شكرا لأعضاء لجنة الرحلات ...

[dr.sara22]

انا عاملة الموضوع عشان أشكر أعضاء لجنة الرحلات اللى طلعوا الرحلة

رفيدة الشافعى .. الفرقة الرابعة

زينب بدران .. الفرقة الثالثة

د/ محمد الالفى .. الفرقة الثالثة


بجد ربنا يكرمكوا ويبارك فيكوا

ومشكورييييييييييين على المجهود اللى بذلتوه فى الرحلة

وكمان المجهود اللى اتضاعف وزاد عليكوا عشان نقص بعض الامكانيات فى الباص

ربنا معاكوا

وبجد سعيدة جدا انى طلعت الرحلة دى ... يكفى انها أول رحلة تبع الاتحاد

مع خالص تحياتى

[أمــ هـنـد ــة الله]

حمدالله ع الســلامة

قولو لنـا عملـتو ايـه واخبـار الـرحلـة

لانـى عايزة اطلع رحلـة ومحدش راضـى

فقولت لهم هشوف رحلـة البنـات انطباعها ايـه عن الجو العـام فى اسكندريـة

لانهم خايفين جدااا وعندهم اعتقاد ان باص الرحلة هيتسرق زيه زى التوكتوك ^^

فطمنونى عشـان اطمنهم واطلـع ><

[dr /roka]

الرحله كانت كويسه والجو العام حلو ومليان مرح وطبعا شكر كبير للقائمين على الرحله
وماتخافيش الدنيا امان جدا واسكندريه بجد تحفه
بس للاسف الرحله بدل ماترجع الساعه 12 كحد اقصى رجعت 2 بعد منتصف الليل وده عمل قلق كبير لان الناس ماكنتش عامله حسابها على كده واللى اضطرت تبات عند صحبتها واللى اتهربت مع صحبتها للمدينه واللى خلت بابا صحبتها يوصلها زى حلاتى
بس بجد بجد افريكانو بارك كانت جامده

[ضياء القلب]

الرحلة بفضل الله كانت جميلة جدا
وربنا يبارك فى كل القائمين عليها وخاصة اعضاء الاتحاد اللى كانوا معانا
برنامج الرحلة كان رائع وخاصة داخل الباص
والجو هناك كان جميل جدا

[dr_sony]

ana kman 3ayza ashkor a3da2 alet7ad bgd bazalo maghod kbir 2wy wem3a an albus kan msh wla bod ala anhom 2dro yet5albo 3la al7kaya de we kan algaw al3am fil bus 7lw 2wy .
da 5ir an alr7la kant 7lwa 2wy ala an agmal 7aga feha kant africano park bsara7a kan to7fa makontsh atwak3 ano blgamal dah l7l kan yom 7lw 2wy

[ريحانة الجنة]

الرحلة كانت جميلة جدا
وافريكانوا بارك كانت غير ماكنت متخيلة
كانت رائعة

وشكرا لاعضاء الاتحاد اللى بذلوا مجهود عالى جدا
وبالذات فى برنامج الباص
ربنا يكرمهم ويجازيهم خير

واذا كان فى بعض السلبيات وهى ليست بيد اعضاء الاتحاد
فالايجابات اكثر

جزاكم الله كل خير

[dr.sara22]

أحب بس ألفت النظر لحاجة ..

طبعا الكل مقدر تعب رفيدة وزينب ..ربنا يجازيهم

بس فى ناس مش ملاحظة خااااااااالص دور د/محمد فى الرحلة

أنا كنت من اللى قاعدين قدام فيعتبر كان كل حاجة قدامى ... بجد فعلا د/محمد تعب جاااااااااامد فى الرحلة

يكفى بجد موقفه فى انه مش نزل وخلاص عند البوابة عشان لسه أصلا هيسافر .. لأ فضل فى الأتوبيس لحد ما كل الناس نزلت فى أماكنها رغم ان الاشراف كان نزل

وكمان كان بيساعد فى تخليص اجراءات دخول المزارات والسؤال عن الطريق والمشتروات

فربنا يجازيكوا كلكوا ... ويعنكوا علينا

[الجنة مرادى]

ليه كدا بس..... كان نفسى اطلع.......بس قدر الله وما شاء فعل

مع انى مطلعتش بس انا عارفة ان رفيدة وزينب وأكيد د محمد على اد المسئوليه ربنا يبارك فيهم يارب

بس فعلا اجمل شئ ان دى اول رحلة لأول اتحاد اخترناه كلنا

[dr.sara22]

إن شاء الله تتعوض مرة تانية

والله العظيم افتكرتك وأنا فى الرحلة ... وافتكرت رحلة اسكندرية اللى فاتت

وإن شاء الله نكون مع بعض فى تانى رحلة يطلعها الاتحاد

[ريحانة الجنة]

أحب بس ألفت النظر لحاجة ..

طبعا الكل مقدر تعب رفيدة وزينب ..ربنا يجازيهم

بس فى ناس مش ملاحظة خااااااااالص دور د/محمد فى الرحلة

أنا كنت من اللى قاعدين قدام فيعتبر كان كل حاجة قدامى ... بجد فعلا د/محمد تعب جاااااااااامد فى الرحلة

يكفى بجد موقفه فى انه مش نزل وخلاص عند البوابة عشان لسه أصلا هيسافر .. لأ فضل فى الأتوبيس لحد ما كل الناس نزلت فى أماكنها رغم ان الاشراف كان نزل

وكمان كان بيساعد فى تخليص اجراءات دخول المزارات والسؤال عن الطريق والمشتروات

فربنا يجازيكوا كلكوا ... ويعنكوا علينا

فعلا يا سارة معاكى حق
ربنا يجعله فى ميزان حساناتهم ويجزيهم كل خير