فلسفه غريبه؟؟؟!!!!!!........ بس رائعه!!!!

[asfourelgana]

أكـثـر فلـسـفـة أذهـلـتـنـي فـي حـيـاتـي

لو كان هناك مجموعتان من الاطفال يلعبون بالقرب من مسارين منفصلين لسكة الحديد

أحدهما معطل والآخر لازال يعمل
......
وكان هناك طفل واحد يلعب على المسار المعطل


ومجموعة اخرى من الاطفال يلعبون على المسار غير المعطل
.
وأنت تقف
بجوار محول
اتجاه القطار
.
ورأيت
الاطفال

ورأيت
القطار
قادم

وليس
امامك
الا
ثواني

لتقرر

في اي مسار يمكنك ان توجه القطار


فإما تترك القطار يسير كما هو مقرر له ويقتل مجموعة الاطفال .. ؟
أو تغير إتجاهه الي المسار الآخر ويقتل طفل واحد .. ؟

فأيهما تختار؟؟؟

ماهي النتائج التي سوف تنعكس على هذا القرار؟؟؟

دعنا نحلل هذا القرار

معظمنا يرى انه الافضل التضحية بطفل واحد خير من مجموعة اطفال

وهذا على اقل تقدير من الناحية العاطفية

فهل ياترى هذا القرار صحيح؟

هل فكرنا ان الطفل الذي كان يلعب على المسار المعطل

قد تعمد اللعب هنا حتى يتجنب مخاطر القطار؟

ومع ذلك يجب عليه ان يكون الضحية
في مقابل ان الاطفال الآخرون الذين في سنه
وهم مستهترون وغير مبالين و أصروا على اللعب في المسار العامل؟

هذه الفكرة مسيطرة علينا في كل يوم
في مجتمعتنا
في العمل
حتى في القرارات السياسة الديموقراطية ايضاً
يضحى بمصالح الأقلية مقابل الاكثرية
بغض النظر عن قرار الاغلبية


حتى ولو كانت هذه الأغلبية غبيـــة وغير صالحة
والاقلية هي الصحيحة
وهنا نقول ان القرار الصحيح
ليس من العدل تغيير مسار القطار
وذلك للأسباب التالية

.1.


الأطفال الذين كان يلعبون في مسار القطار العام يعرفون ذلك
وسوف يهربون بمجرد سماعهم صوت القطار !؟
.2.

لو انه تم تغيير مسار القطار فان الطفل الذي كان يعمل في المسار المعطل سوف يموت بالتأكيد
لأنه لن يتحرك من مكانه عندما يسمع صوت القطار
لانه يعتقد ان القطار لن يمر بهذا المسار كالعادة
.3.

بالاضافة انه من المحتمل ان المسار الأخير لم يترك هكذا الا لأنه غير آمن
وتغيير مسار القطار الى هذ الاتجاه لن يقتل الطفل فقط
بل سوف يؤدي بحياة الركاب الى مخاطر
فبدلا من انقاذ حياة مجموعة من الاطفال فقد يتحول الأمر قتل مئات من الركاب
بالاضافة الي موت الطفل المحقق !!!؟
.
مع علمنا ان حياتنا مليئة بالقرارات الصعبة التي يجب ان نتخذها
لكننا قد لاندرك ان القرار المتسرع عادة مايكون غير صائب
.
تذكر *

ان الصحيح ليس دائماً شائع




م.........ن...........ق............و.............. ل

[same7]

بالاضافة انه من المحتمل ان المسار الأخير لم يترك هكذا الا لأنه غير آمن
وتغيير مسار القطار الى هذ الاتجاه لن يقتل الطفل فقط
بل سوف يؤدي بحياة الركاب الى مخاطر
فبدلا من انقاذ حياة مجموعة من الاطفال فقد يتحول الأمر قتل مئات من الركاب
بالاضافة الي موت الطفل المحقق !!!؟
.
مع علمنا ان حياتنا مليئة بالقرارات الصعبة التي يجب ان نتخذها
لكننا قد لاندرك ان القرار المتسرع عادة مايكون غير صائب
.
تذكر *
ان الصحيح ليس دائماً شائع

بس اعتقد دى فرضيه غلط
لان من الاساس القطار مش هيمشى ع المسار المعطل م البدايه



بس فرضا لو مشى
وده مش هيحصل غير ف مصر


يبقى القطار ممكن يتوقف اعتقد فيه فرامل
مش تحكم باى وسيله تانيه خارجيه لا يمكن التحكم بها


بس بدم مشى م الاول يبقى مفيش علم عند السائق

بس ده برده اعتقد نفس وجهه النظر ف التعامل مع مجموعه الاطفال والطفل
ان ده صح ودول غلط


