ايه دة هو فى فرق بين العفو والمغفرة...؟؟؟!!!"اللهم انك عفو تحب العفو فاعف عنا"
ايه دة هو فيه فرق بين العفو والمغفرة؟؟؟
ايوووووووووووون طبعااااااااااااااا دة فيه فرق كبير
بس العفو ابلغ من المغفرة
فى ناس بتتعامل مع ربنا بالمغفرة
وناس تانية بالعفو
شوف انت بقى مقامك قد ايه؟؟؟
طب وهو ايه المغفرة؟؟؟
انك تعمل ذنب وربنا يسترك فى الدنيا
وفى الاخرة
و مش يعاقبك عليه ....بس الذنب موجود
ومكتوب فى صحيفتك
طب والعفو؟؟؟
ما انا جايالك اهو فى الكلام
العفو يا سيدى ان ربنا يسامحك ويسترك ويرضى عنك وتبقى ولا كانك عملت الذنب اصلا
تبقى مثلا عملت ذنب من سنة 2006 وتلاقيه مش موجود اصلا علشان يحاسبك عليه
اتمسح باستيكه وملهوش اى اثر
تصوووووووووووور؟؟؟
طب مش فاهم....ادى مثال
حاضر....بص كدة
دة مثال للمغفرة
( يأتي العبد يوم القيامة،
فيقول له الله تبارك وتعالى:
ادنُ عبدي،
فيقترب العبد،
فيرخي الله تبارك وتعالى عليه ستره،
فيقول له الله: أتذكر ذنب كذا؟ أتذكر ذنب كذا؟
- لاحظوا أن الذنوب موجودة في الصحيفة -
فيقول: نعم يا رب، فيظن العبد أنه هالك، فيقول له الله: سترتها عليك في الدنيا وها أنا أغفرها لك اليوم)
ودة مثال للعفو
يقول لك الله يوم القيامة
( يا فلان، إني راضٍ عنك لما فعلت في الدنيا، قد رضيت عنك وعفوت عنك، اذهب فادخل جنتي)
ياااااااااااااااااااااااااه شاايف ربنا قد ايه كريم؟؟؟
طب وازاى يعفو يعنى عنى دة يحصل ازاى؟؟؟
دة بص هينسيك الذنب وهينسه الملايكة وهينسيه ملك اليمين وملك الشمال
اقْرَأْ كَتَابَكَ كَفَى بِنَفْسِكَ الْيَوْمَ عَلَيْكَ حَسِيباً " (الإسراء:14)
انت متخيييييييييييييييييييييييييييل؟؟؟
كان صفحتك بيضااااااااااااااا
وكانك يا ابو زيد ما غزيييت
ياااااااااااااااااااااااااااااااه دة كرم كبيير
كبير كبير كبير كبير اوووى
الفُضيل بن عياض أحد التابعين،
يوم عرفة "وهو يوم عفو زى ليلة القدر"
، وقف يدعو: يا رب اعفُ عني اعفُ عني،
فلما غربت الشمس بكى،
فسألوه: ألست من تُعلمنا حُسن الظن بالله؟ فقال: ( لست أبكي لذلك ولكن وا خجلاه! وا حيائي منه وإن عفا!)
ياااااااااااااااااااااااااااااه بدات تحس بالعفو؟؟؟
مش حاسس انك مكسوف لانك بتعصيه وبتتمادى فى عصيانه ومع ذلك هو بيقابل الاساءة بالحسنى؟؟؟
فى مقولة بتقول عفت الريح الاثار
يعنى ايه مش فاهم؟؟؟
يعنى الرياح لما بتيجى وتهب على مكان فى اثار خيل مثلا
بتمسح ملامحها خااااااااااااااااااالص
ولا كانها موجودة اصلا اساسا
اهو ربنا لما يعفو عنك نفس الحكاية
لا وخد دى كمان
العفو تخلية ثم تحليه
يعنى ايه؟؟؟
يعنى العفو يخليييك من الذنوب
وكمان يحليك بنيل رضا الله عز وجل وهو فى بعد كدة امنية؟؟؟
وكمان يديك عطاااء كبير بدون سؤال
طب كل دة ليه؟؟
كل دة علشان بيحبك
علشان فضلك عن كل الكائنات
علشان انت خليفته فى ارضه
"... إِنِّي جَاعِلٌ فِي الأَرْضِ خَلِيفَةً..."
حضرتك مقامك كبييير اووووى عنده
يا ترى اسم العفو كبير كدة فى قلبك؟؟؟
طب بذمتك مش مكسوف من نفسك
تبقى بتعصيه وفى ارضه و انت عارف انه شايفك
ومع ذلك يعفو عنك مش يغفر ليك؟؟؟
يقول لك الله
: ألا تستحي مني؟! أستحي أن أعذبك ولا تستحي أن تعصاني؟ أعفو عنك ولا تأتيني؟
فلو عفى عنك ادالك 3 حاجات
يمحى اثار الذنوب وكان شىء لم يكن
ويرضى عنك ودى امنية اى عبد لله
ويديلك عطاء كبير ويرضيك من غير سؤال
دى ليلة القدر بقى يا سيدى
ليلة العفوووووووووووووو
مستنى ايييييييييييييييييييييييه؟؟؟
يقول سفيان الثوري: أحب في ليلة القدر الدعاء بما أمر به النبي أكثر من أي شيء آخر، أكثِر فيه من: اللهم إنك عفو تحب العفو فاعف عني
يلااااااااااااااااااااااا ادعى بقى كل شوية
سليمان الدارني أحد التابعين يقول: لئن سألني يوم القيامة عن ذنوبي لأسألنه عن عفوه، لأني لا أجد لي مخرَجاً إلا أن أسأله عن عفوه.
شوفت بقى دلوقتى ربنا بيحبك قد ايه؟؟؟
شوفت ربنا ودود ازاى؟؟؟
يللا نلحق ليلة القدر
وستنى بس انت رااايح فين؟؟؟
انا عاوزة حسنات مفيش حاجة ببلاش فى الزمن دة
ادخل هنا وقول
اللهم انك عفو كريم تحب العفو فاعف عنا
وكمان
متنسونيش من دعائكم
منقول بس بتصرف
سلام عليكم
رد مع اقتباس
ف أعلى عليين .. اللهم آمين .. 
المشاركة الأصلية كتبت بواسطة الواثقة بالله
