بـــردو مجــــــــاش

[Aya Farouk]

دى حاجة كده مش بعتبرها قصيدة وكبيره وبتاع
هى حدوتة صغيره

والجو برد
والهوا عمال يخبط فى البيبان
واقفه بستنى لسا فى مكانى
زهق منى الشباك
لسا بقول لنفسى
لو يعدى وأشوفه تانى
قلبى يقولى تانى ؟
حرام عليكى كفاياكى

دا السهر والليل شاكينلى منك
وأنا يا عينى مكسور
مش ذنبى انى قلبك !

طب اقول لمين يقولك
اننا تعبنالك سلف
دا حتى حيطان الاوضه
شمتانه فيكى
والنجوم اللى فكراها بتواسيكى
كل ليله تضحك عليكى
مجنونه ديا ؟
كل ليلة لسا واقفه مستنيه !

وكل نجمة تسأل التانيه
بردو معداش ؟
يقولولها ..
زى كل ليله
.
.
.
بردو مجـــــــــاش

[A.Elrayes]

الفكرة رائعه بس مع احتارمي الكامل لحضرتك ده مش شعر خالص
انا اسف بس ده رأيي

[chocolata]

عسل جدا جدا جدا وواقعيه اوى يااختى بجد

تسلمى ياايه

انا البلكونه والشبابيك عندنا اشتكوووووووووووووووووا برده

وانا اقول هيجى مش هيجى

هييجى مش هييجى

اكيد طبعا مبيجيش


لا فعلا جميله ياايه تسلمى

ويارب اقرالك حاجات اكتر لذيذه كده

[M.Hegazy]

هيا جميلة .. بتعبر عن موقف بطريقة بسيطة و حلوة قوي ..

بس لو تطول شوية .. لأن مش باين فيها حتة الشعر دي قوي ..

بس بردو تسلم إيدك ..

خالص تحياتي ..

Dr/ M.Hegazy

[Aya Farouk]

بحترم طبعا كل الأراء .... والحمد لله انى نوهت فى الأول انى مبعتبرهاش قصيده !
هى مجرد خاطره على شكل شعرى ! مش هتطول عن كدا !
ومنورين برده التوبيك
شكرااااا

[M.Hegazy]

تسلم إيدك يا دكتورة آية .. ربنا يعلم إن كتاباتك بتأثر بيها قد إيه و اتعلمت منها قد إيه .. و زي ما قلتلك قبل كده إنتي من الناس القلائل اللي باحترم كلامهم ..

لكِ مني كل التحية يا دكتورة ..

[Aya Farouk]

على رااااااااااااااسى
متشكره جدا جدا جدا

[Sara Saso]

nice nice ya yoyo
bs ed5oly b2a mn el shbak a7san ygeelk brddd

wait more
w a7la 7aga f ktabtk en7a mo5tlfa
ana 3n nafsy byegy f baly 7agat 3amya bs m3ndesh el gora'a eny aktob7a
badndn b7a m3a nafsy lma ba23od astna7 f shbak 2011 ( el net hhhh)

[Come back]

لا فعلا جميلة
I have really felt it strongly

[Aya Farouk]

سارة كلنا بندندن عليه اليومين دول هههه
بس بردو بنطلع اللى جوانا عليه

thnxxx " come back