هام جدا :الكلية تفتح باب التقدم لمنح الماجستير

[عبدالله عبدالرحمن]

يعلن قسم الدراسات العليا بكلية الصيدلة عن بداية التقدم للالتحاق بالدراسات العليا للعام الجامعي 2011-2012 اعتباراً من يوم 20/7/2011 ولمدة شهر لعدد 7 منح دراسية لدرجة الماجستير في التخصصات التالية:-

• الصيدلانيات
• العقاقير
• الكيمياء الطبية
• الكيمياء الحيوية
• الكيمياء التحليلية
• الميكروبيولوجيا
• الكيمياء العضوية الصيدلية

التفاصيل
هنا

[summer breeze]

دكتور عبد الله منحه دي يعني ايه ماستر عادي ولا زي بعثه كدا لبلد خارجي ؟

[عبدالله عبدالرحمن]

دكتور عبد الله منحه دي يعني ايه ماستر عادي ولا زي بعثه كدا لبلد خارجي ؟

لأ ده عبارة عن ماستر
فى السبع أقسام اللى اتعلن عنهم فى المشاركة السابقة
بس مش عارف شروطها غريبة شوية
يعنى المفروض ان المنح بتبقى مفوعة التكاليف
هنا بيقولوا المصاريف الأدراية على الكلية
+
الكيماويات والمواد المتوفرة
يعنى لو فى حاجة محتاجها فى الرسالة
مش موجودة ان شاء الله على حسابك
+اشتراط التفرغ الكامل يعنى مفيش شغل حكومى
ده غير القيام ببعض أعمال التدريس
زى المعيدين
-تدريس العملى يعنى-
مقابل مبلغ بيحدده القسم طبقا للسكاشن المدرسة
تقريبا 600 جنيه
اللى فات ده من كلام الدكتور جلال معتوق
+انك ممكن تدخل فى المراقبات
وده له مقابل تانى
ده غير ان عدد ساعات العمل ممكن
تصل الى 7 ساعات يوميا
يعنى من الأخر
معيد فى الكلية
بس لما تخلص
الماستر
مش بتكمل
لكن لو نزل مسابقة الأولوية
لطلاب المنح دول

[summer breeze]

متشكره جدا يادكتور ع الاجابه هو انا كان حلم من احلامي التدريس في الجامعه فعلا بس مش عارفه هي فيها تسهيلات كويسه بس عيب كبير قوي حكايه التفرغ دي طيب انت شايف يادكتور انها كويسه ولا لا انا شايفه انه ليك خبره في موضوع الدراسات العليا دي فقلي يادكتور حضرتك محبذها ولا مش قوي

[عبدالله عبدالرحمن]

متشكره جدا يادكتور ع الاجابه هو انا كان حلم من احلامي التدريس في الجامعه فعلا بس مش عارفه هي فيها تسهيلات كويسه بس عيب كبير قوي حكايه التفرغ دي طيب انت شايف يادكتور انها كويسه ولا لا انا شايفه انه ليك خبره في موضوع الدراسات العليا دي فقلي يادكتور حضرتك محبذها ولا مش قوي

لا شكر على واجب
ومش خبرة ولا حاجة انا
بس اللى فضولى شوية فى النقطة دى
هو بصراحة نقطة التفرغ دى
مش لطيفة
لو المرتبات الجديدة دى اتطبقت
يبقى المصاريف الأدارية بتاع الماستر
ممكن تتجاب فى شهر واحد
والكيمكالز عليا فى كلا الحالتين
الفارق بقى مسألة الأنسجام فى الشغل الحكومى
فى مقابل التدريس للطلاب
حضرتك زى ماشفتى المعيدين مش لهم رأى
فى اللى بيدرس هما بيأخذوا الكلمتين
ويروحوا يقولوها فى السكشن وخلاص
على كده
-الا عدد معين من المعيدين ربنا يكرمهم ويكثر من أمثالهم-
ده غير مناهج العملى اللطيفة
اللى بتشجع الأبداع

