الصفحات المسيئة للاسلام وللنبى على الفيس بوك

[تابعة محمد]

بسم الله الرحمن الرحيم
فى موضوع كده كنت عايزة اتكلم معاكم فيه واسمع رايكم ويمكن احب اسمع الجانب الدينى الخاص فى الموضوع ده .
الموضوع باختصار هى الصفحات المسيئة للنبى ( ) و ايضا فى الى بيسخر من الله و غيرها من الكلام الغريب زى مثلا صفحة انا الله الى عددها 25 الف واحد .

فى ناس بتقول ، احنا ملناش دعوه بيها وبلاش حد ينشر المقولة الشهيرة ادخل اعمل بلوك للصفحة ديه ، وده علشان ميحصلش انتشار للصفحة ، ولان الصفحة مش هتتقفل من اصله ( مع ان معلوماتى الشخصية كتابعة محمد ان لازم 1000 واحد يعمل بلوك ليها فتتقفل ) واننا لو قفلنا واحدة هتطلع لينا مليون واحدة فملهوش لازمة الموضوع ده .
وفى ناس بتقول انك لما تنشر اعمل بلوك للصفحة ديه فانت اثم و هتدخل النار .

وفى ناس بتقول احنا المفروض منسكتش على حاجة زى ديه ، وعلى الاقل لو مش هندور ، يبقى نتشارك فى اننا نقفل الصفحة ، خصوصا ان اغلب زميلنا موحدين بالله و مش هيقتنعوا بالكلام ده ، لكن بالعكس هيساعدونا اننا نقفلها .

فالسؤال دلوقتى :-
انتوا رايكم ايه ؟ لانى حيرانة بجد ومستغربة ازاى نسكت على حاجة زى كده .
و السؤال الاهم ، لو فى صفحة بتقول ان الى ماتوا على يد هتلر مش مليون يهودى ، تعتقدوا هتستمر وجودها اكتر من يوم ؟
واكيد محدش يقدر يتكلم عن الكنيسة الانجيلية فى انجلتر والا البروفايل بتاعك هيتقفل من اساسه ، لكن لو هتتكلم على الاسلام ولا يهمك قول الى فى نفسك .

[chocolata]

بجد يابنتى جبتى اللى عاوزة اقوله بجد
انا طبعا لسه شايفه الصفحه دى النهاردة كنت مذهوله منها ومكملتش قرايه فيها لان واضح اوى ان اللى فيها
ناس اقل من ان الواحد ياخد سيئات بسببهم لكن طبعا استفزنى الكلام الجامد جداااااااااااو الكبير اوى وربنا وحده اللى هيحاسبهم على كل اهانه دول اتجراوا فى اهانه ربنا سبحانه وتعالى

انا معرفش كتير فى الفيس عشان كده كنت اتمنى لو حد يقدر يساعدنى ويقولى اقدر اعمل ايه عشان اخفى الصفحه دى او اشارك فى اى شىء انى حتى اخفيها للابد من عندى
وحسبى الله ونعم الوكيل في اللى عاملين الصفحه ايا كانوا
وربنا يحاسبهم اشد الحساب
شكرا ليكى يا تابعه على الموضوع الهااااااااااااام
وياريت حد يلتفت ليه واللى مدخلش يدخل ويشوف عشان يحس اكتر بطلبنا دا

[white light]

السلام عليكم ورحمه الله وبركاته

دى فتوى شرعيه بخصوص الموضوع ده



السؤال: تصلنا بعض الأحيان رسائل على البريد ، تحتوي على المواقع التي تسيء للقرآن ، والرسول ، لعلها تصل لأحد يستطيع اختراقها – مثلاً - ، فهل نعيد إرسالها ؟
: الجواب

الحمد لله

: أولاً
===
لا شك أن من أعظم الجهاد رد الشبه التي تتعرض للإسلام وأصوله وشرائعه , والرد على أهل البدع والضلال

قال شيخ الإسلام ابن تيمية – رحمه الله

فالرادُّ على أهل البدع : مجاهدٌ ، حتى كان يحيى بن يحيى يقول : " الذب عن السنَّة أفضل من الجهاد " .

" مجموع الفتاوى " ( 4 / 13 ) .

:ثانيا
====
من المقرر في شريعتنا : أنه لا يجوز التعاون على الإثم والعدوان , وأنه يجب قطع كل سبيل من شأنه أن يجر شرّاً ، أو شبهةً ، أو تشكيكاً ، قال تعالى : ( وَتَعَاوَنُوا عَلَى الْبِرِّ وَالتَّقْوَى وَلا تَعَاوَنُوا عَلَى الإثْمِ وَالْعُدْوَانِ ) المائدة/ 2 .

وفي إعادة إرسال الرسالة التي تحتوي مواقع تسيء للقرآن وللرسول : مخاطر ، ومحاذير ، منها

1. نشر الشر وإشاعته . وقد جاء النهي عن إشاعة الشر والفساد , فعن عليّ رضي الله عنه قال : " القائل الفاحشة ، والذي يشيع بها : في الإثم سواء " .

