التكليف هل سيرضي طموحي أم مجرد وظيفة ؟؟؟!!! تعالوا نتكلم شوية

[pharmacistina]

السلام عليكم ورحمة الله وبركاته

ازيكم اخواني و أخواتي صيادلة 2010

أتمنى أن نكون جميعا بخير

كلنا متخرجين من سنة كاملة , الوقت بيمر بسرعة

جربتم الشغل في الصيدليات الأهلية ؟؟ عجبكم الشغل هناك و أرضاكم ؟؟؟ طيب بتفكر(ي) تستمر فيه لحد امتى ؟؟



أنا عن نفسي تركت الصيدلية الأهلية خلاص و أنتظر التكليف

و ياترى هيكون حلو التكليف ولا ..........

عاوزة أعرف فكرتكم عن التكليف

أصلي سمعت من زميلاتنا الأكبر انه شغل الحكومة دايما عبارة عن دفاتر و عهدة و كتابة ليل نهار و جزاء لو ضاعت حاجة من الصيدلية لدرجة انهم بيقولوا انهم نسيوا هجاء الأدوية باللغة الانجليزية


أنا عن نفسي سريعة و شديدة الملل من العمل الروتيني عديم المعنى , وواضح أني لن أجد نفسي علميا ولا عمليا في بلادي أبدا


ايه الحل عشان نفعل دور الصيدلي الموظف في التكليف ؟؟؟

هل هناك حل أصلا ؟؟ ولا هنعمل زي غيرنا و نرضى و ناخد معانا واحنا رايحين الشغل كل يوم الصبح البامية و الفاصوليا عشان نشتغل فيهم استثمارا للوقت ؟؟!!

[Dr/HULK]

لا حول ولا قوة الا بالله

مفيش كومنت

بس أكيد كل مهنة وليها متعتها

يعنى التكليف متعته انه بيوفر وقت كبير لأن مثلا البنات تهتم ببيتها على عكس الطبيبات والممرضات

فى حين انه للأولاد بيكون مصدر دخل اضافى بيدى فرصة تانية للعمل بعد الضهر

الصيدليات العامة برده مميزاتها لما تحس فعلا انك بتساعد الناس

فى حين انها بتبقى مملة لما تلاقى نفسك مضطر انك تبقى تاجر


هى كده مفيش شغل بيبقى على مزاج الواحد

حتى الناس اللى بتشتغل فى البحث العلمى

محدش يعرف كمية الملل والاحباط اللى بيوصلوا ليها بعد اول شهر وخصوصا لما يتصدموا فى قلة الامكانيات والروتين و...........الخ

والعبودية فى الخارج مع انها بتوفر دخل كويس لكنها بتضيع كتير من الواحد

هى كده كل حاجة ليها وعليها

وكل واحد حسب مايكيف نفسه مع الوضع وتعامله معاه

بس اهم حاجة بس ياريت كل واحد يشتغل فى مجال ياريت يتقنه ويحسن فيه على اد مايقدر عشان بجد البلد دى عايزه شغل كتير


وكل واحد مؤثر جدا فى مكانه ومحدش يقول ان مكانه مهمش او ملوش اهمية

[Amira Said]

غير البامية يا منى ممكن ناخد خيط وابر ونغزل بلوفرات
ان شاء الله لما نبدأ نشوف ايه الوضع ونتكلم

[lost*soul]

الف مبروك الى جالهم التكليف

بالنسبه ليا شايفه ان التكليف فيها عيوب كتيييييييييييييير وميزات بسيطه

يعنى بتسجلى فى دفاتر كتيييييييييير وكل شويه جرد وكل اخر شهر بتعملى المنصرف الشهرى بعدد الاقراص وتروحى تجيبى طلبيه

بالنسبه ليا فى اداارة المنزله الصحيه مبنقبضش الا لو عملنا مظهرات غير كده مفيش حوافز ودى الى بنعتمد عليها

المرتبات قليله يعنى تقريبا 297 والحوافز تقريبا قد المرتب كنا ممكن نقعد ب 3 شهور منخدش حوافز لا يبعتلونا نصها وهكزا لحد ايام الثورة عملنا مظاهرة قبضنا كل الى كان نقصنا وانتظمو شهر جت الحوافز يوم 10 فالشهر وبعد كده رجعت ريما لعادتها القديمه

انا للان مقبضتش حوافز شهر 5 ولما بنسال ايه السبب بيقولو عشان لازم يدو للمدرسين المكافئه ولما يخلصوهم هيبقو يدونا

مكافئه نهايه الخدمه تقريبا على ماسمعت وصعقت لما سمعت 5 الاف جنيه
واحد معاه دبلوم تجارة ممكن يجى يتنطط عليك ويقرفك فى عيشتك

