بين الحزن والفرح ....... ضاع العمر

[E.Raafat]

السلام عليكم

دي أول مشاركاتي في قسم المناقشات أنا قرأت الموضوع اللي كتبه الزميل (أحمد الريس )
وكنت سعيد جدا بالفكرة فقررت أكلمكم شويه عن حياتي
أنا بقى الحياة معايا مفهاش لون رمادي يعني يافشل يانجاح قصدي إن فيه حاجات أنا دايما ناجح فيها
حتى لو مسعتش لها زي مثلا أنا افتكر إن أنا من أولى ابتدائي لحد أخر يوم ليه في المدارس وأنا
أمين الفصل ومش كده وبس دا أنا كمان في بعض الأحيان كنت بكسب أمين وأمين مساعد
في نفس الأنتخابات ( مش كوسه والله ) حتى في اتحاد الطلبة عمر ما شاركت في أسرة ولا حتي
في أي نشاط ومش معروف في الدفعة أوي بس مش عارف ليه أو إزاي كسبت دي أمثلة بسيطة
عن اللون الأبيض في حياتي
أما بقى اللون الأسود فحدث ولا حرج وبذات في الحب فيعني مثلا أول بنت حبتها اتجوزت من
واحد تاني وأنا في إعدادي صيدلة قلت وماله نصيب نرضى بالقدر وإن شاء الله خير
الصدمة التانيه لما ولدتي اختارت واحدة في منتهى الجمال وقالت هيه دي مفيش غيرها
بس للأسف كانت بتطلع الأوله على كلية ............. في محافظة تانية بعيدة جدا عن المنصورة
دا معناه أنها هتتعين معيدة هناك ومش هتضحي بمستقبلها المهني عشاني وانا معنديش
استعداد أسيب شقتي اللي مساحتها تقترب من متين متر وأبويه تعب جدا في تجهيزها
الصدمة الثالثة لما حبيت بقى واحدة قريبتي حبتها فعلا وخلاص والدي أحد قرار نإن احنا نتقدم
لأهلها فجأة التليفون رن وعرفنا اقرب الناس ليه وفي مقام أخويه الكبير اتقدم لها (هوه قريبنا برده)
والعجيب أن أهلها يسألوك عن رأيك يوافقوا ولا لأ
المهم في النهاية وافقوا وبعد فترة اختلفوافا فركشوا الموضوع الأصعب إن أنا معدش ينفع أتقدم لها
هدخله ازاي بيتي لو اتجوزتها وازاي هواجه أصلا

يعني الأصعب بقى ياعم أحمد إنك تلباقي الحب ولا توجد الظروف المناسبة للحب
أنا عندي الشقة ويعني مقتدر ماليا بس بصراحة عدت بخاف أحب أيييييييييييييييييييييه رأيكم بقى

ابراهيم رأفت ( اللجنة الفنية بالاتحاد)

[novae]

انا شايفة يا دكتور انك لو لسه بتحب قريبتك اتقدم لها ومسالة بقى ازاى هتدخله بيتك وكده عادى يعنى بتحصل كتير وهو اكيد هيتفهم الموضوع ومع الايام الموضوع هيتنسى وربنا يوفقك ولو مفيش نصيب معاها ان شاء الله ربنا يرزقك عن قريب

[E.Raafat]

شكرا عل إهتمامك دا إحتمال وارد بس ممكن يكون أحسن لو أنتظرت فترة لحد الأمور ماتهدى وتتنسى

[pharmachemist]

لكل انسان نصيب وزرق وكما يقول الله فى كتابه... بسم الله الرحمن الرحيم ( ما من دابه الا على الله رزقها يعلم مستقرها ومستودعها كل فى كتاب مبين) صدق الله العظيم .....فلا دعى للحزن وان شاء الله ربنا هيكرمك باحسن فتاه

[A.Elrayes]

السلام عليكم

دي أول مشاركاتي في قسم المناقشات أنا قرأت الموضوع اللي كتبه الزميل (أحمد الريس )

وعليكم السلام ورحمة الله وبركاته
أولا احب اشكرك انك قرأت موضوعي وانا كنت كاتب انه فعلا بيشغل ناس كتير عشان كده كتبته

يعني الأصعب بقى ياعم أحمد إنك تلباقي الحب ولا توجد الظروف المناسبة للحب
أنا عندي الشقة ويعني مقتدر ماليا بس بصراحة عدت بخاف أحب أيييييييييييييييييييييه رأيكم بقى

بص يا ابراهيم مفيش حد بياخد كل حاجه ولازم الانسان يتعب عشان يلاقي وانت من اكتر التاس اللي عارفين انا حصلي ايه قبل كده بس الحمد لله اتعلمت كتيير جدا واهم حاجه اتعلمتها اني ارضي بقضاء الله وقدره وابقي عارف ان كل انسان مهما كان مخير في امور كثيره فهو مسير الي امور أكثر والزوجه رزق ورزقك مكتوب فمتخفش ولكن حاول ان تتخذ القرار الصحيح في الوقت الصحيح وده هو السبب اللي خلاني اكتب موضوعي لاني شايف ان ده القرار الصحيح ولكني لا اعرف الوقت الصحيح

