معا للقضاء على الواسطة والمجاملات

[محبة الله ورسوله]

بسم الله الرحمن الرحيم

عايزة اطرح النهاردة موضوع مهم جدا موضوع كلنا شايفينه وعارفينه ومينفعش نسكت عليه وبما اننا كليتنا اخذت الاعتمادو ده شئ يشرفنا كلنا

يبقى اكيد مينفعش نشوف ظلم واضح بعنينا ونسكت عليه

كلنا شايفين الواسطات قدامنا فى امتحانات الشفوى على راى دكتور قالنا باستفزاز ايوة عينى عينك كده

علشان كده لازم نتناقش علشان نوصل لحل جذرى فى الموضوع ده

واكتر شئ اثار حفيظتى فى الموضوع ده واصررت ان اثيره انى رايت بعينى ناس كانت معايا كان عندها غلط فى الورقة بتاعت الشفوى اول ما الدجكتورة نظرت لاسمها ولقيتهابنت دكتور قالتها عندك غلط كذا ورجعتلها الورقة تصلحة ولكنها معرفتش راحت الدكتورة صلحتهولها بايدها ولم احكى شئ غريب لكنه بيحصل قدامنا السؤال هنا



الى متى نغرس راسنا فى الرمال كالنعامة؟

الدكتور بيتظلم من ضغط الاقارب والمعيدين اللى جايين بمجهودهم وتعبهم بيتظلموا بعدم ثقتنا فيهم واننا معظمنا بيحس انهم لايستحقوا هذا المنصب والطلبة اللى بيتوسط ليها بتتظلم لان ممكن بمجهودها تجيب احسن من كده وفى ناس طموحها بيتقتل ومش بتحاول تفكر تجتهد يعنى الموضوع كله ظلم فى ظلم
عايزين نتناقش علشان نوصل لحل مينفعش نفضل ساكتين كده الحلول كتير بس لازم نساعد بعض نوصلها

اتكلمنا فى الموضوع ده قبل كده فى ناس قالت نقلل درجة الشفوى ونخليه بدل 30يبقى عشرين وعشردرجات ميد تيرم

هقول الراى ده مرفوض لسببين

اول سبب
ده مش هيقضى ع الواسطة لان ده اللى بنشوفه فى الشفقوى والضمير لا يتجزا وما خفى كان اعظم فى العملى والنظري

تانى سبب

كده كده الدرجات اللى بيتحكموا فيهااول عشر درجات يعنى لو كانوا بيدوا 25هيدوا15يعنى معملناش حاجة بالاضافة ان احنا بنقعد نمتحن 3شهورفمش ناقصين ارهاق امتحانات اكتر من كده فده تغير من سئ للاسوا

فى ناس اقترحت نصور فيديو وننشره ع الفيس ويبقى محل راى عام وقالوا ان تصويره سهل ولكنى رفضت وبشده لان مهما كان دول دكاترة محترمين وطلبة محترمين وده راى مستحيل

للحديث بقية

-----
بسم الله الرحمن الرحيم

فى ناس بيحكمها فى فعل ده التدين او بمسمى اخر الضمير والمبادئ وان لم يكن يبقى لازم يبقى فيه وازع سلطة لازم يبقى فيه سلطة بعقاب من يفعل ذلك وثواب من يبلغ عن فعل ذلك انا شايفة ان هو ده الحل يبقى ليها عقاب زيها زي الرشوة لانها مصيبة وكارثة على بلدنا

واظن الانفلات الامنى اللى احنا فيه دلوقت بسبب الواسطة دى كل واحد يجيب ابنه وقريبه ويحطه فى مكان لايحق له

لحد امتى هنسكت من راى منكرا فليغيره

والساكت عن الحق شيطان اخرس

ياجماعة اللى بيحصل ده لايقبله عقل ولادين وبسكوتنا بنشارك فيه

ارجوكوا اللى عنده موقف شافه او حل او اى شئ يفيد بيه يقوله ارجوا المشاركة بفاعلية

[nosayba]

انا معاكى جدا فى كل اللى قلتيه
بس مفيش حاجة فى دماغى حالا لكن معاكو ان شاء الله

[محبة الله ورسوله]

