شركة الصديق الصدوق

[زهرة الحياة]

السلام عليكم ورحمة الله وبركاته

فى هذه الايام اصبح الصديق الصدوق عملة نادرة قوى ...وزى مافيه شركة لاختيار شريك الحياه ومواصفاته اللى انا طبعا مش بايدها ...
ولانى بجد اصدمت فى صديقتى وكنت مفكراها مخلصة جدا ..(ربنا يكرمها)-اصعب حاجة تخسر صديق وخصوصا لو وفى_
فسرحت بخيالى شوية وقولت لنفسى لو فيه شركة لاختيار الصديق ياترى ايه هاتبقى مواصفات صديقتى........

صديقتى دى المفروض إنها أنا...اناديها ياأنا...نتعامل مع بعض بإخلاص ..كل واحد فينا يؤثر التانى على نفسه ويتمناله الخير زى نفسه وأكتر...أحكيلها كل حاجة عنى من غير خوف لانها أنا....ولو اتخاصمنا مرة يبقى كل واحد فينا نفسه يصالح التانى بأى طريقه حتى لو التانى اللى مزعله ونقول لبعض فى نفس واحد(ص.ح.م.ت.م.ع.أ ب.ق.خ.خ.خ) يعنى صاحبى حبيبى مش تزعل منى عشان أنا بحبك قوى خااااااالص ياأنا-لان المفروض انها انا وانا هى -ولو حد فينا فى ازمه التانى يقف جنبه..لو حد فينا بكى أنته ياخده فى حضنه ويطبطب عليه...لو حد فينا غلط التانى يحتويه
ياترى لسه فيه كده ولا انا خياليه ولا فعلا الصديق الصدوق اصبح عمله نادرة
وانتم ياترى ايه هى المواصفات اللى تتمنوها ؟

[حبيبه]

مش خيالية ولا حاجة يا دكتورة

الحمد لله لسه موجود

الحب فى الله يعمل اكتر من كده


ربنا يرزقك الصحبة الصالحة

[loyalty]

من إللي شفته من الدنيا (لو إني لسه مشفتش حاجه )
نوعيه الصحاب إللي إنتي بتتكلمي عنهم دول بيبقو نعمه من ربنا يعني زي نعمه الذكاء كده
ومهما حاولنا نختار هيكون صعب نلاقي الحجات دي كلها
إلا لو ربنا رزقنا بالنعمه دي
مجرد رأي

[حبيبه]

من إللي شفته من الدنيا (لو إني لسه مشفتش حاجه )

نوعيه الصحاب إللي إنتي بتتكلمي عنهم دول بيبقو نعمه من ربنا يعني زي نعمه الذكاء كده
ومهما حاولنا نختار هيكون صعب نلاقي الحجات دي كلها
إلا لو ربنا رزقنا بالنعمه دي

مجرد رأي

تمااااااااام

هى فعلا نعمة عظيمة من الله عز وجل


ربنا يرزقنا واياكم

[زهرة الحياة]

مش خيالية ولا حاجة يا دكتورة

الحمد لله لسه موجود

الحب فى الله يعمل اكتر من كده


ربنا يرزقك الصحبة الصالحة

اللهم آمين
-----

من إللي شفته من الدنيا (لو إني لسه مشفتش حاجه )
نوعيه الصحاب إللي إنتي بتتكلمي عنهم دول بيبقو نعمه من ربنا يعني زي نعمه الذكاء كده
ومهما حاولنا نختار هيكون صعب نلاقي الحجات دي كلها
إلا لو ربنا رزقنا بالنعمه دي
مجرد رأي

فعلا هى نعمة

[dr emy.hassan]

موضوع مهم جدااا

اكيد فى ناس كويسين
والحمد لله ربنا رزقنى ببنات محترمات ولما بينصحونى بيبقوا خايفين عليا بجد وبيحاولوا يدفعونى للصح
بس احيانا النصحية بتبقى غلط بس برضو مش بيبقوا قاصدين وبيبقى هدفهم الاول الخوف عليا
وان شاء الله ربنا يرزقك الصحبة الصالحة وبعدين كلنا جربنا صداقات قبل كده ومنجحتش و الانسان بيتصدم
و بيرجع تانى يلاقى ناس كويسين وربنا بيعوضه المهم ان الانسان يراعى ربنا فى تعامله بالاخرين وربنا هيكرمه ان شاء الله

[Dr_Cinderellaaaaa]

