صيدله ولا طب اسنان

[غير مسجل]

ياجماعة انا محتاره بين صيدله او طب اسنان

[asfourelgana]

صلى استخارة

وربنا يوفقك لما فيه صلاح امور دينك ودنياك

[chocolata]

الله يعينك على الاختيار الصحيييييييييييييييييييييييييييييييييييييييييييييي ييييييييييييييييييح

[عبدالله عبدالرحمن]

أهلا وسهلا
بحضرتك
المسألة
محتاجة ان حضرتك تقعدى
مع حد دخل أسنان وصيدلة
طالب وخريج من كل كلية
عشان يبقى فى حكم جيد
على طبيعة الأمور أثناء الدراسة
وبعد التخرج
بس يكونوا أشخاص ثقة

[محمد سمير]

توكلى على الله وادخلى هندسه

ربنا يرشدك للاختيار المظبوط

[ameer]

الاختيار بينهم بقي صعب بعد المعارك اللي شغاله اليومين دول علي منتديات الخاصه بالثانوي واصبح بتوع صيدله بيحاولوا يقولوا ان صيدله احسن وهكذا طب اسنان وكل موضوع بيتفتح بيقلب بخناق وناس كتير بقت تايهه ف المواضيع دي
الافضل زي ما دكتور عبدالله قال ان حضرتك تشوفي وجهه نظر اتنين مختلفين من كل كليه عن الكليه نفسها وعن الشغل بعد الكليه وربنا يسهل الاختيار

[eman]

اية يا جماعة مفيش حد عارف يعطى رأى ابدا صيدلة أفضل للبنات وأسنان أفضل للأولاد

[yojeena]

شوفي يا بنتي
بصراحة لو بتحبي السفر او عاوزه ترتبطي بحد بيسافر و بالذات دول الخليج ادخلي اسنان لانها مطلوبة جدا هناك و بياخدوا مرتبات عالية جداااااا

لكن لو انتي رافضة مبدأ الغربه و عاوزه تفضلي في مصر ادخلي صيدلة و ممكن ربنا يرزقك بابن الحلال و تفتحوا صيدلية

و في كل الحالات دا يرجع ليكي و لميولك و قدرتك علي التحمل

انا مثلا كنت ممكن ادخل اسنان بس بصراحة بتحرج اني احط وشي ف وش حد كدا و بقرف كمان

انتي اكتر واحدة عارفه نفسك مش تترددي و توكلي علي الله

وربنا ييسر لك الخير ان شاء الله

[Dr.Sanureta.S]

ياجماعة انا محتاره بين صيدله او طب اسنان

شوفي بالنسبة لصيدلة للبنت أفضل كتير عن أسنا ونوعاً ما أسنان شغلها رخم شوية اما هتفتحي عيادة لنفسك او انك هتشتغلى مع اي دكتور ده بالنسبة للشغل اما لو عشان تقعدي في البيت فبردو صيدلية كويسة او اسنان مش هيفرقوا عن بعض
بالنسبة بقة للدراسة فصيدلة أصعب من أسنان ودي حقيقة لأن صيدلة اعتمادها على الدش كتيير وده الساري حالياً الله أعلم في احتمال لتغير النظام ده او لا محدش عارف لكن اسنان مذاكرتها وكلامها أقل بكتيير عن صيدلة غير ان أسنان العملي فيها مهم جداً وبيدققوا عليه كتيير جدا وممكن تعيدي شغلك كتير جدا من الاخر عايزة صبر وطولت بال
بالنسبة بقة للمصاريف في صيدلة ادواتنا بسيطة جدا ممكن تجيبي شوية انابيب وسحاحات وماصات وحاجات من دي واسعارها هادية نوعاً ما لكن اسنان مطلوب منك أدوات في سنة تانية تقريبا بتوصل ل 1200 جنية تقريبا وفي سنة تالتة ورابعة بيطلبوا أسنان حقيقية اما بقة بتخلعي ضروس أعي حد تعرفيه او انك بتشتريهم ومتهيألي كان سعر الضرس ب 100 او 150 طبعا على حسب طبيعة الضرس وكله بتمنه
أخيراً احنا معندناش سنة امتياز ام اسنا مش هتاخدي شهادتك من غير سنة الامتياز
ربنا معاكي وصلي استخارة كده وان شاء الله ربنا هيهديكي للي فيه الخير

[SANDY7]

ياجماعة انا محتاره بين صيدله او طب اسنان

بما انك محتارة مفىش رغبة قوىة لاى من الكليتين ابقى ادخلى اللى ماما تتمنى انها تشوفك فيك والله معاك وبالتوفيق ان شاء الله