احب اعرف رأيكم

[عصفورة]

بسم الله الرحمن الرحيم
طبعا كلنا الايام دى اكيد بنسمع ان خريجى كليات الطب البيطرى والعلوم والله اعلم مين بكره هيبقى معاهم ممكن يأخذوا سنوات بسيطه بعد دراستهم ويبقى لهم أحقية مثل الصيدلى بالظبط فى مجالات عمله او حتى فى فتح الصيدليات بس المشكله فى حاجتين مضايقنى جدا جدا
اولا:معنى كده اننا ولا حاجه ولا لينا اهميه كمان لان اشمعنى كليتنا بسهوله ممكن اى حد يبقى كأنه متخرج منها
ثانيا:احنا كمان مثلا لو هنفتح صيدليات فين الاماكن حتى للصيادله بس فما بالكوا لو الكليات التانيه كمان
ارجوا فى النهايه قبول الموضوع بصدر رحب لان مضايقه منه جدا فقلت اخذ رأيكوا انتوا كمان لاثبات شخصيتنا فى المجتمع قبل ما نبقى احنا المهمشين

[yojeena]

مهــــــــــــــــزلة

بجد مش ناقصة المهنه اساسا من سيئ لأسوء

كل شوية طالعين بحاجة جديده ....جامعة خاصه و علوم و بيطري وزراعه(مع احترامي لكل مهنه طبعا)

طيب مايعملوا كدا مع طب ولا اسنان !!!!!

النقابة دي لا بتهش ولا بتنش هيودونا في داهيه

[rehams]

بجد حاجة محزنة استحالة ان طالب تعب فى الكلية دى ويطلع مايلاقيش مكان علشان واحدتانى مايستحقش خدمكانه

[Hope1]

ممكن يأخذوا سنوات بسيطه بعد دراستهم ويبقى لهم أحقية مثل الصيدلى بالظبط فى مجالات عمله او حتى فى فتح الصيدليات

فيها ايه واحد مجموعه في الثانوية مجابش صيدلة بسبب أي ظروف و حب يكمل صيدلة مدام خد نفس اللي بناخده اللي لو صفتيه و شوفتي احنا بنسفيد كصيادلة من أد ايه منه هتلاقي ان ممكن يتاخدوا في سنتين أو 3 سنين مكثفين
بالعكس كمان ممكن يبقوا متفوقين كمان اكتر من الصيادلة نفسهم
و بعدين دول مش ناس معاهم دبلوم و جاييين يدرسوا عندنا
أنا رايي ان علوم و بيطري و زراعة كليات قمة زيها زي طب و صيدلة

[SmSm]

انا شوفت قريب كلام من نقابة الصيادلة ان الناس اللي هيدرسو صيدلة بعد كليتهم الاصليه النقابة مش هتعترف بشهادة تخرج ليهم
والناس اللي مجموعها قليل أوي عن تنسيق الكليات الحكوميه وبيدخلو كليات صيدليه خاصه برده النقابة مش هتعترف بشهادة تخرج ليهم لأنها هتطلب منهم مجموعهم ف الثانويه العامة من خمس سنين

وفرحت الصراحه بالكلام ده لأن الدنيا مش ناقصه صيادله .. مش كفايه ان في دكاترة بيطري وغيرهم مبيحاولوش حتى يدرسو صيدله وياخدو شهاده دول بيفتحو مشروع صيدليه وكأنه حق مشروع .. ده غير اللي بيشتغلو ف الصيدليات عادي

[عصفورة]

فيها ايه واحد مجموعه في الثانوية مجابش صيدلة بسبب أي ظروف و حب يكمل صيدلة مدام خد نفس اللي بناخده اللي لو صفتيه و شوفتي احنا بنسفيد كصيادلة من أد ايه منه هتلاقي ان ممكن يتاخدوا في سنتين أو 3 سنين مكثفين
بالعكس كمان ممكن يبقوا متفوقين كمان اكتر من الصيادلة نفسهم
و بعدين دول مش ناس معاهم دبلوم و جاييين يدرسوا عندنا
أنا رايي ان علوم و بيطري و زراعة كليات قمة زيها زي طب و صيدلة

انا بكلامى مش بقلل خالص من شانهم بس عمليه الالتحاق بالكليات دى مسأله قسمه ونصيب والمجتمع محتاج اكيد لجميع التخصصات يعنى اكيد كلنا عارفين الزياده الكبيره فى اعداد الصيادله فلو الكليات دى كمان مارست نفس اعمال وحقوق الصيادله احنا بقى نقعد فى الشارع ولا ايه الصيادله الوقتى اصلا مش عارفين يفتحوا صيدليات بسبب عدم توافر اماكن

[drsherbiny]

الموضوع ده اتمنع يا دوكتوره

[Chimera]

فيها ايه واحد مجموعه في الثانوية مجابش صيدلة بسبب أي ظروف و حب يكمل صيدلة مدام خد نفس اللي بناخده اللي لو صفتيه و شوفتي احنا بنسفيد كصيادلة من أد ايه منه هتلاقي ان ممكن يتاخدوا في سنتين أو 3 سنين مكثفين
بالعكس كمان ممكن يبقوا متفوقين كمان اكتر من الصيادلة نفسهم
و بعدين دول مش ناس معاهم دبلوم و جاييين يدرسوا عندنا
أنا رايي ان علوم و بيطري و زراعة كليات قمة زيها زي طب و صيدلة

Respect ...

[M.32L]

مهــــــــــــــــزلة

بجد مش ناقصة المهنه اساسا من سيئ لأسوء

كل شوية طالعين بحاجة جديده ....جامعة خاصه و علوم و بيطري وزراعه(مع احترامي لكل مهنه طبعا)

طيب مايعملوا كدا مع طب ولا اسنان !!!!!

النقابة دي لا بتهش ولا بتنش هيودونا في داهيه

متفق جداا مع حضرتك
نفسى اشوف للصيدلى مكانته ف البلد دى
اى حد بقى مجرد بيعرف ف الصيدله بقى دكتر
بيطرى وعلوم و.... حتى الدبلوم !!!!

[dr moory]

لا طبعا
انا شايفة انها مهزلة بكل الطرق
مش معنى صيدلة اللى كل الناس جاية على حقها وعلى كرامتها
وطب واسنان مفيش حد بيجى جمبهم
اللى هيخلى بتوع علوم وزراعة وبيطرى مع احترامى لكل مهنة يدخلو صيدلة يبقى لازمتها ايه الكليات دى تتلغى وخلاص
وبكرة نلاقى تربية قسم علوم عايزين يدخلوا صيدلة
وبعدين انا مش شايفة ان فى عجز فى مصر فى اعداد الصيادلة مثلا
ده كل 10 متر فى صيدلية
مايشفوا اى مجال تانى البلد ناقصة حاجات كتير
ويا ريت بقى يحافظوا على كرامة الصيادلة شوية ع الموضوع بقى صعب قوى ومعدش لينا اى لازمة فى البلد
وبقى اى حد له نفس صلاحيات الصيدلى وبكل سهولة