نتيجة انتخابات النقابة...

[بحلم ببكره]

بسم الله الرحمن الرحيم


أعلنت اللجنة القضائية المشرفة على الانتخابات فوز قائمة "ائتلاف صيادلة الدقهلية" بانتخابات النقابة:


د. سمير السيد على مقعد "النقيب" ............ (1189 صوتًا) مقابل (517 صوتً) لمنافسه د. مصطفي موفق.

وعلي مقاعد العضوية:
فاز كل من د. سري عطا البيلي، ود. كامل أحمد يوسف، ود. عبد الله السيد كشكه (فوق 15 سنة)؛ بالإضافة إلى د. إيهاب عقل المتولي، ود. أحمد محمد الشربيني، ود. أيمن أسامي النجار (تحت 15 سنة).

[بحلم ببكره]

مبروك للناجحين

وربنا يقدم اللي فيه الخير

[lost*soul]

هنستنى نشوف هيعملولنا ايه بدل حالنا الى من سئ لاسوء

ومبروك ليهم وربنا يوفقهم

[mohamed samir]

د. سمير السيد على مقعد "النقيب" ............ (1189 صوتًا) مقابل (517 صوتً) لمنافسه د. مصطفي موفق.

ويبقى الحال كما هو عليه


وعلى المتضرر انه يولع فى نفسه

[kannoone]

انا محبطة جدا ويارب اكون غلطانة والله المشكلة معايا مش اخوان خالص انا عادي اخترت منهم اسمين بحترمهم بس كان نفسي يكون في توليفة من اسماء من قوائم مختلفة و خصوصا ان كانت في اسماء البعض كان متفائل بيها زي د/ عبد العزيز صالح نقابة عامة ود/ محمد مصطفي فوق السن و د/ احمد فاروق عن شرق الدلتا ود/ سعيد شمعة ... يعني بصراحة كنت افضل المجلس يكون بشكل مختلف وجديد مع الاحتفاظ بعنصر او اكثر من العناصر القديمة الموثوق فيها ربما يكون لهم توجيهات بواقع الخبرة .
الحاجة الي فعلا كانت مزعلاني جدا وانا في النقابة لقيت صيادلة لسة بيسالوني هننتخب ازاي ومين !!!!!!!!
طب جايين يعملوا ايه ؟ بيتهيقلي كانوا وفروا صوتهم احسن .
المهم الي حصل حصل و الانتخابات خلصت المهم كلنا لازم نحترم صندوق الانتخابات حتي لو كنا عايزين نتيجة تانية ، ويارب يخيبوا املي ويكونوا كفء لهذا المكان .

[بحلم ببكره]

بإذن الله يا دكترة بكره هيكون أحسن

وأحب أركز فعلا علي آخر سطرين في مشاركة حضرتك

لكن عاوز أقول حاجة .. التوليفة فعلا جديدة لانج .. الوجه الوحيد المكرر من المجلس القديم هو النقيب وباقي القائمة كانت وجهة نظرهم غنهم يحتفظوا بعنصر خبرة واتفقوا إنه يكون هو .. وعلي فكرة .. مش إخوان ...
وزي ما في ناس كان نفسها في كفاءات شايفاها ,, فغيرها شاف إن دي الكفاءات الأنسب ... وفي كل الأحوال فخدمة المهنة ليست فقط من موقع المسئولية لكن كلنا لابد أن نساهم في مشروع النهضة...

[lost*soul]

يالهوىىىىىىىىىىىىىىىى يارب ارحمنى م الاخوان

وانا فالمستشفى النهاردة كل الى يقابلنى يعععععععععع النقيب بتاعكو اخوان ياخوانجيه

هما عايزين ايه الاخوان لو ينفع نغير النقيب ده احنا ناقصين واكسه الاخوان ميحبوش الا نفسهم ومصلحتهم نفسى مصر والصحه فيها تتحسن فالى يمسك نقابتنا يكون اخوان يادى العار والله عار علينا ان الاخوان هما الى يمثلونا يععععععععععععععععععععع بجد زى ماكل الى شافنى النهاردة قالى انا مكنتش اعرف انه اخوان الا النهاردة

[عبدالله عبدالرحمن]