رواه البخاري في " الأدب المفرد " ( 324 ) ، وحسنه الألباني في " صحيح الأدب المفرد " .

وعن شبيل بن عوفٍ قال : كان يقال : " مَن سمع بفاحشة فأفشاها : فهو فيها كالذي أبداها " .

رواه البخاري في الأدب المفرد ( 325 ) ، وصححه الألباني في " صحيح الأدب المفرد " .



وناشر تلك المواقع ، والصور التي تحمل السخرية بالنبي : مؤدٍ لغرض أصحاب تلك المواقع ، وراسمي تلك الصور ، من الكفرة والملاحدة والزنادقة .

وقد ذكر بعض أولئك الكفرة أنه اخترع طريقة لنشر صوره المؤذية عن نبينا ، أو عن القرآن ، بأن ينشرها في مواقع المسلمين ، ويكتب في عنوان موضوعه " حسبي الله ونعم الوكيل " ! ثم يكيل السباب لمن نشرها ! والمغفلون من المسلمين يصدقون أن كاتب المقال من الغيورين على الإسلام ! وهم مجموعة زنادقة يستهزئون بالإسلام ، ويسخرون من المسلمين ، فنرجو من إخواننا أصحاب المواقع ، والمنتديات ، والقوائم البريدية : الحذر ، والانتباه ، من كيد الكائدين ، وأن لا يكونوا في غفلة من أمرهم .

2. أنها ربما تقع هذه المواقع على نفوس مريضة ، أو غير متسلحة بسلاح العلم والبصيرة , فيترتب عليها مفاسد ، وشروراً ، عظيمة .

على أن الذي عنده القدرة على اختراق تلك المواقع : لا يحتاج غالبا إلى هذه الرسائل ؛ بل يمكنه الوصول إلى تلك العناوين والمواقع ، وعنده ـ غالبا ـ المصادر التي توصله إلى ذلك.



فالنصيحة : عدم إعادة نشرها , والاستعاضة عن ذلك - مثلاً - بمراسلة خاصة بمن يظن به القدرة على دفع تلك الشبه ، وردها , أو القدرة على اختراق تلك المواقع ، وإتلافها ، وأما إعادة نشرها للعموم : فهذه عادة ما يترتب عليها مفاسد كثيرة.والله أعلم
*
*
*
*
فمينفعش خالص انا حد يجى على جروب ويحط لينك للموقع المسيئ ده ويقول خشوا اعملو بلوك زى النهادره على الفيس انتشر موقع على جروبات انا مشتركه فيها يقولوا خش اعمل بلوك
مينفعش كده حرام انت لا تعلم اللى يفتح الموقع ده قوى الايمان ولا ضعيف

[SmSm]

انا شايفه اننا لو هنعمل بلوك للصفحه اوك لكن منحاولش نقرأ للحاجات اللي زي دي ابدا
انا الاول كنت بعمل بلوك لما حد يبعتلي بس بعد كده شوفت ناس بتقول اننا لما بنعمل شير للصفحه دي وندعي الناس ليها بغرض اغلاقها >>
اننا كده بنروج للصفحه وبنساعد ف نشرها
فالاسلم اننا نعمل بلوك وخلاص لو شفنا حاجه زي كده بالصدفه او حد دعانا ليها بس ولا نقرأ بتقول ايه و لا ننشرها
-----
يستحسن يا د. تابعة محمد تطلبي تغيير عنوان الموضوع ده

[A.Elrayes]

السلام عليكم
طبعا بعد الفتوي مفيش كلام وده اللي انا قلته النهارده عالجروب وياريت فعلا عنوان الموضوع ده يتغير
جزاكم الله خيرا د\تابعة

[N00R EL _SHAMS]

فالنصيحة : عدم إعادة نشرها , والاستعاضة عن ذلك - مثلاً - بمراسلة خاصة بمن يظن به القدرة على دفع تلك الشبه ، وردها , أو القدرة على اختراق تلك المواقع ، وإتلافها ، وأما إعادة نشرها للعموم : فهذه عادة ما يترتب عليها مفاسد كثيرة.والله أعل

تمام مع الاسف ناس كتير مش بتاخد بالها والاقى منشور ع الوول بتاعهم صور مسئيه للاسلام بحجة اننا نبعد عنها

انا عارفه ان نيتهم سليمه فى اننا ناخد بالنا وكده بس هما كده بينشروها اكتر وهما مش واخدين بالهم

فلازم ناخد بالنا كويس اوى م المواقع والصور الى زى دى

ومش نلتفت نهائيا لها ولا نحاول نقرا منها حرف واحد بس ولا نعلق على اى صوره
بدام مش فى وسعنا اننا نقفل الجروبات دى

وبردو الجروبات الى يقولك ادخل اقفل الصفحه كذا الى بتسئ لكذا

طب هو كد هيخلى الى داخل يشارك فى قفل الصفحه قبل ما هيقفلها هيروح يشوف فيها ايه الاول والله اعلم بايمان كل واحد فينا والله اعلم تاثير الكلام الى فى الصفحه عليه هيكون ازاى ربنا يسترنا