بسم الله

شرفتينى فى الموضوع وشكرا لدعمك حتى بالراى واتمنى مشاركة باقى الدكاترة لان المشكلة لاتقل اهمية عن اى مشكلة اخرى وحلها هيفرق كتير اوى فى ارتقاء التعليم الجامعى

[noso noso]

والله يا ريت احنا الطلبه بايدينا حاجه بس واحنا فى امتحان الشفوى لما بنشوف الواسطه عينى عينك مبينفعش نتكلم لاننا خايفين على درجتنا طبعا مبتبقاش ناقصه
بس حاجه وحشه موضوع الواسطه لانه مش بس ظلم لينا لا وظلم اكبر للناس اللى بتشيل الماده على درجه
وطبعا موضوع الميد تيرم ده اختراع فاشل واحنا اللى هنتبهدل فى الاخر لاننا بنجيب وقت بالعافيه
اتمنى تلاقو حل وكلنا هنشارك فيه

[محبة الله ورسوله]

بسم الله الرحمن الرحيم

جزاك الله خير دكتورة
noso noso

لانك لفتى نظرنا برده للناس اللى بتشيل علشان درجة والناس اللى بتدبلر فى حين انها لو نفس الناس ولها دكتور قريبها هتنجح وممكن تنجح بتقدير كمان كان كل ذنبهم ان ملهمش واسطة لازم كلنا نحتج يا جماعة فى ناس ماتت شهدا وكمان اتبهدلت ومخدتش حقها علشان نتغير واحنا برده لسه نايمين على ودانه يا جماعة اللى دخل الموضوع ووضح انه محتج واحنا لازم نتغير ونساعد فى التغيير لا يقل وطنية عن اى حد تانى ساكت بس واضح ان حاجز الخوف لسه متكسرش والناس برده ساكته فوقوا بقى يامصر اى حد يجيله فرصة تغيير يتكلم بقى

بس انا عن نفسى ومجموعة كبيرة جدا معايا لو الموضوع متاخدش بجدية والمهزلة دى توقفت لن نصمت لن نصمت
-----
بسم الله الرحمن الرحيم

الفتوى فى هذا الشان
يجيب على هذه الفتوى الدكتور عبدالله سمك: إذا ترتب على توسط من شفع لك في الوظيفة حرمان من هو أولى وأحق بالتعيين فيها من جهة الكفاية العلمية التي تتعلق بها، والقدرة على تحمل أعبائها والنهوض بأعمالها مع الدقة في ذلك- فالشفاعة محرمة ؛ لأنها ظلم لمن هو أحق بها، وظلم لأولي الأمر بسبب حرمانهم من عمل الأكفاء وخدمتهم لهم، ومعونتهم إياهم على النهوض بمرفق من مرافق الحياة، واعتداء على الأمة بحرمانها ممن ينجز أعمالها، ويقوم بشئونها في هذا الجانب على خير حال، ثم هي مع ذلك تولد الضغائن وظنون السوء، ومفسدة للمجتمع.

أما إذا لم يترتب على الواسطة ضياع حق لأحد أو نقصانه فهي جائزة، بل مرغب فيها شرعا، ويؤجر عليها الشفيع إن شاء الله.

.

[lost*soul]

مرسى ع طرحك الموضوع الهام ده وفعلا حاجه تحرق الدم لما تلاقى حد ليه واسطه ويغير لجنه الشفوى وياخد 30 الواحد اعصابه كانت بتتعب

بس انتو ممكن حد يكلم العميد والى يشوف حاجه زى يبلغ بيها العميد ويكون ليها عقوبه وبجد عشان دى كليه صيدليه مش تجارة ولا اداب ولا دبلوم لازم كل واحج ياخد الدرجات الى يستاهلها
ده منتدى الكليه ومعاكو دكاترة ومعدين اعملو موضوع واتكلمو معاهم وشوفو ممكن تقضو ع ده ازاى

ربنا ينجحكو كلكو يارب

[noso noso]

هى المشكله لو حد فينا شاف الواسطه قدامه هنروح نبلغ على دكتور وممكن يكون رئيس قسم كمان ياترى بقى ساعتها حد هيسمعلنا ؟ عشان كده مفيش حل فعلا غير ان اول السنه يكون فيه اتفاقيه بيننا وبين الدكاتره على حاجه فى الموضوع ده وناخد كلمه منهم لان الحل مش هيكون مننا احنا بس مع انى على ثقه ان موضوع الواسطه هيفضل شغال حتى لو فى السر