يا زهرة الحياة .. مش هينفع يكون فى شركة لاختيار الصديق أو الصديقة لأن دى بجد بجد نعمة كبييييييييييييييييرة جدااااااااااااااااا من عند ربنا ..
الأصدقاء الحقيقيين موجودين .. اللى تحسى انها توأم روحك .. أختك فعلا .. تحسى انها بتحبك زى ما بتحب نفسها وبتخاف عليكى زى نفسها و يمكن أكتر والله ..تتمنى بس تشوفك مبسوطة .. ودى مش بتدورى عليها وسط الناس .. دى بتلاقيها مرة واحدة كده متعرفيش ازاى .. ربنا بيبعتها وبيجمعكوا مع بعض من غير ترتيب أو بحث وتنقيب .. عارفة السر ايه ؟؟؟!!! (( الدعاء ))
ادعى ربنا يرزقك بالصحبة الصالحة وبالصديقة اللى تتمنيها .. الحمد لله أنا كنت بدعى الدعاء ده كتير قبل ما أدخل الكلية عشان انتى عارفة صعب تلاقى صديقة بجد بسرعة فى مكان جديد زى الكلية ..
والحمد لله الحمد لله ربنا جمعنى بالصدفة بصديقتى اللى بعتبرها أحلى هدية من ربنا ..
ربنا يرزقك بالصديقة اللى تتمنيها يا رب ..
أنا آسفة طولت عليكى ..

[AbU ElKhAiR-Let`s Go]

لا مش خياليه ولا حاجه يا دكتوره
في وفى كتير حوالينا لكن فى أوقات كتير مش بناخد بالنا منهم
أنا شخصيا عندى صديق ووصفه إنه صديق اسمه ماجد ممكن أقولك لو وصفته بجد مش كلمات توفيه
وفى فى الكليه برضه صديق جميل جدا اسمه على هشام
دول أصدقائى بجد
ودايما أما بتكلم أنا وماجد فى الموضوع ده بيقول انه صديق بجد أفضل من 100 فيهم مش كويس
دكتوره وعلى فكره أى حد ممكن يغلط فى الحكم على ناس مش مشكله وأكيد حصلت معانا كلنا لكن مش دايما بنغلط ومش دايما بنكون صح

موضوع رائع
جزاكى ربى كل خير

[زهرة الحياة]

[quote=dr emy.hassan;431639]

اكيد فى ناس كويسين
والحمد لله ربنا رزقنى ببنات محترمات ولما بينصحونى بيبقوا خايفين عليا بجد وبيحاولوا يدفعونى للصح

-----
[q
والحمد لله الحمد لله ربنا جمعنى بالصدفة بصديقتى اللى بعتبرها أحلى هدية من ربنا ..

-----
ربنا يبارك لكم فيهم ويجعلكم من المتحابين فى الله

[زهرة الحياة]

مامعنى الصديق؟

________________________________________
ص : الصدق

د : الدم الواحد

ي: يد واحدة

ق: قلب واحد

فمن هو الصديق الحقيقي وهل يوجد صديق في هذا الزمان ؟


الصديق الحقيقي :
هو الصديق الذي تكون معه, كما تكون وحدك اي هو الانسان الذي تعتبره بمثابة النفس


الصديق الحقيقي :
هو الذي يقبل عذرك و يسامحك أذا أخطأت و يسد مسدك في غيابك


الصديق الحقيقي :
هو الذي يظن بك الظن الحسن و أذا أخطأت بحقه يلتمس العذر ويقول في نفسه لعله لم يقصد


الصديق الحقيقي :
هو الذي يرعاك في مالك و أهلك و ولدك و عرضك


الصديق الحقيقي :
هو الذي يكون معك في السراء و الضراء و في الفرح و الحزن و في السعةِ و الضيق و في الغنى و الفقر


الصديق الحقيقي :
هو الذي يؤثرك على نفسه و يتمنى لك الخير دائما



الصديق الحقيقي :
هو الذي ينصحك اذا راى عيبك و يشجعك اذا رأى منك الخير ويعينك على العمل الصالح



الصديق الحقيقي :
هو الذي يوسع لك في المجلس و يسبقك بالسلام اذا لقاك و يسعى في حاجتك اذا احتجت اليه

الصديق الحقيقي :
هو الذي يدعي لك بظهر الغيب دون ان تطلب منه ذلك



الصديق الحقيقي :
هو الذي يحبك بالله و في الله دون مصلحة مادية او معنوية



الصديق الحقيقي :
هو الذي يفيدك بعمله و صلاحه و أدبه و أخلاقه



الصديق الحقيقي :
هو الذي يرفع شأنك بين الناس و تفتخر بصداقته و لا تخجل من مصاحبته و السير معه



الصديق الحقيقي :
هو الذي يفرح اذا احتجت اليه و يسرع لخدمتك دون مقابل


الصديق الحقيقي :
هو الذي يتمنى لك ما يتمنى لنفسه


منقول للفائدة