يبقى القطار غلط م الاساس
خطأ سؤاء كان مين مسئول عنه م البدايه خالص


بس اعتقد احول القطار
ناحيه الطفل الواحد
وبرده اما يسمع الصوت هيبعد

الموضوع ده جامد
فيه كذا فكره وكلهم داخلين ف بعض

تقف مع الصح ولا الغلط ؟
مع العاطفه ؟
مع سرعه اتخاذ القرار الصعب ف الوقت الاصعب ؟

شكرا لاختيارك الموضوع يا دكتوره
واسف ان كنت خرجت عن الموضوع

[asfourelgana]

شرفني جدا بجد مرورك وتعليقك المتميز ده يا دكتور

وشكرا بجد انك مش مجرد قرأت الموضوع انك كمان فكرت فيه

فجزاك الله خيرا على التفاعل

اما بالنسبه للنقطه دي

يبقى القطار ممكن يتوقف اعتقد فيه فرامل
مش تحكم باى وسيله تانيه خارجيه لا يمكن التحكم بها

فانا دايما كنت بشوف ان القطر مش بيقف مش عارفه ليه

يمكن مفيهوش فرامل او يمكن مش عاملين حسابهم

عموما انا مع الافتراض اللي ف الموضوع ان القطر كده كده مشش هيمشى

في السكه المقفوله وان الاطفال هما اللي هيهربو لأنهم اصلا قبل ما يلعبو

وهما عارفين ان هيبقى في مغامرة وهيجرو

انما الطفل فضل البعد عن المغامرات خالص

اسفه بجد للاطاله بس حبيبت اشرح وجهة نظري

[same7]

فانا دايما كنت بشوف ان القطر مش بيقف مش عارفه ليه
يمكن مفيهوش فرامل او يمكن مش عاملين حسابهم

لا فيه ازاى بقى
ده انا شوفتها بعينى
ايام ما كنت بزوغ ف 2 اعدادى واروح العب جوه محطه القطار
واستنى عمو الطيب يحكيلنا عن التاريخ بدل وجع الدماغ بتاع المدرسه


ياه ايام


ف حاجه كمان بقى حلوه اوى

ان طول ما انت لواحدك فرصه الخطر حواليك اكتر من وجودك مع المجموعه

[asfourelgana]

ان طول ما انت لواحدك فرصه الخطر حواليك اكتر من وجودك مع المجموعه

انا ممكن اتفق مع حضرتك بعض الشئ ف الجمله دي

لكن اسمحلى اختلف معاك بردو

لأن طول ما انا لوحدى هعتمد نفسي واخد حذري اكتر

ولا ايه؟

[العيون الضاحكة]

دلوقتى القرار كله بايد شخص واحد والمفروض ان هو مسئول عن اتخاذ هذا القرار وعن نتائجه.........تم__________________ام قولوا تمام:

بس لو تسبب فى موت الطفل الواحد لن يقال انه فعل ذلك لينقذ المجموعة الاخرى من الاطفال ,
ولو تسبب فى موت مجموعة الأطفال لن يدرك الناس حقيقة ان مجموعة الاطفال كانوا هم الخطأ وان الطفل الواحد هذا هو الصح وهو الاولى ان يعيش لانه وقف فى المكان الذى يؤمن له حياته.

ولكن فى النهاية دول اطفال يعنى ربما لم يعوا حقيقة وجودهم هنا او هناك وان وجود الطفل فى الطريق الامن كان بمحض الصدفة ........اذا المفروض أنقذهم كلهم أو على الاقل الجزء الاكبر منهم( الى هى مجموعة الاطفال.).
لو هنتكلم على مستوى واسع شوية وان الطفل الذى يقف فى المكان الامن يعى أن الاطفال الآخرين فى المكان الخطأ لما لم يخبرهم بحقيقة الامر...... لما آثر ان يقف فى هذا المكان رغم أنه بذلك سيكون وحيد .
والعكس لما لم يتساءل الاطفال عن سر وجوده فى هذا المكان ...هذا لانهم الأغلبية..

لو الموضوع هيتاخد على مستوى الدولة باعتبار الحاكم من بيده القرار
اما يكون مع الاغلبية الى هى على خطا من الأساس
أو مع الاقلية الى هى الصح.
_المفروض هنا انوا يكون مع الصح لانه صح حتى لو كان لا يعجب الاغلبية وهنا فى احتمالين:
اما ان الاغلبية تبدا تنتبه انها غلط وتبدا تشوف هو ليه اختار يبقى مع الناس دى مش معاهم بالرغم انهم الاغلبية.
او
كالعادة وده الى هيحصل بما انهم أغلبية هيشوفوا نفسهم هما الصح وطظ فى الحاكم ده يغور هو وحاشيته (الناس الصح دلوقتى بقوا حاشية ).
.اذاا الموضوع بيتوقف على مدى علمنا احنا بالصح من الغلط اذا ايا ان كان تصرف الراجل المسئول عن القطر سيلقى اعتراض ورفض.
او الراجل سواق القطار يقف وينهى المسئلة دى لانه بصراحة تعب قلبى .
دا كله طبعا مع افتراض ان الأغلبية خطأ وان كنت أشك فى ذلك انا تهت والله ...........وآسفة على الاطالة