[محبة الله ورسوله]

بسم الله الر حمن الرحيم

عايزة اقول لحضرتك يادlost*soulاولا اشكر حضرتك ع الاهتمام وخوفك على بلدك وسعيك لرقيها ده احنا كل اما نشوف دكتور اخد بنت فى ايده وبعدين يخرج ياخد واحدة تانية وهكذا بتلا قينا كلنا بنقول حسبى الله ونعم الوكيل وفى واحدة قالت عبارة كانت غريبة على سمعى شوية لو كان نيلك يا مصر صلصلة ما كان كفى الكوسة اللى فيك
وعند حضرتك حق ده احنا نبقى قاعدين بنراجع واعصابنا تعبانة ومتوترين وخارجين اصلا من الامتحان مش قادرين وفى نفس الحين ناس تانية ولا فى دماغها هتاخد ال30وهى مطمنة

انا فعلا عاملة الموضوع ده هنا فى منتدى الكلية علشان الدكاترة او المعيدين يشاركونا بس واضح ان محدش مهتم بينا اصلا وصوتنا واحتجاجنا متجاهل بالنسبه ليهم مع خالص احترامى ولكن كان المفروض ان الموضوع عنوانه ملفت ليهم

وواضح ان مشاهداته كتير

[محبة الله ورسوله]

هى المشكله لو حد فينا شاف الواسطه قدامه هنروح نبلغ على دكتور وممكن يكون رئيس قسم كمان ياترى بقى ساعتها حد هيسمعلنا ؟ عشان كده مفيش حل فعلا غير ان اول السنه يكون فيه اتفاقيه بيننا وبين الدكاتره على حاجه فى الموضوع ده وناخد كلمه منهم لان الحل مش هيكون مننا احنا بس مع انى على ثقه ان موضوع الواسطه هيفضل شغال حتى لو فى السر

بسم الله

اولا جزاك الله خيرا كثيرا لاهتمامك ومتابعتك للموضوع

يا دكتورة انا كلمت حد شخصية محترمة من الاتحاد وقلتلها هاخد مجموعة من اصدقائى ونروح للعميدة علشان متبقاش شكوى فردية ونروح للعميدة قالى متتعبيش نفسك ووفرى وقتك وجهدك ياما قلنا وعملنا ومفيش فايدة؟؟؟؟

بس طبعا قيادات الجامعة هتتغير معنى كده لازم نبدا على رقى ونظافة فكرية

وانا عاملة الموضوع ده علشان كلنا نتعاون ونتفق على كلام مرتب منظم علشان لما اروح انا وزمايلى واى حد يحب يشارك معانا ميبقاش فيه تجاهل ليه مع العلم انى مش عايزة اى شئ من ورا الموضوع ده خالص والله غير ان احنا نتغير للاحسن وربنا يعلم بكده

ومينفعش يبقى فيه اى محاولة للواسطة حتى لو فى السر دى لازم تتنزع من جذورها علشان متتاصلش وتكبر فلازم يبقى فيه تشديد وحزم جامد

[محبة الله ورسوله]

بسم الله الرحمن الرحيم

ما شاء الله تسعة صوتوا اشارك بس من غير مناقشة ------------------فى امل>>

فى موقف غريب جدا حصلى النهاردة كنت راحة اشترى حاجة من الجلاء ورحت احاسب الراجل اللى بحاسبة قالى انتى فى كلية ايه قلتله صيدلة وجاية امشى قالى استنى انا دكتور فىى جامعةالزقازيق فى كلية تانية غير صيدلة وليا صاحبى عندكوا فى الكلية اسمه كذا وبتاع مادةكذا

وبيجيبلى تلت امتحانات وانا اللى بخترله اى واحد يجيبه وبقوله يدى لكام واحد امتياز وكام واحد جيد جدا وكام واحد جيد ابقى قوليلى اسمك بقى علشان اتوسطلك عنده والله العظيم انا ماجه فى بالى ابدا حاجة زى كده وكان بيتكلم بجدية تامة مش عارفة ايه اللى يخليه يقولى انا بالذات كده ولكن اقول ايه سبحان الله اقدار حبيت احكيلكوا الموقف ده ووالله العظيم حصل

انا مش هعلق انا حكيتلكوا بالظبط وسيبالكوا انتوا التعليق