مميزاته لما يبقى عندك 60 سنه هتلاقى معاش تاكلى بيه عيش حاف

[Amira Said]

ربنا يبشرك بالخير يا د/زوزو يعني ناخد أجازات ولا نستقيل وخلاص من الاول

[pharmacistina]

مميزاته لما يبقى عندك 60 سنه هتلاقى معاش تاكلى بيه عيش حاف

كويس

كدة أنا عرفت الوضع , شكي مش هطول في التكليف

الواحد لو قعد في البيت يقرأ كتب عن الأدوية هيبقى أنجح من كدة بعكس لو اشتغل في الحكومة كل المعلومات اللي في عقله هينساها و يفتكر الجرد و الطلبيات و الدفاتر

[thelovertiger]

لا حول ولا قوة الا بالله

مفيش كومنت

بس أكيد كل مهنة وليها متعتها

يعنى التكليف متعته انه بيوفر وقت كبير لأن مثلا البنات تهتم ببيتها على عكس الطبيبات والممرضات

فى حين انه للأولاد بيكون مصدر دخل اضافى بيدى فرصة تانية للعمل بعد الضهر

الصيدليات العامة برده مميزاتها لما تحس فعلا انك بتساعد الناس

فى حين انها بتبقى مملة لما تلاقى نفسك مضطر انك تبقى تاجر

هى كده مفيش شغل بيبقى على مزاج الواحد

حتى الناس اللى بتشتغل فى البحث العلمى

محدش يعرف كمية الملل والاحباط اللى بيوصلوا ليها بعد اول شهر وخصوصا لما يتصدموا فى قلة الامكانيات والروتين و...........الخ

والعبودية فى الخارج مع انها بتوفر دخل كويس لكنها بتضيع كتير من الواحد

هى كده كل حاجة ليها وعليها
انت طفيت النوررررررررررررررررررر

وكل واحد حسب مايكيف نفسه مع الوضع وتعامله معاه

بس اهم حاجة بس ياريت كل واحد يشتغل فى مجال ياريت يتقنه ويحسن فيه على اد مايقدر عشان بجد البلد دى عايزه شغل كتير

وكل واحد مؤثر جدا فى مكانه ومحدش يقول ان مكانه مهمش او ملوش اهمية
وجاى تولع شمعة فى الاخر

[Dr/HULK]

وجاى تولع شمعة فى الاخر

ياعم اصل الناس بدات تصعب عليا

فعايز اخلى عندهم أمل فى أى حاجة

اصل اليأس ده وحش

وأسأل مجرب انا شفت ناس يعنى خلاص شوية ويتمنوا الموت

[lost*soul]

لا يااميرة مش تقدمى استقالتك انتى كبنوته ينفعلك لانك مش مكلفه بمصاريف البيت لكن الولد صعب يقدر ع مصاريف البيت والطلبات بشغل الحكومه
انا فالتطليف من شهر 10 وصابرة ومستحمله بيقولو ان المرتبات هتزيد والحوافز هيضموها مع المرتب يامسهل يارب

[Larine_Resala]

بالنسبه ليا شايفه ان التكليف فيها عيوب كتيييييييييييييير وميزات بسيطه

يعنى بتسجلى فى دفاتر كتيييييييييير وكل شويه جرد وكل اخر شهر بتعملى المنصرف الشهرى بعدد الاقراص وتروحى تجيبى طلبيه

بالنسبه ليا فى اداارة المنزله الصحيه مبنقبضش الا لو عملنا مظهرات غير كده مفيش حوافز ودى الى بنعتمد عليها

المرتبات قليله يعنى تقريبا 297 والحوافز تقريبا قد المرتب كنا ممكن نقعد ب 3 شهور منخدش حوافز لا يبعتلونا نصها وهكزا لحد ايام الثورة عملنا مظاهرة قبضنا كل الى كان نقصنا وانتظمو شهر جت الحوافز يوم 10 فالشهر وبعد كده رجعت ريما لعادتها القديمه

انا للان مقبضتش حوافز شهر 5 ولما بنسال ايه السبب بيقولو عشان لازم يدو للمدرسين المكافئه ولما يخلصوهم هيبقو يدونا

مكافئه نهايه الخدمه تقريبا على ماسمعت وصعقت لما سمعت 5 الاف جنيه
واحد معاه دبلوم تجارة ممكن يجى يتنطط عليك ويقرفك فى عيشتك

مميزاته لما يبقى عندك 60 سنه هتلاقى معاش تاكلى بيه عيش حاف

بجد حرااااااااام

أنا جالي احباط