بنحبك يا مصر
(1)
ردِّدنا كتـيـر نشـيـدك
هتفنا وقولنا اسمك
ورفعنا دايماً رايتك
وفاكرينَّا ادينالك حقك
شايفــانا بنضـيـع منك
مش قادرين نحقَّق حلمك
بنسيبك وانتى ف مِحَنِك
بكيتى علينا بعينك
مسحنا بإيدينا دمعك
شوفنا المُرّْ ف سنينك
موتنا قدام منك
عشنا ف عزّْ فقرك
ولا قولنالك غير بنحبِّك
(2)
ضاعت فيكى أحلامى
محسّتش فيكى بكيانى
قولت برا هكمّل مِشوارى
يمكن أعرف أقول أفكارى
يمكن هناك هحقّق ذاتى
مكانش هاممنى غير أيامى
مكنتش حاسس بانتمائى
مقدرش أوصف إحساسى
كنت هناك بَحنِى راسى
قولت أرجع وأعيش لناسى
عشان براكى كنت بآسى
سبت هناك و صوتك نادانى
قاللّى ارجع هخدَك فى أحضانى
(3)
علِّمونا فى البيت و احنا صغار
نقول الحق لو إيدينا ف النار
لما شوفنا الدنيا و بقينا كبار
جينا نتكلم ضربونا بالنار
عاملونا بمنتهى الاحتقار
بيحسسونا إن ده من العار
كانوا فاكرين ده هزار
كانوا فاكرينَّا مش ثوار
وقفنا قصادهم و خدنا القرار
احنا الشعب و كان ده الإختيار
من النهارده السلطة مش احتكار
عرفنا حقوقنا وخدنا التار
جبنالك حقك و بقينا أحرار
رد مع اقتباس
.gif "Fop (18)")
ــيلة جزاك الله خيرا..
المشاركة الأصلية كتبت بواسطة M.Hegazy
