PhotoDay ... 12/5/2011

[NASR]

A day to remember




معادنا إنشاء الله يوم الخميس 12/5/2011 بعد شيت التوكسو .. الساعه 12.30 الظهر

هنستناكم في ساحة الكليه .. و هيكون معانا في اليوم دا مصورين من ستوديو هيلتون هيكونو معانا من بعد الشيت لأخر النهار ...

اليوم هيبدأ في ساحة الكليه بصور جماعية و تشكيلات " مثلا زي رقم (37) و دا رقم الدفعة بتاعتنا " .. بالإضافه لصور الأصحاب و الشلل مع بعض

بعد كده هنتحرك سوا لاستاد الجامعه ... هناخد هناك صور جماعية على سلم كبيير في القرية الأوليمبيه .. و طبعا غير الصور الجماعية و الفردية اللي ممكن تتاخد في الجناين و المساحات الخضراء اللي هناك ...

أي مجموعه متاح ليها انها تعمل أي حاجه تحبها .. يلبسو شبه بعض .. يلونوا أو يرسموا ... اليوم يومكم

الدعوه مفتوحه لكوووووووول دفعة رابعة صيدلة

منتظرينكم




ملحوظة : بالنسبه لاستلام الصور ... الصور هتكون كلها موجوده في التلات فروع بتوع هيلتون في المنصورة ...
1- فرع المختلط جنب الوكاله
2- فرع جنب مارشال الجزيره .. في المطلع
3- فرع جديد في أول النخله من ناحية أداب

بعد الفوتوداي بيوم أو اتنين ... بتروح الفرع و تختار الصور اللي تعجبك ... و الأسعار كالأتي :
- الصورة المطبوعة ( أد نص ورقة أيه 4 ) .. بـ 4 جنيه
- الصوره برزليوشن قليل " مناسبه للتبادل على الكمبيوتر و التحميل على الفيس بوك .. يعني بتبقى حلوه على الكمبيوتر و الفيس .. و لكن غير مناسبه للطباعه " ........ دي بتكون الصوره الواحدة على الاسطوانه بـ 0.5 جنيه

يعني مثلا عجبك 25 صوره ... طبعت 5 .. و اخدت 20 على سي دي .. هتدفع 30 جنيه ... و ممكن تاخدهم كلهم على اسطوانه و تدفع 15 جنيه ... ليك مطلق الحرية

[محمد سمير]

الصور دى بتبقى ذكرى جميله جدا

اوعوا تفوتوها ياجماعه

انا لما بحب افتكر ايام شبابى بدخل اتفرج على الصوراللى كنا متصورينها السنه اللى فاتت

[NASR]

و ممكن تاخدهم كلهم على اسطوانه و تدفع 15 جنيه ... ليك مطلق الحرية

عفوا يا جماعه ... لو 25 صوره على اسطوانه هيبقو بـ 12.5 جنيه .. خطأ حسابي

[ahmed helmy]

طيب يلا الحقوا اتصوروا معايا عشان تدخلوا التاريخ
فكره جميله وان شاء الله يبقي يوم جميل
بس الوقتي هيبقي في كام مصور موجود وهل العمليه هيبقي لها منظم
ولا هتبقي تعالي صورني يا هندسه

[NASR]

هيبقى فيه 5 مصورين ... و أ/ محمد حسن "صاحب الاستوديو" هيبقى موجود بإذن الله ... بالنسبه للتنظيم .. هنكون 11 منظم موجودين .. و هنسق معاكو و مع المصورين

[dr queen]

فكره جميله جداااا ....

معاكم ان شاء الله

[TrEmEnDoUs]

الدعوة عامة و ياريت كل الناس تبقي عاملة حسابها انها جاية لأن يوم زي ده المفروض ميتفوتش لأن دي المفروض هتبقي صور للذكرة و صور احترافية غير صور السكاشن بتاعتنا دي و كمان هيبقي كل الدفعة موجودة فيها مش عدد قليل....

[@Noh]

لو مجموعة ب امتحنت الشيت بعد أ ابقوا استنونا.

[asfourelgana]

اه ياريت تستنونا عشان في اصحاب لينا ف (أ) عايزين نتصور معاهم

[mohanad]

nice Photo Day ,,,,,thanks For All Organizers