لما الموضوع يكون ليه علاقة بشرف يبقى لازم الكل يمدحه

[Dr/HULK]

لما تناول رئيس الوزراء المصرى الفول مع الجماهير فى احد المطاعم



وهنا وهو شايل حذاء السيدة لما راحت مكتبه




عصام شرف ابن ثورة التحرير

راجل محترم باجماع كل الاعلام والصحف

راجل عظيم لا يصلح للانتقاد

بعض الناس بيطالبوه للترشح للرئاسة مصر وهو لم يرد

كل ده تماما

لكن نيجى للسؤال المهم بقى



دلوقتى الراجل ده قال ان لو اى مطلب من المطالب متنفذ هو اول واحد هيكون فى التحرير

ليه مشفناهوش لما الناس نزلت يوم 8 ابريل؟؟؟

مش مهم هو رئيس وزراء ووراه مشغوليات



نيجى بقى فى اول اختبار حقيقى ليه كرئيس وزراء لأن ده الاهم

بعد تشكيل الحكومة

اعتصم معظم طلاب الجمهورية لتغيير العمداء فى الكليات

ازمة كلية الاعلام اللى اتحلت بعد مالطلبة اعتصمت لأكتر من شهر وانضربوا

وعندنا فى المنصورة دلوقتى اعتصام طلاب كلية الطب البيطرى ومفيش لا حس ولا خبر وكأن وزير التعليم العالى بيدير وزراة تانية جنب وزارته

وكل يوم الوضع بيبقى اسوأ من اللى قبله

ودلوقتى فى حركة تعيين المحافظين

حد شاف تغيير فى تعيينهم ؟؟؟؟

نفس معايير النظام القديم

وبعد كده لما الناس فى قنا نزلت تعترض عن محافظهم

سمعنا اتهامات انها مطالب طائفية عشان هو مش مسلم

وفجأة اصبح اى واحد ينتقد عصام شرف عن سكوته اتجاه ازمة قنا من الثورة المضادة

وبعد كده بدأت الاتهامات تترمى على المجلس العسكرى

مع ان مجلس الوزراء هو المسئول عن تعيين المحافظين او اعفائهم من القيادة


واللى يغيط اكتر ان مفيش اعلامى واحد خرج اتكلم ودافع عن اهل قنا وانتقد رئيس الوزراء
لأ بالعكس كله خرج يتهمهم انهم طائفيين واو جهلاء او بيقودوا الثورة المضادة

يعنى مثلا مقال زى ده لبلال فضل اللى بصراحة معدتش يجيب الضغط
http://www.masrawy.com/News/Writers/General/2011/April/21/blal.aspx

بيلوم على شرف فى كلمة

وبقيت المقال بيلوم على اهل قنا مع ان الاعتصام ده حقهم

وحجة قطع المواصلات دى بالظبط حصلت فى التحرير

ولا هو ميدان التحرير موجود فى الصحراء

ولا عشان ينافقوا رئيس الوزراء ويرضى شباب الثورة اللى بيدعموا شرف نتهم اهل قنا ونمنع عنهم الحق فى التظاهر

وخصوصا ان تم تجاهلهم تماما بنفس وتيرة النظام القديم

كل اللى حصل هو ارسال وزير الداخلية ؟؟؟؟؟؟؟؟



دلوقتى بالظبط الناس اللى بتتكلم عن دستور جديد عشان يحمينا من فرعون هما اللى بيصنعوا الفراعنه بنفاقهم وكذبهم

[محمد_على_سلام]

شكرا لحضرتك على طرح الموضوع
بالنسبة لاعتصامات الطلبة لتغيير العمداء فده مطلب مش منطقى لان المجلس الاعلى للقوات المسلحة قال انه لاتغيير فى القيادات الجامعية وانها هتبقى بعد انتهاء الترم بالانتخاب فعملية المطالبة بتغيير عميد ملهاش لازمة وتضييع وقت ومجهود على الفاضى وكلها شهرين تلاتة ويتغيروا كلهم

تانى حاجة بالنسبة لموضوع اختيار المحافظين فمع حضرتك حق ان السبب فيه هو مجلس الوزراء اللى بيتعاملوا فى تعيين المحافظين بنفس النظام القديم اللى هو شوية لواءات شرطة على جيش ونظام الكوتة اللى شغالين بيه والمفروض ان احسن حاجة ان يتم اختيار المحافظ من ابناء المحافظة لانه ادرى واحد باحوال المحافظة وجاهز يشتغل فيها على طول مش لسه هيدرس ويتعرف على مشاكل المحافظة علشان يحلها وبعدين ابن المحافظة غصب عنه هيشتغل كويس لانه بعد ما يخرج من منصبه هيفضل فى وش اهل محافظته فلو ما اشتغلش كويس هو عارف معاملته هتكون ازاى

