(( عصفور فى غابة )) .. بقلمى ..

[Dr_Cinderellaaaaa]

بسم الله الرحمن الرحيم
.....................................
بعتذر عن غيابى الفترة اللى فاتت وعدم تعليقى على القصائد الرائعة اللى كتبتوها يا رواد المنتدى الأدبى ..
وعاجبنى جدا جو المنافسه اللى فى المنتدى الأدبى ..
وان شاء الله من تقدم الى تقدم ..

أنا رجعت تانى ب (شعر حزين) ..
أتمنى من الدكاترة النقد لو سمحتم ..
ولكم خالص الشكر والتقدير ..



عصفور يعزف أنغام
على أوتار الآلام
عصفور ذهبى اللون
يحيا بمكان فى الكون


بمكان سماه الغابه
مع مخلوقات كذابه

عصفور أسمعنى نداءه
اتخذ من الحزن رداءه

استبدل تغريدا ببكاء
ودموع ذرفت بسماء

عصفور يشبه ذاتى
بدأ يحكى الآتى ؛؛

أبصرت أول ما أبصرت
وحوشا فى دنيا الغابه

وقلوبا سوداءا فيها
الحب كمثقال ذبابه

ألسنة تنطق بكلام
كالسم ذقت أنا عذابه

فى طريق الدنيا قابلت
وحوشه..أسوده وذئابه

رأيت نظرات الغدر
والكل يخفى أنيابه

الكل أتقن علم الشر
و لكل علم طلابه

قالوا هذى هى الدنيا
و لكل منا أسبابه
...........................
حقد ونفاق ونميمة
حسد و رياء و كذب

وقلوب يسكنها ضغينة
من قسوتكم عصفورى شرب

ياابن الدنيا كغاك ظلما
كفاك لهوا ولعب

يا ابن الدنيا كفاك .. كفاك
اسمعنى وعلى أسئلتى أجب
.........................................
ألا تسبح داخل أعماقك
وفى قلبك تبحث وتجوب!

ألا تحدث نفسك أحيانا
فتجعلها تبكى و تذوب!

ألا تفكر فى حالك
وتنقى قلبك وتتوب!

لن آخذ حقى منك اليوم
فعملك بكتابك مكتوب!!
..............

[snowyellow]

كلمات رائعة جدا
واسلوب أكثر من رائع
سلمت يمناكِ يا دكتورة
ودمتى فى تألق وتميز دائما

[AbU ElKhAiR-Let`s Go]

عجبتنى جدا بصراحه

منتظر مزيدك

وبالتوفيق

[dr corundom]

راااااااااااائعة

[M.Hegazy]

أنا قسما بالله .. نفسي اتاخد طول ما أنا بقرأ القصيدة الأكثر من رائعة دي ..

لما قلت عليكي " حاملة اللواء " .. مكنش ده من فراغ و الله .. إنتي فعلا حاملة اللواء .. هتفضلي متميزة عن الكل هنا ..

بشِعْرِك و كلامك اللي فيه طابع ديني .. ربنا يبارك فيكي و يثبتك و يوفقك كمان و كمان ..

أبدعت فأمتعتِ .. و بدون مناقشة لو فيه أكتر من خمس نجوم .. فإنتي تستاهليهم ..

تقبلي فائق الاحترام و التحية ..

Dr.M.Hegazy

[كليوباترا]

بجد رائعة يادكتورة
حضرتك متميزه فعلا
تحياتى لكى وبالتوفيق ان شاء الله

[* lovely heart *]

اخص على

معلشى ياقلبى على ردى المتاخر عليكى
بس بصراحة ياسوسو بجد وحشتى المنتدى بتاعنا
وقعدنا نقول راحت فين خافت تدخل المسابقة كدة مش تساندى عبير وسايباها لوحدها

بس غيابك طال ورجعتلنا لتكملى معانا المشوار
بقصايدك وخواطرك الاكتر من رائعة ياقلبى
طبعا الدكاترة حيوكى حبيبتى ومهما قولت
مش هتتقارن ابدا بجمال كلماتك

بس ليه رجعتى تانى للاحزان ياقلبى مش احنا اتفقنا بقى ليه ده ؟؟؟؟
يارب تكونى دايما بخير حبيبتى وطمنينى عليكى
تقبلى المرور واسفة كتير للاطالة

[A.Elrayes]

بصراحة انا قررت ابطل شعر
ايه ده دا اللي انا بكتبه بقي تخاريف مش شعر
بجد بجد مش قادر اوصف مدي اعجابي بالتشبيهات والتصوير انا متخيلتش ابدا ابدا حاجه بالجمال ده
كل حرف وقع علي شبكية عيني قلبي حسه قبل ما عقلي يترجمه
اتمني من الله ان يوفقك ويفك كربك ويتوب علي حضرتك وعليا وعلي جميع المسلمين

[الملاك الضاحك]

ايه الغيبه الطويله دى يا حبيبه هارتى
بس قصيده فى غايه الروعه والجمال
كعادتك طبعا فى الحزينى
وفعلا أجمل واحسن ما بيزين قصايدك
هى النزعه الدينيه اللى متعودنها منك
ربنا يبارك فيكى ومتغبيش علينا تانى
مع كل التحيه والتقدير

[العيون الضاحكة]

أنا بحاول أتمالك نفسى وأجمع كلمات أكتبها ......حاسه ان مخى وقف

ما شـــــــــــــــــــــــاء اللــــــــــــه عليـــــــــــــــــــــــــكى

. اي نعم حضرتك غيابك طال........... بس رجعتى تانى ملكة ونورتى عرشك.

مش هقول غير ربنا يبارك فيك ويزود ايمانك ويهدينا جميعا الى طريقه المستقيم.

لكى منى فائق الاحترام