وأنا كمان حصلى كدة قبل كدة

[د///*مطحونة*\\\]

السلام عليكم ورحمة الله وبركاته

اهلا بكل رواد المنتدى الترفيهى والمنتديات اللى جمبيه برضو مفيش مشكلة

هاللو أند ويلكوم أوول

ومرحبا بكم فى موضوع

وانا كمان حصلى كدة قبل كدة

يعنى ايه البتاع دة؟

الموضوع هيبقى عبارة عن مواقف حصلت لينا كلنا قبل كدة

سبحان الله حصلت لينا كلنا ؟

اه

كل فترة هنتكلم عن حاجة حصلت لينا زمان او عملناها زمان او من قريب هنحكى ونتكلم عنها بالتفصيل

ونفتكر ساعتها اتصرفنا ازاى وايه اللى حصلنا ساعتها بالظبط مش شرط تكون حاجة اتصرفنا فيها كلنا بنفس الطريقة

لكن المقصود هيبقى موقف اتحطينا فيه كلنا ونشوف كل واحد عمل ايه ساعتها

--------------------
انتظرونا مع اول موقف قريبا


...

[dina j]

عاجبنى جداااااااااا الموضوع ده---دايما متميزة يا دكتورة مطحونه فى انتظار اول موقف

[same7]

انا مستنى
الفكره شكلها جامده

دائما مواضيع حضرتك مختلفه يا دكتوره

[د///*مطحونة*\\\]

عاجبنى جداااااااااا الموضوع ده---دايما متميزة يا دكتورة مطحونه فى انتظار اول موقف

ميرسى يا دكتورة دينا
تابعينا بقا وابقى معنا

انا مستنى
الفكره شكلها جامده

دائما مواضيع حضرتك مختلفه يا دكتوره

شكرا يا دكتور دة من زوق حضرتك
وان شاء الله الفكرة تعجبكم اكتر عند التطبيق
---
انتظرونا الليلة مع الموقف الاول
واللى هيبقى موقف بيفكرنا بأيام الفشل الجميل

[DR.BIBO]

فى الانتظار يامطحونه مع موضوع جديد ومختلف

[د///*مطحونة*\\\]

فى الانتظار يامطحونه مع موضوع جديد ومختلف

اسفة انى اتاخرت بعتذر جدا
حالا ننزل بالاول

[د///*مطحونة*\\\]

الفترة دى هنركز شوية على حاجات حصلتلنا زمان واحنا صغيرين

الموقف الاول

*وأهى علقة تفوت ويارب ما أموت*



--------------

طبعا يا جماعة فاكرين وانتوا صغيرين ايام ما كنا بنزاكر

كانت ايام بقااا

فى ناس كانت مامتهم بتزاكرلهم

وفى ناس كان باباهم بيزاكرلهم

لكن فى وقت ابتدينا فيه نزاكر احنا لواحدنا وبداية ما بدانا دروس واهلنا ابتدوا يثقوا فينا وكبرنا واعتمدنا على نفسنا

وهو دة موضوعنا النهاردة

ومن هنا جاء الحوار التالى

:

كنت فى امان الله لا بيك ولا عليك بتتفرج على التليفزيون بعد ما خلصت مزاكرة

وفجأة

والدك دخل عليك بابتسامة فيها حنان ومليانة طيبة ودار الحوار الاتى:

الاب:ها ايه الاخبار؟

انت:تمام يا بابا الحمد لله

الاب:كنت بتزاكر ايه النهاردة؟

انت: دراسات

الاب:اه دى مادة جميلة جدا عارف انا كنت بجيب فيها الدرجة النهائية علطول(اعتقد كله سمع الكلمة دى قبل كدة )

هات الكتاب كدة

انت:

انت واديك بترتعش:اهو اتفضل

الاب:ياااااااه دة المنهج زى ماهو تعالى يا سيدى ويفتح الكتاب من اوله

انتتقريبا اتشليت ووشك احمر واخضر واصفر وجاب الوان الطيف السبعة بمختلف الاطوال الموجية وركبك بتخبط فى بعضها وعاوز الارض تنشق وتبلعك ووشك بقا احمرررررررررررررر)

الاب:انت خدت الحملة الفرنسية ؟؟

انت :اه خدناها فى الحصة اللى قبل اللى فاتت دة حصل فيها حاجات واحد زميلنا فى الحصة المستر بيكلمه ف.....(طبعا عمال تلف وتدور عشان باباك ينسى وميسالكش ويغير الموضوع ودى بتبقى محاولة ضعيفة واثبتت فشلها الذريع لانك ساعتها بتبقى مفكر نفسك حويط لكن ناسى ان فى الاحوط منك الا وهو باباك اللى كان بيعمل كدة زمان قبليك وفاهم كل الحركات دى يعنى العب غيرها من الاخر )

الاب:طب سمعهالى كدة ؟

انت:هااا؟

الاب وهو مستغرب:سمع الحملة الفرنسية

انت:ايه؟

الاب وهو متعصب:سمع الحملة الفرنسية؟

انت :الللللللل........