وبالنسبة للصعيد فدى مشكلة كبيرة جدا لان الصعيد فعلا مظلوم جدا دايما حاسين هناك بالاضطهاد ومحدش بيعرف عن مشاكلهم ولا الاعلام بيهتم بيهم بنظرية طالما انت بعيد عن القاهرة يبقى ملكش لازمة وطبعا بيعانوا من بطالة بنسب عالية جدا بالاضافة لارتفاع معدلات الفقر فلازم نظرة الحكومة عامة تتغير للصعيد ويتم الاهتمام بيه بغض النظر عن قنا واللى بيحصل فيها

[dr_smile]

متفقة معاك فى كل حرف قلته
حضرتك جبت من الاخر

[Dr/HULK]

شكرا لحضرتك على طرح الموضوع

بالنسبة لاعتصامات الطلبة لتغيير العمداء فده مطلب مش منطقى لان المجلس الاعلى للقوات المسلحة قال انه لاتغيير فى القيادات الجامعية وانها هتبقى بعد انتهاء الترم بالانتخاب فعملية المطالبة بتغيير عميد ملهاش لازمة وتضييع وقت ومجهود على الفاضى وكلها شهرين تلاتة ويتغيروا كلهم

ماهو عشان كده معظم الكليات مفيهاش قلق

بس كلية زى كلية طب بيطرى فى المنصورة
لازم يحصل تدخل من الحكومة لان الموضوع كده زاد وفيه حقوق للطلبة هتضيع

تانى حاجة بالنسبة لموضوع اختيار المحافظين فمع حضرتك حق ان السبب فيه هو مجلس الوزراء اللى بيتعاملوا فى تعيين المحافظين بنفس النظام القديم اللى هو شوية لواءات شرطة على جيش ونظام الكوتة اللى شغالين بيه والمفروض ان احسن حاجة ان يتم اختيار المحافظ من ابناء المحافظة لانه ادرى واحد باحوال المحافظة وجاهز يشتغل فيها على طول مش لسه هيدرس ويتعرف على مشاكل المحافظة علشان يحلها وبعدين ابن المحافظة غصب عنه هيشتغل كويس لانه بعد ما يخرج من منصبه هيفضل فى وش اهل محافظته فلو ما اشتغلش كويس هو عارف معاملته هتكون ازاى

على رأيك انا نفسى اعرف هما ليه لازم يجيبوا المحافظين من بره المحافظات؟؟؟؟
ولا بيعمل اى حاجة فى اول 6 شهور بحجة التعرف على المحافظة

وبالنسبة للصعيد فدى مشكلة كبيرة جدا لان الصعيد فعلا مظلوم جدا دايما حاسين هناك بالاضطهاد ومحدش بيعرف عن مشاكلهم ولا الاعلام بيهتم بيهم بنظرية طالما انت بعيد عن القاهرة يبقى ملكش لازمة وطبعا بيعانوا من بطالة بنسب عالية جدا بالاضافة لارتفاع معدلات الفقر فلازم نظرة الحكومة عامة تتغير للصعيد ويتم الاهتمام بيه بغض النظر عن قنا واللى بيحصل فيها

وحياتك والدلتا كمان مصر كلها على بعضها 6 محافظات

القاهرة والاسكندرية والاسماعيلية والجيزة وحلوان و6 اكتوبر

ده بأعتبار ان الاقصر وشرم الشيخ مناطق مش للمصريين

متفقة معاك فى كل حرف قلته
حضرتك جبت من الاخر

انا بجد مش بكره عصام شرف

بس اللى غايظنى هو تعامل الاعلام معاه

يعنى دلوقتى لسه قارى خبر انه اصر انه يدفع مخالفة مرورية لأبنه

طب ده خبر يتعلق عليه ازاى؟؟؟

وايه علاقته دلوقتى بعمله كرئيس الوزراء

وليه محدش اتكلم عن دوره فى ازمة قنا والاوليات اللى المفروض يقوم بيها فى حل الازمة دى

بدل ماالا تهامات بتترمى على اهل قنا وكأنهم جواسيس او عملاء للحزب الوطنى

بصراحة الاعلام المصرى حالته زى قبل الثورة

مات الملك اللى اتخلع ويعيش الملك الجديد

[honey_monmon]

[/center]



بصراحة الاعلام المصرى حالته زى قبل الثورة

مات الملك اللى اتخلع ويعيش الملك الجديد [/center]

