انتقام الكلمات000 مجاراة لحرب الشوارع

[صاحبة القلم الحائر]

يا بنى أقدم الى عرشنا000 وخذ الشعر من أفواه
الشعراء

فأنا ملكة عرشى الأدب000وتاجى كلماتى التى حيرت
الحكماء

كيف أركع لك كالأسير!000 فأنت من لا عفو له عندى
ورب السماء

كيف يجافينى العبير000فهو وصفى واسمى بل أجمل
الأسماء

كيف لرب البيت ألا يكون 000محمودا فبيتك لايحوى الا
الأجلاّء

ان كنت تريد الهدنة فاعترف000فأنت لن تستطع مجاراة
الفحول والأقوياء

أمهلناك كثيرا كى تقر بذنبك000 فما سمعنا اقرارك وما رأينا
رايتك البيضاء

اليوم لا تقل شيئا0000 فلن ينفع الندم ولن يشفع لك
البكاء

احذر كلماتى فهى كالسهم000حين تنطلق لا تعرف عدوا ولا أصدقاء

ستأتيك كلماتنا تترا000وتأخذك بعيدا وستكون من
السجناء

لا تطلب منها الرحمة 000فهى قد ثارت حين سمعت منك
الهجاء

أقسمت ألا ترأف بك000وأن تجعلك عبرة لكل الأشقياء

فانج بنفسك من عقابها000وقل قد كنت بمكانتكم من
الجهلاء

لا تحسبنا بحاجة الى قولك000به وبدونه تعرفنا النجوم
والبيداء

أسمع شعرنا الأصم ونطق به000الأبكم ورقصت على أنغامه الغيداء

[DR.BIBO]

انا مش قادرة انطق من كتر الجمال والابداع
بجد ابدعتى فامتعتى
يلا مستنين رد دكتور ابراهيم ورد دكتور محمدحجازى واضح ان الرتم لسه هيعلى اوى

[Dr Deya]

انا عندي رد زي اللي رديته على دكتور ابراهيم قبل كده ..................... اكتبه ولا الناس هتقول شتت المتبارين ولا ايه .................. ؟؟

[DR.BIBO]

انا عندي رد زي اللي رديته على دكتور ابراهيم قبل كده ..................... اكتبه ولا الناس هتقول شتت المتبارين ولا ايه .................. ؟؟

ياريت حضرتك ترد يا دكتور ضياء هو ده المطلوب ان المنتدى الادبى ينتعش بالنقد والمجاراه وده مفهوش تشتيت للمبارزين بالعكس بيفيد الكلولا ايه رايكو يادكاترة

[صاحبة القلم الحائر]

انا مش قادرة انطق من كتر الجمال والابداع
بجد ابدعتى فامتعتى
يلا مستنين رد دكتور ابراهيم ورد دكتور محمدحجازى واضح ان الرتم لسه هيعلى اوى

ربنا يخليكى يا بيبو دايما منورانى
فى توبيكاتى
جزاكى ربى خيرا

-----

انا عندي رد زي اللي رديته على دكتور ابراهيم قبل كده ..................... اكتبه ولا الناس هتقول شتت المتبارين ولا ايه .................. ؟؟

أولا وجود حضرتك فى توبيك ليا دا شرف كبير
ثانيا مفيش اى اعتراض على النقد طالما بناء وهيفيد القارئ وأنا فى الانتظار
جزاك ربى خيرا

[E.Raafat]

على فكرة أنا لسه مهجتش الهجاء حاجة تانية اللي بعمله يدوب مجرد بدايات والتقيل جاي وره

[الملاك الضاحك]

واضح ان المنافسه دى فجرت الطاقه اللى جواكوا
ايه يابنتى الكلام الجميل ده
قصيده فى غايه الروعه ومستنيه القصايد الجميله
اللى هيرد بيها د.رأفت ود.حجازى
ومستينه بردوا نقد د.ضياء
شكلها كده هتحلو أكتر وأكتر
استمروا مع كل التحيه والتقدير

[M.Hegazy]

صاحبة القلم الحائر .. إنتي عارفة كويس رأيي في كتاباتك إيه من زمان .. فعلا إنتي صاحبة القلم الحائر ..

اديكي على القصيدة دي امتياز و خمس نجوم .. و ربنا يبارك فيكي .. و يعلي من مراتبك كمان و كمان ..

دكتور ضياء .. اتمنى حضرتك تنزل بالقصيدة بتاعتك أيا كانت .. هنا ساحة العالم و المتعلم .. و كلنا بنلتقي عشان نرتقي و نتعلم من بعض .. يا ريت متبخلش علينا .. لا بنقدك و لا بأعمالك ..

و الشكر كل الشكر .. لدكتور إبراهيم رأفت .. صاحب الخطوة الأولى .. في مجال .. المبارزة الشعرية .. و الدكتورة صاحبة القلم الحائر .. المشاركة في التجربة الجديدة المتميز دي ..

و الشكر لكل المتابعين و المهتمين ..

خالص التحية و التقدير للجميع ..

و دمتم بخير ..

Dr.M.Hegazy

[Dr Deya]

طب بعد اذنك يا دكتوره انا هنزل النقد في موضوع منفصل زي ما عملت مع دكتور ابراهيم رغبة في العدل والمساواه .......................