يالهوىىىىىىىىىىىىىىىى يارب ارحمنى م الاخوان

وانا فالمستشفى النهاردة كل الى يقابلنى يعععععععععع النقيب بتاعكو اخوان ياخوانجيه

هما عايزين ايه الاخوان لو ينفع نغير النقيب ده احنا ناقصين واكسه الاخوان ميحبوش الا نفسهم ومصلحتهم نفسى مصر والصحه فيها تتحسن فالى يمسك نقابتنا يكون اخوان يادى العار والله عار علينا ان الاخوان هما الى يمثلونا يععععععععععععععععععععع بجد زى ماكل الى شافنى النهاردة قالى انا مكنتش اعرف انه اخوان الا النهاردة

هدى نفسك يادكتورة مش كده
هم الأخوان دول مش مصريين لهم الحق انهم
يترشحوا ويفوزوا كمان
النقطة مش فى كده النقطة
ان الصيادلة اللى مفروض انهم من الفئات المثقفة فى المجتمع
فيهم نسبة كبيرة أصوات باطلة
وجزء مش عارف هو رايح ينتخب مين
وجزء مرحش خالص
فكان الطبيعى ان اللى ينظم نفسه هو اللى يكسب
لكن التجربة فى حد ذاتها جميلة
ومش لازم نتشائم أو نفترض ان اللى جاى وحش
ياريت نفتح صفحة جديدة مع بعض الصيادلة مع النقابة
ونجرب لأن الخسارة الوحيدة هتيجى لم الصيادلة ميتعاونوش مع نقابتهم
لكن لو اتعاملنا بإيجابية وسعينا لحقنا
وكان للنقابة موقف اخر
فى التجديد النصفى هنقدر نغير من نصف المجلس
وبعدها بفترة المجلس كله هيروح
الحكمة فى الأختيارات الصحيحة لا تأتى
الا من القرارات الخاطئة
وان شاء الله
خير
تفائلوا خيرا تجدوه
تحياتى ..وتقديرى

[بحلم ببكره]

عارفين يا دكاترة ..

طول ما الكلام بياخد الشكل دا ابقي قابلني لو الوضع اتغير

يا دكاترة يا أفاضل

الصندوق هو المعيار

كلامكم دا بيفكرني بتغطية المصري اليوم والدستور ..الخ للخبر

كل واحدة فيهم كذبت كذبة مختلفة عن التانية في التغطية عشان تجيب مبرر للنتيجة

وليه متفسرهاش إن الناس عاوزة دول

ليه بتفترض إنك في رأيك أحسن من غيرك

حتي يا دكتور عبدالله الأصوات الباطلة .. ما جايز كانت للائتلاف هي كمان (وبالتأكيد في نسبة منها كانت كدا)

يا دكترة

في الدنيا كلها رأي الصندوق يعبر عن الكل

بمعني النتيجة دي تعبر عن صيادلة مصر

والله بقي لو كان الناس مش عاوزاهم كانوا ينزلوا يختاروا حد غيرهم

لكن لو منزلتش يبقي مش من حقك تقول إن دا مش رأي الناس

بس

دي الانتخابات في العالم

وبعدين نغمة التبرير دي هتكتر كتير زي ما كترت قبل كدا يبقي ملهاش لازمة

المجلس دا يعبر عن عموم الصيادلة ككل .. ويتحث باسمهم

حتي لو معجبش البعض

مش نفترض من الأول إنه فاشل .. انت بكدا بتسئ للصيادلة اللي اختاروه لأنه لسه رسميا وقانونا مستلمش النقابة لغاية نصف الشهر دا


مرة تانية

ياريت نشارك

بلاش النغمة القديمة اللي تلاقي الواحد مكسل يتحرك ومع ذلك بيقول دول بيعملوا كذا وكذا

هو السؤال

حد منعك؟؟

[lost*soul]

مرسى ع ردك د_عبد الرحمن بس اول مالاقى الاخوان بتعصب سيرتهم بس بتتعبنى نفسيا وهما فعلا منظمين وده الى بيخليهم يكسبو كان المفروض يكون توعيه اكتر من كده ربنا يستر والسنه الجايه يتغيرو انا عندى واحد جاهل يمسكها ولا واحد اخوان اعوز بالله