هيه مشكلة اعلام خايف كان زمان خايف من امن الدوله دلوقتى خايف من الشارع والناس لان عصام شرف تم اختياره من التحرير و ف اعتقادهم ان اى انتقاد لسياسات شرف او قراراته الاداريه يعتبر انتقاد لشرف شخصيا ودة يخليهم يخسروا قوة الشارع مع ان مش مطلوب من حد منهم انه يقول رايه كل اللى عايزينه انه يعرض خبر صحيح ويعرض كل وجهات النظر ويسبنا نحكم كبرنا والله وبقينا بنعرف نفكر ونحكم بس تقول لمين دول خريجى كلية اعلام بيديرها سامى عبد العزيز وقبله اى عميل تانى
بالنسبه لشرف فهوه فعلا شخصيه محترمه واخطاؤه مقبوله وصغيره بس ده ميمنعش اننا نتكلم فيها خصوصا ان الراجل بيسمع وبيستجيب ف اوقات كتير وخصوصا ان المرحله فعلا صعبه وكلنا عارفين ان اى حد هيكون له اخطاء ف مرحله زى دى وبتهيقلى ان محافظ قنا بالذات مكنش اختياره ودى ف حد ذاتها غلطه
اخطاؤه دى هتقل لو اتخلص من فكرة السكرتير اللى لازم يرجع للى اكبر منه باستمرار ف الكبيره والصغيره وكمان لو كان عنده قدر من الشجاعه يعرف بيه ان ثورة يعنى تغيير مش بس تغيير رموز لكن كمان تغيير قواعد الاختيار
بالنسبه بقى لبلال فضل فالحقيقه مقالاته الفترة اللى فاتت كانت عنده فيها شجاعه ينتقد من اول المجلس العسكرى مرورا بعصام شرف وصولا لمنصور العيسوى وبتهيقلى المقال ده وجهة نظره فعلا
بالنسبه لى انا فانا خلصت طولت شويه بس ف الاخر خلصت

[Dr/HULK]

هيه مشكلة اعلام خايف كان زمان خايف من امن الدوله دلوقتى خايف من الشارع والناس لان عصام شرف تم اختياره من التحرير و ف اعتقادهم ان اى انتقاد لسياسات شرف او قراراته الاداريه يعتبر انتقاد لشرف شخصيا ودة يخليهم يخسروا قوة الشارع مع ان مش مطلوب من حد منهم انه يقول رايه كل اللى عايزينه انه يعرض خبر صحيح ويعرض كل وجهات النظر ويسبنا نحكم كبرنا والله وبقينا بنعرف نفكر ونحكم بس تقول لمين دول خريجى كلية اعلام بيديرها سامى عبد العزيز وقبله اى عميل تانى
بالنسبه لشرف فهوه فعلا شخصيه محترمه واخطاؤه مقبوله وصغيره بس ده ميمنعش اننا نتكلم فيها خصوصا ان الراجل بيسمع وبيستجيب ف اوقات كتير وخصوصا ان المرحله فعلا صعبه وكلنا عارفين ان اى حد هيكون له اخطاء ف مرحله زى دى وبتهيقلى ان محافظ قنا بالذات مكنش اختياره ودى ف حد ذاتها غلطه
اخطاؤه دى هتقل لو اتخلص من فكرة السكرتير اللى لازم يرجع للى اكبر منه باستمرار ف الكبيره والصغيره وكمان لو كان عنده قدر من الشجاعه يعرف بيه ان ثورة يعنى تغيير مش بس تغيير رموز لكن كمان تغيير قواعد الاختيار
بالنسبه بقى لبلال فضل فالحقيقه مقالاته الفترة اللى فاتت كانت عنده فيها شجاعه ينتقد من اول المجلس العسكرى مرورا بعصام شرف وصولا لمنصور العيسوى وبتهيقلى المقال ده وجهة نظره فعلا
بالنسبه لى انا فانا خلصت طولت شويه بس ف الاخر خلصت

انا لحد دلوقتى مشفتش صحفى من الثورة بينتقد عصام شرف

المعظم تبرير للمواقف وده غلط

بالنسبة لمقال بلال فضل

اللى ضايقنى فيه هو حواره بناءا على فيديوهات او كلام سمعه

مع ان الصحفى لازم ينزل المكان

والنهاردة اهل قنا اثبتوا انهم مش مجموعة خارجة زى مااتوصفوا

دى المحافظة كلها ضد القرار

وفعلا لازم الحكومة تأخد موقف بسرعة لأن برده النهاردة كان فيه مظاهرات فى المنيا وكمان فى المنصورة وفى اسكدندرية فيه كلام عن رفضهم للمحافظ

وده كله بعد كده هنلاقى ناس ليها مصالح تركب الموجة فى تدمير البلد

ومش عاجبنى البطىء فى اتخاذ القرارات

بيفكرنى ببطىء الرئيس المخلوع

[Chimera]

هي ثقافة شعب ,,
حقيقي مفيش فرق بين دكتور و سباك ف اسلوب التفكير

و هي انك لما تبقى مؤيد لحد .. تستمر بالتطبيل و التهليل ليه في اي حاجه تافهه
و لو غلط .. تديله مليون عذر او حتى تبرر الغلط ده .. و المصيبة هي انك ممكن تشوف الغلط ده حاجه صح أصلاً .. !!

