(( نورا وحكايتها مع تمورة ))
السلام عليكم ورحمة الله وبركاته ~
~ ~
نورا بنت بتحب ليل ونهار تسمع تمورة
ووقتها المحبب اللى بتقضيه على الفيس بوك بيتمثل فى شىء واحد
المشاركة فى جروب تمورة الرسمي
<< تمورة خد صورة>>
وتشير(تنقل) الفيديوهات والاغانى بتاعته على صفحتها الشخصية
وطبعاً مش قادرة اقولكم كل اصحابها
لايك لايك لايك
صحيح انا مش قولتلكم نورا عندها 1000 صديق
حوالى 500 منهم بيعملوا لايك
وفى يوم من الايام نورا لاقت نفسها فى طوابير وناس كتيرة وزحمة كبيرة وحررروكان معاها حاجات مجسمه مش عارفة ايه هى
المهم جيه دورها واتنادى عليها قربت .. اتقال لها اعرضى الحاجات المجسمة اللى معاكي
طلعت اعمالها ومن ضمنها فيديوهات تمورة على الفيس بوك
هَذَا كِتَابُنَا يَنطِقُ عَلَيْكُمْ بِالْحَقِّ إِنَّا كُنَّا نَسْتَنسِخُ مَا كُنتُمْ تَعْمَلُونَ.
[الجاثية:29].
اتقال لها تنقلهم لكفة السيئات فى ميزانها
وبصيت لاقيت عداد سيئاتها بيزيد لما حطيت الحاجات دى فى كفة السيئات
لحد ما كفت الميزان طبت من ناحية السيئات
قعدت تصرخ لا يارب مش عايزة ادخل النار لا يارب انا مكملتش 100 اغنية نقلتهم بس مش اكتر
بس اتقالها انها مكنتش تعرف لما تنقل أغنية على الفيس بوك غيرها بيشوفها بينحط فى ميزان سيئاتها
وغيرها ده بعد ماشافها حطها على بروفيله زاد الميزان 2
صاحبه شاف الاغنيه عجبته نقلها على موبايله صاحبه
خدها زاد 3 وهكذااااااااااااااا لاقت ناس كتيرة
زادوا فى ميزانها يوم القيامة
صرخت وجريت تدور على اى حد ينجدها لاقت قصادها صاحبتها دينا
انجدينى يادينا
دينا : ابعدى عنىانتى السبب فى انى ارجع تانى للى كنت بحبه بعد ماقررت اسيبه عشان ربنا
وسمعت اغنيه بتتكلم على الفراق كنتى حطاها على الفيس وجعتنى اوى مقدرتش رجعت تانى اكلمه
بسببك رجعتينى اعمل معاصي وسيئات كتيررر بعد ما كنت خلاص هبدأ امشي فى الطريق الصح
ابعدي عنى سيبينى انجد نفسي
جريت نورا شافت ولد زميلها جريت عليه وصرخت الحقنى
انجدنى ياعمرو
مش انت كنت بتقول انك بتحبنى فى الدنيا انجدنى
عمرو: ابعدى عنى انا لا كنت بحبك ولا حاجة بس ياما اغانيكى اثرت فيا وهيجت مشاعرى وانا مكنتش لاقى اتجوز // انتى كنتى سبب فى بعدي عن ربنا انا عمرى ماهسامحك
ابعدي عنى سبينى انجد نفسي
جريت على صديقتها الانتيم نسمه
انجدينى يانسمة
ساعدينى ده انا وانتى كنا احلى اصحاب من صغرنا مع بعض فى كل مكان مع بعض
ساعديينى
نسمه : حرام عليكى انا فى نفس موقفك انتى أذتينى لما عرفتينى احط الاغانى دى ازاى
وعلمتينى اشارك بيها على الفيس ازاى
انا اللى عايزة حد يساعدنى
سبينى اساعد نفسي وابعدي عنى
وهكذا الحال كل ماتستنجد بحد يقولها نفسي نفسي
يَوْمَ يَفِرُّ الْمَرْءُ مِنْ أَخِيهِ (34) وَأُمِّهِ وَأَبِيهِ (35) وَصَاحِبَتِهِ وَبَنِيهِ (36) لِكُلِّ امْرِئٍ مِنْهُمْ يَوْمَئِذٍ شَأْنٌ يُغْنِيهِ (37) سورة عبس
لاقت نفسها بيتنادى عليها ولاقت النار بتتحضر ليها
خافت صرخت وهى بتتساق إلى النار
تصرخ ومحدش سامعها وتصرخ وفجأة لاقت نفسها بتتزق وبتقع وفجأة
طااااااااااااااااااااااااااخ
فتحت عينها لاقيت نفسها على الارض وقعت من على السرير
طلعت كانت بتحلم
بكت نورا وحمدت ربها انه طلع حلم مش حقيقة ودخلت اتوضيت وصليت الظهر ودعت ربنا يتوب عليها
واول حاجة دخلت على الفيس بوك ومسحت كل الاغانى اللى حطيتها
وعاهدت ربنا انها عمرها ما تشارك بأغنية
وفضلت حب ربنا الكريم على حب تمورة
رواه أبو هريرة رضي الله عنه عن النبيأنه قال: (( من دعا إلى هدى كان له من الأجر مثل أجور من تبعه لا ينقص ذلك من أجورهم شيئا ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئا))
أنتهت
من باب الخوف عليكم حبيت احط الموضوع ده لانه انتشر موضوع تشيرر الاغانى على الصفحات الرئيسية
يعنى مش بس ذنب سماعك الاغنية
كمان ذنب اللى هيسمعوها معاك
طيب ده من كتر حسناتنا ؟؟!
احنا محتاجين حسنات كتيرر مش عايزين نتحمل اوزار غيرنا
عشان كده من انهاردة هنعاهد ربنا عمرنا مانشارك لا بصورة ولا أغنية على الفيس بوك
لو دخلت او دخلتى وكملتى الموضوع للأخر اعرف/ى انك مدخلتش بالصدفة
ده ربنا اختارك من ضمن ملايين على الفيس بوك عشان يصطفيك
اتمنى مكونش طولت عليكم
رجاء: أنشروا الموضوع فى كل المنتديات اللى تعرفوها
فالدال على الخير كفاعله
ولا تنسونا من صالح دعائكم الكريم
بارك الله فيكم
.gif)
.gif)
.gif)
.gif)
رد مع اقتباس
.gif "Fop (7)")
المشاركة الأصلية كتبت بواسطة muna7assan
.gif "Fop (27)")
