المشاركة الأصلية كتبت بواسطة عامر إبراهيم
زي ما لمياء قالت الموضوع مهم جدآ فعلآ لأي شخص فى الدنيا دى
لأن دى الفطرة الطبيعية اللى ربنا خلقنا عليها
لكن أولآ خلينا متفقين هي بتختلف من شخص لشخص علشان هي بتتحدد على عدة معايير مش معيار واحد
أعتقد المعايير دى بتكون : المسئولية, العقل, الإلتزام, إحترام الآخر, القدرة على التعامل وفهم الآخر, القدرة على القيام بالواجبات " وده معناه إننا نعرفها ", والقدرة على الحصول على حقوقنا بدون جرح الآخر... إلخ إلخ .... حتى تأتى فى المرتبة الأخيرة التكافل المادى
والتكافل المادى فى الإسلام لواحده موضوع كبير, مش ينفع ألخصه لكن بخصوص " كلمة بابى وطنط ", فالإسلام يكفل للأبناء حق الرعاية من الآباء والتكافل المادى, بل وصل الأمر إن الشيوخ ألزموا أولياء الأمور بتكفل الإبن المتزوج إن واجهته ضائقة مالية, وده لأن إسلامنا دين إجتماعى يحث على العمل و الإنتاج ولكنه لا يقطع الصلات والود والمحبة, ولأن الأبن وماله لإبيه, فإزاي أب مش بيصرف على إبنه, إبنه يرعاه لما يكبر ويكون شيخ مسن!
إذن القاعدة الصحيحة هي تكفل أولياء الأمور بأبنائهم, وغير ذلك, ليس بالضرورة خطأ, ولكنه خارج القاعدة
التكافل المادى مش أقل أهمية لأنها جت فى المرتبة الأخيرة من وجهة نظرى, لكن مهما كان فى غناء فاحش فلن تقوم الحياة الزوجية أو العلاقات الإجتماعية بدون ما قدمته علي الأمور المادية.
وده يفكرنى بموضوع ربط الجواز بسن أدنى , اللى هو مثلآ 18 سنة للبنات و 21 للشباب, طب ما كلنا أكيد قابلنا نوعيات من الناس عدت الـ 40 سنة وغير صالحين للزواج او تحمل المسئولية, برغم من الرخاء المادى, واللى منهم يتزوج, يكدر صفو حياته, ويعكر مزاجه, وينتهى الحال بينهم فى المحاكم وغالبآ بالطلاق أو حياة مليئة بالهموم.
الإنسان فى الحياة بيتكون من 7 جوانب
* الجانب الإيماني والروحاني
* الجانب الصحي والبدني
* الجانب الشخصي
* الجانب الأسري
* الجانب الاجتماعي
* الجانب المهني
* الجانب المادي
علشان الإنسان يكون سوى وقادر على العطاء ويقيس مدى نجاحه فى الحياة لازم يكون ناجح فى الجوانب السبعة بنفس المقدار
فمش معنى إنى متزوج يبقى أهمل فى أصحابى
ومش معنى إنى بدرس, إن المفروض ماربطش نفسى بحاجة تانية
ومش معنى إنى شغال إنى أقصر فى حق زوجتى
وهكذا
بإختصار الإنسان عامل زي الدائرة اللى من 7 أنصاف أقطار, لو أنصاف الأقطار مش متساويين هيكون غير دائرى وغير إنسيابى, ينفع كاوتش عجلة يبقى مربع أو مثلث أو أي شكل غير مستدير؟ بالتأكيد مش هينفع يمشى على الأرض لو مش عجلة كاوتش دائرى, وكذلك الإنسان نجاحه و إتزانه يقاس فى الجوانب السبعة معآ
شباب كتير إن ماكنش معظم الشباب بيخوضوا تجربة العمل أثناء الدراسة وتجربة أنواع أخرى من المسؤولية حتى لو كانت تطوعية منتظمة, سواء تطوعية أو ربحية, فده بيعلم الإنسان كتير جدآ, أهمها إنه بيجهز نفسه لمسئوليات مابعد التخرج و الزواج و إنه يتدرب على تنوع المسؤوليات والتدريب على الموازنه بين تحمل مسؤوليات ومهام مختلفة
بالنسبة لموقفك الشخصى, إنت أكتر حد تعرف نفسك و إمكانياتك وقدرتك على موازنة الأمور وتنظيم نفسك, وزي ماقلت الموضوع مش موضوع فلوس بس, فالزوجة الصالحة آخر مايشغلها الأمور المادية
وياسيدى العبرة بالنصيب
والله سيبها على الله وتوكل عليها واستخير واستعن بالله وصدقنى ربنا ماهيبعد عنك حاجة كانت خير ليك أبدآ
وربنا يوفقك دائمآ يارب ونسمع عنك كل خير
ارتباط قبل التخرج (هام)
رد مع اقتباس
.gif "Fop (18)")