زي بالظبط المقال بتاع البرادعي إللي بره ع المنتدى .. إللي كنت بشوفه و انا بضحك
و بيقولك تحليل شخصية ..!!! ,, أمال لو حب يعمل مقال إشادة هيكتب إيه ؟؟!!
ده طلع البرادعي احسن اختراع ف البشرية .. نفس ثقافة التطبيل
امال لو بقى رئيس هتكتب فيه إيه .. ده ولا المقالات إللي كانت بتتكتب ف الاهرام عن مبارك

و كذلك بلال فضل و اي حد تاني ,, هو واخد خط مش عاوز يسيبه .. فاكر انه لو انتقد عصام شرف مثلاً ده هيبقى انتقاص في اختياره ..!!
نفس تفكير الحزب الوطني للأسف

[Dr/HULK]

هي ثقافة شعب ,,
حقيقي مفيش فرق بين دكتور و سباك ف اسلوب التفكير

و هي انك لما تبقى مؤيد لحد .. تستمر بالتطبيل و التهليل ليه في اي حاجه تافهه
و لو غلط .. تديله مليون عذر او حتى تبرر الغلط ده .. و المصيبة هي انك ممكن تشوف الغلط ده حاجه صح أصلاً .. !!

زي بالظبط المقال بتاع البرادعي إللي بره ع المنتدى .. إللي كنت بشوفه و انا بضحك
و بيقولك تحليل شخصية ..!!! ,, أمال لو حب يعمل مقال إشادة هيكتب إيه ؟؟!!
ده طلع البرادعي احسن اختراع ف البشرية .. نفس ثقافة التطبيل
امال لو بقى رئيس هتكتب فيه إيه .. ده ولا المقالات إللي كانت بتتكتب ف الاهرام عن مبارك

و كذلك بلال فضل و اي حد تاني ,, هو واخد خط مش عاوز يسيبه .. فاكر انه لو انتقد عصام شرف مثلاً ده هيبقى انتقاص في اختياره ..!!
نفس تفكير الحزب الوطني للأسف

البرادعى ناقصه كرسى الرئاسة ونلاقيه يقول ايها الاخوة المواطنون

بصراحة مفيش اى موضوعية فى التحليل

العملية كلها دفاع وهجوم


يعنى مثلا لو عندنا شخص معين

يعنى تلاقى اتجاهين

واحد بيوصف كأنه الشيطان والتانى بيوصف كأنه رسول منزل

وفى الاخر البلد هى اللى بتضيع بسبب شوية اهواء شخصية ماسكة قلم او مايك

يعنى انا بصراحة اللى قاهرنى هو وصف ناس من اللى كانوا فى الثورة اهالى قنا بالبلطجية عشان موقفين حركة القطورات

مع انهم برده هما هما اللى وقفوا المترو وكسروا المحطة كمان
وعطلوا البلد لمدة 3 اسابيع عشان يحققوا مطالبهم

لكن لما بقى الامر ضد اختيارهم اتهموا الناس بالبلطجة والثورة المضادة و..............الخ

[kannoone]

[/center]


بصراحة الاعلام المصرى حالته زى قبل الثورة

[/center]

صح فعلا مازال الاعلام المصري هو اعلام النظام ، وعلشان كده انا عمري مانتقدت التليفزيون المصري قبل الثورة ولا اثناء الثورة لانه مكنش متوقع منه اداء غير الي هو عمله يعني مثلا ماتصدمناش فيه ولا حاجة والي عايز يعرف حاجة كان بيفتح اي قناة تانية عايزها .
لكن المشكلة ان التليفزيون مصدق نفسه انه اتغير وانه بيتكلم بصراحة صراحةايه بس هو بردة مع النظام (الجيش والوزارة) بل العكس بقة منتهي الركاكة علشان بقيت بحس ان كل واحد طالع يمثل و يتباهي بالسباب والقذف لنظام المفروض انه انتهي بصراحة كل واحد عايش في دور مش لايق عليه .

علشان كدده انا مازلت متاكده ان الثورة مازالت ناقصة لان عقول الشعب لم تتغير ومش مقتنعة باي كلام غير كده .