اعداء الاسلام كتير اوى

اللهم فرق جمعهم وشتت شملهم وخالف بين ارائهم وارنا فيهم عجائب قدرتك

انا اتخضيت من العنوان بس قلت اكيد لنا الله بس اتكتبت غلط

واول مره اسمع عن الجروب دا ومش هحاول حتى اشوف فيه ايه

فياريت تغيير عنوان التوبيك وجزاكم الله خيراا

[chocolata]

اول بشكر جدا دكتورة وايت على الافتاء
انا الحقيقه معرفتش اعمل فيها ايه
لانى مش متمرسه فيه
واعتقد ان لما جاتلى الرساله دى جاتلى من صديقه اعلم ان نيتها خير ويمكن انتى عندك حق فى رفض نشر هذه الصفحه لانها فاحشه وعظيمه كمان
وبشكر كل الزملاء اللى وانا متاكده ان العنوان اللى كتبته تابعه ماهو الا نفس العنوان المستفز اياه عشان تستفذ الاعضاء ليدخلوا ويساعدوها فى هذه الامر

انا تمام دلوقتى هاعمل بلوك عليها
بس الفكرةدلوقتى اقول لغيرى ازاى اعمل بلوك من غير مانشر الصفحه دى ؟؟؟؟؟؟
عشان امتنع عن المساهمه فى نشر الاثم دا
اكيد ناس كتير اوىوصلهم الموقع دا

[A.Elrayes]

اكيد ناس كتير اوىوصلهم الموقع دا

اراهن حضرتك انك تجيبيلي حد وصله الموقع ده من ناشريه الأصليين.......
للاسف احنا اللي بننشره مش هما.......عشان كده صدرت فتوي بان نشر هذه المواد حرام مهما كانت النية

[chocolata]

اراهن حضرتك انك تجيبيلي حد وصله الموقع ده من ناشريه الأصليين.......
للاسف احنا اللي بننشره مش هما.......عشان كده صدرت فتوي بان نشر هذه المواد حرام مهما كانت النية

انا شخصيا جالى الموقع دا
لكن معرفش منين ولا راح فين وانا معملتش بيه حاجه انا عاوزة اشيله من عندى وهامتنع عن اى حاجه تشابهه بعد كده ودا اتباعا للفتوى
اتمنى اننا نمتنع فعلا طالما فيها ذنب ولو ان ربنا اعلم بالنوايا

[تابعة محمد]

بسم الله الرحمن الرحيم
شكرا لكل الدكاترة على المشاركة .........
وبعتذر اذا كان حد ضايقه اسم الموضوع ، بس فعلا فى صفحة على النت اسمها كده " انا الله " ، وكتير مننا شفها ، وديه حقيقة ولازم نواجها .

بالنسبة للفتوى ، ممكن اعرف اساسها ، يعنى مين الى قالها ، علشان لو هعمل بيها اكون مطمئنة القلب ؟

وسؤال كمان احنا مش هننشرها ومش هنعمل ليها بلوك ، بس هل هيكون علينا وذر كمسلمين اننا عرفنا انها موجودة ومش عملنا ليها حاجة ، خصوصا لو حد دخل وامن بالكلام الى فيها ؟

سؤال كمان هيكون منظرنا ايه قدام المستشرقين لما يلاقوا محدش بيقف قدام حاجة زى ديه ؟
فى حلقة مشهورة لعمرو اديب طلب فيها الكل يدخل على الفيديو بتاع ضرب اسرائيل لاسطول الحرية التركى علشان يكون رقم واحد على اليوتيوب ، ويعمل على نشرها ........ تانى يوم الفيديو ده كان معمولة بلوك و كان من الفيديوهات الى فيها مشاهد غير لائقة ، واى حد نشر الفكرة على الفيس او على موقع خاص بيه كان بيتقفل له .يعنى هم حاولوا يخفوا الحقيقة الواضحة علشان شكلهم قصاد العالم و احنا مش عارفين ندافع عن حقنا ، استغلوا المميزات صح .

1. نشر الشر وإشاعته . وقد جاء النهي عن إشاعة الشر والفساد , فعن عليّ رضي الله عنه قال : " القائل الفاحشة ، والذي يشيع بها : في الإثم سواء " .

طب ازاى انا جزء من الفاحشة ، وانا اصلا بنادى بعكسها ؟ يعنى مثلا لو حد قال ان محل كذا بيبيع خمر ولازم نقفله ، يبقى انا كده بنشر الفاحشة ؟ طب ازاى هوقفها من غير ما اطلب مساعدة الغير !!!!!!

طيب انا اصلا و الحمد الله كل الناس الى على البروفايل بتاعى عارفين ربنا ، فليه مش اطلب منهم المساعدة ، ومش معقول مش لاقيين الف واحد فى الملايين ديه كلها يخاف ربنا ويقفلها .
و حتى لو حد اعجب بكلامهم ، فمش هيلحق لان الصفحة هتتقفل بسرعة لو كلنا اتحركنا .