لكل انسان نصيب وزرق وكما يقول الله فى كتابه... بسم الله الرحمن الرحيم ( وما من دابه في الأرض الا على الله رزقها و يعلم مستقرها ومستودعها كل فى كتاب مبين) صدق الله العظيم .....فلا دعى للحزن وان شاء الله ربنا هيكرمك باحسن فتاه

بصراحة مش هاقدر اقولك اكتر من اللي د/pharmachemist قالته جزاها ربي خيرا

[drpinkysnow]

بجد الموضوع مؤثر جدا
بس بيتهيالى العنوان ضاع العمر دى مش فى محلها
يعنى حضرتك مش كبير اوى علشان نظرة التشاؤم دى ولسة قدامك كتير علشان تلاقى حد يكون ربنا كاتبه من نصيبك
وساعتها اكيد المواضيع دى كلها مش هتعتبر نفسك فيها مانجحتش لان كل دة نصيب
وربنا يوفقك للخير ان شاء الله

[Moonlight]

السلام عليكم و رحمة الله و بركاته
أرجو إن حضرتك تتقبل كلامي بصدر رحب
ليه حضرتك بتحب قبل ما ترتبط الإرتباط الصحيح
لما العقل بيسبق العاطفة بتتحل مشاكل كتير أو ما بتتوجدش المشاكل دي أصلا و إن كانت نفسية
أما لما بيحصل العكس بيبقى فيه مشاكل
خطوة الإرتباط دي خطوة مهمة و بتاخد وقت و مش أي حد تشوفه أو حتى تفكر فيه تبقى حبيته
هو لو حضرتك عايز ترتبط بقريبتك أعتقد يفضل إن قريبك ما يتفاجئش حتى لو كلمته قبلها

[E.Raafat]

وعليكم السلام ورحمة الله وبركاته
متشكر جدا على اهتمامكم ومتقبل مروركم جميعا
بالنسبة للعقل والعاطفة دا صراع رهيب مش بالسهولة التي قد يبدوا عليها الأمر أنا بحاول قدر المستطاع أوجد للعقل مكان في غرفة اتخاذ القرار لكن دايما القلب بينتصر لحد العقل ما خلاص قاطع كل اجتماعتنا
والشاعر بيقول

الـعـقل لأجـلك نـهر الفــؤاد .....يذكره بحراس العرش مولاتي
والقلب مد جناحيه أعلنـــها .....حربا مقدسة تـغـفـر الـــزلات
سأمضى أصنع الهوى سلما.... أحمل النسيم دفء قـبـلاتـي

وأيضا

الحب مولود بداخلنا ترعرع ... ألهب الفؤاد وسره اختلــس
رسّم نفسه حاكما للقلب ... فصاح العقل للعدل ملتمسا
أسرعنا نعيد العقل حبسه ... ودعونا الحب ليشهد العرس

العقل قبل العاطفة ياريت بسسسسسسسسسسسسسسس إزاييييييييييييييييييييييييييييييييييييي

[A.Elrayes]

السلام عليكم و رحمة الله و بركاته
أرجو إن حضرتك تتقبل كلامي بصدر رحب
ليه حضرتك بتحب قبل ما ترتبط الإرتباط الصحيح
لما العقل بيسبق العاطفة بتتحل مشاكل كتير أو ما بتتوجدش المشاكل دي أصلا و إن كانت نفسية
أما لما بيحصل العكس بيبقى فيه مشاكل
خطوة الإرتباط دي خطوة مهمة و بتاخد وقت و مش أي حد تشوفه أو حتى تفكر فيه تبقى حبيته
هو لو حضرتك عايز ترتبط بقريبتك أعتقد يفضل إن قريبك ما يتفاجئش حتى لو كلمته قبلها

بصراحة كلام حضرتك ممتااااز جدا وده اللي انا اتعلمته والحمد لله ماشي عليه الحمد لله وهو ان العقل لابد وان يسبق العاطفة فلا حب بدون ارتباط ولا ارتباط بدون تحكيم العقل اولا.....

[حنين الأمس]

بصراحة كلام حضرتك ممتااااز جدا وده اللي انا اتعلمته والحمد لله ماشي عليه الحمد لله وهو ان العقل لابد وان يسبق العاطفة فلا حب بدون ارتباط ولا ارتباط بدون تحكيم العقل اولا.....

مبروووك يا دكتور....توبة نصوح بإذن الله...

لا تستبدل الود الذي سيقذفه الله في قلبك لزوجتك ... بحب حرام...
الود الحلال ده غالي أوووي...

ربنا يكرمك يا دكتور أحمد ويرزقك بالزوجة الصالحة لما تتخرج بإذن الله وتبني نفسك كويس....
...ربنا يهدينا جميــعاً لما يحبه ويرضاه...

...اللهم إنا نسألك الهدى والتقى والعفاف والغنى...