الاب وهو واقف :تعرف ايه عن فريزر؟

انت: أأأ..............(تقريبا انت أغمى عليك او مت)

الاب:امال قاعد وقافل على نفسك وبتعمل ايه ؟وبتزاكر وبتاخد دروس ليه؟هااااااااا؟؟؟؟


ويمشى ويسيبك وتحمد ربنا

ثم فجاة تلاقى اللى جايلك وفى ايده اى حاجة انت وحظك بقا الحاجة دى ايه قد يكون حزام او ماشة او قد يكون زنوبة

ويجرى عليك

وقلبك من كتر دقاته انفجر وسمعت صوته بيدوى لاخر الشارع

وطراااااااااااااااااخ

انت:يا ماماااااااااااااااااااااااا


والله انا ....

الاب:اخرررررررررررررررررررررس

طاااااااااخ

الاب:تزاكر وهاجى اسمعلك فاهم ولالا

انت:حاضر

الاب:على الله الاقيك مش مزاكر عارف هعمل فيك ايه؟؟
--
وياحرام تقعد تزاكر عشان يسمعلك تانى يوم وتحبس نفسك عشان لو سالك
وفى الاخر ممكن يطلع مقلب وميسالكش

او يطنش

وبعدها بفترة طويلة يكرر الموقف تانى

او ممكن يسالك فى نفس الجزء

او فى جزء تانى فمتعرفش تجاوب فتتكرر العلقة

وتبقى السنة بالنسبالك ضرب وشوية علق فوق بعضها

-----------------------------------------------

هل مرة والدك او والدتك او حتى المدرس سالك فى المنهج فجاة ومعرفتش تجاوب؟

دايما عنصر المفاجاة بيبقى ضدنا فى المواقف اللى زى دى

عرفت تجاوب ولالا

ولو لا رد فعلهم ورد فعلك انت ايه

حسيت انك خنت ثقتهم فيك لانك مكنتش بتزاكر ومقضيها لعب

ولا ولا هامك وعادى والعبرة بالنتيجة والخواتيم (وثيق فى الفوز)


وهل الموضوع دة كان له توابع زى الزلازل

ولا كان بركان طلع وخلصت المسالة واهى علقة زى بقية اخواتها

احكى الموقف كااااااممممللللللللل

-------

هااااااااااااااااا

حد حصله كدة قبل كدة؟؟؟

[amira89]

هههههههه
تسلم ايدك يا مطحونة موضوع جميل جدا























وطبعا حصلى كدا كتير

[same7]

هل مرة والدك او والدتك او حتى المدرس سالك فى المنهج فجاة ومعرفتش تجاوب؟

طبعا
دايما عنصر المفاجاة بيبقى ضدنا فى المواقف اللى زى دى
عرفت تجاوب ولالا
ولو لا رد فعلهم
بابا مكنش بيضايق اوى من انى مش عارف اجوب
بس كان بيضايق انى كنت بسكت ومردش عليه واعمل نفسى بفكر
يقولى بعد كده يا تفكر بصوت يا تقول مش عارف واقولك انا
وكنت برده بخاف لا يكون مقلب ويضربنى
واتكررت كذا مره
لحد ما جه مره زهق
وقام رازعنى قلم
كان عندى سنه بتتلخلخ وقعهالى

ورد فعلك انت ايه

عادى حطيت ايدى على وشى
ولقيت دم بيقع ولا عارف اقوم من قدامه ولا اى اعمل ايه وبعيط
لحد ما ماما جيت اخدتنى ودخلت الاوضه تانى
وستى كانت قاعده مسكته زعقتله
حرام عليك يا ابنى وكلام من ده

اصل كنت اما بعمل اى حاجه بجرى عليها
وابقى قابلينى لو حد عرف يوصلى
كانت تبهدله حتى لو بابا ابنها
وطبعا كان بيسمع الكلام لانه بيحب يرضيهاو
بس وانا مالى المهم مضربش

وقعد بقى يقولى
بعد كده مش عارف تقول
بتسكتب ليه
مش هضربك لو مش عارف
عادى لو مش فاهم
افهمهالك
ولو مش عارف تقعد تذاكرها تانى واما تخلص اسمعهالك
حسيت انك خنت ثقتهم فيك لانك مكنتش بتزاكر ومقضيها لعب
وانا كنت فاهم معنى الكلمه دى ساعتها

انا كان هدفى ارقى من كده
انه يجيبلى اتارى


ولا ولا هامك وعادى والعبرة بالنتيجة والخواتيم (وثيق فى الفوز)
وهل الموضوع دة كان له توابع زى الزلازل
لا ابدا
ولا كان بركان طلع وخلصت المسالة واهى علقة زى بقية اخواتها

علقه ايه بس ده بابا يعنى العلقه موت
-------

هااااااااااااااااا
حد حصله كدة قبل كدة؟؟؟

ايوه حصل وقولت فوق اهه

من اولها فضايح كده

[د///*مطحونة*\\\]

هههههههه
تسلم ايدك يا مطحونة موضوع جميل جدا























وطبعا حصلى كدا كتير

لا على فكرة مينفعش الرد دة
لازم تحكى موقف عالاقل من المواقف دى وبالتفصيل
والا