أ.....م.....ى(أحلى حروف الكلام)(عامية)
الى نور عينى
الى أعظم أم فى الوجود
هذه كلمات أقل من أن تصف مدى حبى لكى وفخرى واعتزازى بأنكى *مـــــــــامـــــــــــا*
أمى كلمة معناها كلام ....بقلبك تقولها تحس بأمان
تستغيث بيها تشوفها أدامك وتسمع دعائها يستجاب فى الحال
لما بنبكى بتمسح دموعنا بكلامها الى ما فى زيه فى الخيال
مهما زعلنا وصرخنا فيكى حضنك هو لينا أأمن مكان
وصانا رسولنا عليها تلاتة وعارف انها تستاهل كمان
حملتنى وفى قلبها خبتنى وفى عقلها رسمتلى صورة من الخيال
مسبتناش للدنيا تجيب وتودى فينا لأ من نفسنا حمتينا والدنيا ما لها امان
ادتنا صحتها وطلعت معانا لجل ما توصلنا لأعلى مكان
غالية علينا هنشيلك فى عنينا الى انت نورها من بداية الزمان
انت بسمتنا و نسيمنا وفرحتنا وانت شمعتنا فى دنيا الظلام
فى البرد دفانا.. فى الحر هوانا..فى الفرح معانا.. فى الحزن ضمانا
فهمانا حسانا كأنك معانا بقلبك سمعانا
مدرسة كبيرة أساسها قديم لكنه متين وجيلها شامخ شموخ الجبال
كتاب مفتوح أسراره كتير الحق اقراه فى الصح تسير
أمى حبيبتى عارفاكى صابرة علينا سمحينا لو يوم عليكى قسينا
دا الدم واحد والقلب واحد والروح لو يوم ضلت طريقها لازم هترجع وعلى البعد تندم
سمعوهم أحلى سلام دا هما الى ضحوا والى راح يضحوا كمان وكمان
قلمى يقولى يله كفاية ازاى دا لسه بقيت الحكاية
لما فى مرضى ألاقيها سهرانة عينها معايا سمعه ندايا
تتمنى لو هى مكانى احميها يارب وخليها لى دا هى لى كل زمانى
عنى يا ربى على حفظ الجميل الى صعب رده ولو مشينا ميت ألف ميل
أمى يا بحر الحنان يا نجم ساطع فى ليل حالك الظلام يا أحلى هدية من رب الانام
لما تكون الجنة تحتك وتقولى يا ابنى انت فى قلبى يبقى خلاص خلص الكلام
كنت كاتباها فى بداية ما بدأت أكتب.........يعنى
رد مع اقتباس
.gif "Fop (37)")
... منورنى بمرورك كالعادة.
المشاركة الأصلية كتبت بواسطة الملاك الضاحك
