم واصله مباشرة للقلب .....شكرا على هذه القصيدة الرائعة

اه كنت اول مره اكتب حاجه موسيقتها واضحه كدا
ميرسى على مرورك جدا