[Dr/HULK]

على فكرة صاحب المنطق ده مش مذاكر توكسو كويس

على التوكسو من شروطه هو انقاذ مايمكن انقاذه

يعنى لو قدامى احتمالين
طفل اصابته مميتة وواحد تانى اصابته يسهل علاجها

العاطفة تغلب انى لازم انقذ الطفل لكن ده هيتسبب فى وفاة الاتنين

لكن المنطقى انى اروح انقذ الشخص الاول لأن فرص نجاته اعلى

وبعد ماأنتهى اعمل اللى عليا مع الحالة الميئوسة

مجدش يركز مع الكلام اللى فوق ده تسخين بس

بالنسبة للموضوع

باعتبار ان الاطفال فعلا غلطانين لكن احنا هنا بنتكلم على

risk benifit ratio
مش عارف اترجمها بالعربى

يعنى افل حل يسبب اضرار هو انى اوقف القطر

لو ده مش ممكن يبقى احسبها الاول

لو فعلا السكة اللى فيها الطفل عطلانة يبقى عليه وعلى السكة السليمة ويبقى العيال خدوا جزائهم

اما لو كانت تصلح للسير
فيبقى نصيب العيل (وبعدين هو فيه حد يلعب على السكة الحديد ويقولى مش غلطان)

لأن فى الاخر سواء هنا او هنا

السواق هدفه الاهم هو راكبى القطار اما غير كده هو مش مسئول او مسئولياته قليلة

الموضوع ده عامل كده زى مصر وممكن يبقى فيها شبه بمعاهدة كامب ام ترتر

لما السادات ضحى ببعض المبادىء من اجل سلامة اهل بلده (ركاب القطر) وساب الطفل يموت (وهى فلسطين)

فهنا بقى اختلاف الناس او اتفاقهم على على صحة او خطأ العملية دى بتبقى نسبية لأنك بتحسب المكاسب والاضرار


هو الكلام مفعكش ومش مرتب بس ده اخرى بصراحة

[same7]

انا ممكن اتفق مع حضرتك بعض الشئ ف الجمله دي
لكن اسمحلى اختلف معاك بردو
لأن طول ما انا لوحدى هعتمد نفسي واخد حذري اكتر
ولا ايه؟

احيانا مبتعرفش تواجه الاشياء بأفضل طريقه لما تكون لواحدك
عشان كده لازم تبقى مجموعه

لانك ممكن تعتمد على نفسك وسط المجموعه وتاخد حذرك
والفايده هتعود ع الكل
وهتفيد اللى حواليك


وبرده على حسب الموقف
ده مش رأى ثابت


زى ما احنا مش عارفين ناخد قرار ف الموضوع ده

بس انا اخدت خلاص



و على فكره
الموضوع ده مؤذى بقى

معلش

بس عشان داخل فيه حاجات كتير


بس انا هحول القطر
عشان انقذ الركاب والاطفال

والطفل الراجل اكيد هيزمرله
بس مش ف ودنه زى ما حصل معايا


وهوه هيجرى وينقذ نفسه بنفسه
خليه يعتمد ع نفسه وياخد حذره


يا اما يموت

ما انا مش هضحى بكل ده عشان واحد

[asfourelgana]

انا بجد سعيده جدا جدا بارائكم يا دكاترة

لولو ( العيون الضاحكه) حبيبتي بجد نورتيني بردك والله

دكتور HULK رد متميز كالعاده

دكتورsame7 منورني بمتابعتك معايا

بس في حاجة يا جماعه انتو مأخدتوش بالكم منها _ سهوا_

اللي هى اصلا مرحلة اتخاذ القرار وحساب ما يترتب عليه

يعني كنت عايزة نتناقش في كده

بس عموما انتو بجد نورتوني

ما انا مش هضحى بكل ده عشان واحد

فكرتني باللي هيضحى بالام والجنين عشان الدكتور يعيش

[same7]

بس في حاجة يا جماعه انتو مأخدتوش بالكم منها _ سهوا_
اللي هى اصلا مرحلة اتخاذ القرار وحساب ما يترتب عليه
يعني كنت عايزة نتناقش في كده

ما دى كلها قرارات وافكار ممكن تيجى ف بال كل واحد فينا لو اتحط ف الموقف ده
فأعتقد عشان نناقش لحظه القرار
لازم يكون ف مواقف
لان كل موقف على حسب هيغلب فيه ايه
العاطفه ولا المنطق ولا المعتاد ولا ايه ولا ايه