حلم
فى حلم من أحلامى شوفت طفل بريئ مايتنسيش
لمحت فى عينه نظره بتقولّى نفسى أعيش
سمعت بقلبى صوته بيقولى اسمعينى ماتبخليش
طريقى كله شوك لا فيه ورد ولا نعام ولا حتى ريش
يغضب عليا لما أعدّى منه ويقولّى عليا ماتمشيش
نهارك عليا ليل وليلك من غير قمر ونجوم مافيش
أرد أقوله انتى طريقى والحياه على غيرك ماتساويش
راضى أنا بحالى راضى أعيش ليلك فياريت من خيرك ماتحرمنيش
ضعيف أنا وحدى عايزك تقوينى وغيرك لا ماليش
أنا نفسى أشيل الشوك منك ازاى تكون بستان وزهورك ماتغنيش
لا هقدر أعيش ساكت ولا هقدر أبعد عنك وطيفك مايسيبنيش
ناوى أعيش هنا وأكون لك عون وسند وأطمنك ماتخافيش
بعمرى أحميكى يا قدس ازاى أكون انسان ودمى لأرضك مايرويش
ينادى عليا الضحى يقولّى قومى ماتتأخريش
ازاى قادرة تنامى وطفل بيقولك كل أملى انى أعيش
أسفى ع اللى ضاع من عمرى وحياتك لأخلّى عيونك ما تبكيش
ياريت تجمّعوا أول حرف من كل بيت
رد مع اقتباس
المشاركة الأصلية كتبت بواسطة * lovely heart *
.gif "Fop (18)")