فى نفس الوقت لو حضرتك ناوية تكملى فى
السلك الأكاديمى
يبقى طبعا فترة التدريس
هتبقى مهمة جدا فى الC.V
وهتفتح مجال للتدريس فى الكليات الخاصة
أو حتى فى الكليات الأجنبية سواء الخليج
أو أى دولة تانية
انا طبعا مقدرش أنصح حد
انه ياخذها أو يرفضها
دى فى النهاية بتخضع
للأعتبارات والظروف الشخصية
بس انا استعرضت المميزات والعيوب
لو فى حاجة أقدر أضيفها هكتبها هنا
وياريت طبعا يادكتورة لو تراسلى دكتور من أساتذتنا الأفاضل
أو تقابليه
الأمور أكيد هتبقى اوضح

[dalia 2007]

بجدربنايكرمك ع المعلومات دى بس فيه حاجة مش فاهماه انت قلت انه بعدالمنحةدى مينفعش نكمل تقصد ايه بالظبط كمان الماستر ده هو هو الماجستير .سؤال اخيرهو اى حدبيقدم ف المنحة دى بيتقبل وازاى هنقدم والنتيجة لسه مبانتش
-----
اناكمان كنت سمعت ان في منحة جاية للكليةبحيث كل اللى يقدم ماجستيراو دكتوراه السنةدى هيبقالهم منحة ف الامارات حد سمع حاجة عن الموضوع ده

[star]

طيب يادكاترة ايه المقصود بالتقدم من الخارج وايه فرقه عن المنحة ده بفلوس والتانية لا وخلاص ومدة دراسة الاتنين بتكون اد ايه؟

[Amira Said]

ممكن يا دكاترة تسألوا عن التفاصيل في شئون الدراسات العليا وفي الاقسام الملعن عنها علشان تعرفوا تاخدوا قرار

[عبدالله عبدالرحمن]

بجدربنايكرمك ع المعلومات دى بس فيه حاجة مش فاهماه انت قلت انه بعدالمنحةدى مينفعش نكمل تقصد ايه بالظبط كمان الماستر ده هو هو الماجستير .سؤال اخيرهو اى حدبيقدم ف المنحة دى بيتقبل وازاى هنقدم والنتيجة لسه مبانتش
-----
اناكمان كنت سمعت ان في منحة جاية للكليةبحيث كل اللى يقدم ماجستيراو دكتوراه السنةدى هيبقالهم منحة ف الامارات حد سمع حاجة عن الموضوع ده

طيب يادكاترة ايه المقصود بالتقدم من الخارج وايه فرقه عن المنحة ده بفلوس والتانية لا وخلاص ومدة دراسة الاتنين بتكون اد ايه؟

شروط القبول موجودة فى الرابط بتاع التفاصيل
بس بشكل مختصر
انه لازم يكون خريج الكلية بتاعتنا
التفرغ الكامل
التنسيق بيتم زى مابيتم فى الدراسات العليا العادية
يعنى رغبات بيقدمها الطالب وبيتم
الفصل بينهم بالأعلى فى التقدير العام
وفى حالة التساوى الأعلى فى مادة التخصص
الأولوية فى المنح للخريجين الجدد

وانا كان قاصدى ان المعيد فى الوضع العادى
بيترقى بيبقى مدرس مساعد بعد الماستر
لكن طالب المنحة مش هيكمل فى السلك الوظيفى فى الكلية
يعنى هيحصل على الماستر والكلية تضرب له ألف سلام
الا لو كان فى مسابقة
بس
موضوع الأمارات ده حسب موقع الجامعة
للمعيدين والمدرسين المساعدين
معرفش التفاصيل
=========
الفارق بين المنحة والخارجى
ان المنحة مابيفعش مصاريف إدارية
وبيتعامل معاملة المعيد بالظبط
لكن الخارحى بيدفع مصاريف سنوية
تقريبا فوق ال1000 جنيه
ومبيدرس للطلبة فى الكلية
وبيشترى حاجته كلها من بره
بس
الدراسة فى الماستر ملهاش وقت محدد
بس فى اللائحة تنص ان الماستر لاتزيد عن 5 سنوات
والا يلغى التسجيل لو لم يتم التوصيه من مجلس القسم المختص باستمرار الطالب
ولا تقل عن سنة ونصف
وأول سنة بتبقى تمهيدى ماستر لازم الطالب يدرسها قبل
مايبدأ فى البحث بتاعه

[star]

جزاكم الله خيرا يادكتور وربنا يوفقنا جميعا