مافيش حاجة

[صاحبة القلم الحائر]

مافيش حاجه
مانيش عايزة خلاص حاجة
ولا محتاجة انا لحاجة
ولو عايزة صحيح حاجة
مخليتوليش ولا حاجة

عموماً بصوا فيه حاجة
هقولها بس محتاجة
لعقول تفهم
ولو حاجة
مهيش مفهومة او حاجة
نفسرها بكام حاجة
نوضحها بكام حاجة
وأهى حاجة مع حاجة
هتظهر وتبان لنا حاجة
وانا ما بخفش من حاجة
مانيش مسنودة ولا حاجة
لكن ما بخفش من حاجة
لكن فرضاً لو هقول حاجة
هيحصل إيه ؟؟؟ ولا حاجة
هيعملوا إية ؟؟ ولا حاجة
و بعد الشر بعد الشر
لو واحد من القاعدين
من السامعين من الضالين
فِهِم حاجة هَيعملوا إيه ؟؟؟؟
اكيد برضُه ولا حاجة
فنتوكل على الستار لوجه الله نقول حاجة
فيه ناس بتعيش علشان حاجة
وناس بتموت علشان حاجة
وناس بتموت على الحاجة
وناس تديلك الحاجة
وتبقى ليها محتاجة
وناس تديلك الحاجة
و تاخد ادامها ميت حاجة
وناس تكبر تكون حاجة
و ناس تصغر علشان حاجة
وناس منظر ومش حاجة
وتلقاه كبيرحرس ونفير عليه منظر
وهو جبان وشيخ منصر
ولا يبـنش عليه حاجة

كلامى يا خلق فيه حاجة؟
لحد دلوقتى فيه حاجه؟
كلام عادى وبسيط جداً ولا فِهشِ ولا حاجة
ما انا ما أقدرش أقول حاجة
صحيح نفسى أقول حاجة وميت حاجة
لكن مش قادرة اقول حاجة
لأنى لو هقول حاجة
هييجى ناس بتوع حاجة
وياخدونى ورا الحاجة
وهو لو سمع حاجة
هيعملوهالى ميت حاجة

عموما بصو لو واحد من القاعدين
عاوزنى أبلغه بحاجة
يقول مايخفش من حاجة

نعم فيه إيه؟
لالالالالأ مافيش سرقه
ولا تهليب ولا تهريب ولا حاجة

وبتقول إيه
مصمصوا إيه؟ وخصخصوا إيه؟
ده كله كلام مفيش حاجه

قضية إيه؟
ياشيخ روح خلاص مافيش حاجه

حرامى إيه ؟ ولَكّح إيه؟وهرب إيه؟
شــفـافـيـه ومافيش حاجة

وبتقول إيه؟لالالآلأ عـــيب
لافيه تدليسولاترقيص
ولا تدبيس ولا حاجه

سمع مع هووووس
انا حاسسة انه فيه حاجة

دقيقة سكات لَتبقى حداد
انا حاسسه انه فيه حاجة

زمنكوا ياخلق فيه حاجة
ولازموا كام وميت حاجة
ده لو يعنى إذا كان فيه حاجة
انا عن نفسى مش حاسسة ولا بحاجة
ولا متضايقة ولا حاجة

سعادتك برضه مش زيـى مافيش حاجة ؟
أهـه بيقول مافيش حاجة

جنابك برضه مش زَيـىِ وعلشان زيي مافيش حاجة
أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانا مافيه حاجة
ورحمة ابويا ويا أبوك على إللّى جابوك ما فيه حاجه

وعهد الله . وعهد الله. وعهد الله
ما خللولنا ولا حاجه

بقلك ايه خلاص خلص و فركش
يلا يا اخونا مفيش حاجه

للشاعرة المتألقة ايمان بكرى

[drH.M]

بصراحه جامده أخر حاجه
ومش هقول حاجه غير جميلة جدا
لأني معنديش حاجة غير كده
الله يعطيكن العافية

[M.Hegazy]

أي نعم أنا دخت من كمية الحاجات الكتير اللي في البتاع دي ..

بس دي حاجة جميلة قوي .. و حاجة حلوة قوي .. و حاجة ممتازة قوي ..

يلزم حاجة ؟؟

تحياتي لحضرتك على الحاجات الجميلة دي .. و سلمت يمينك ..

Dr/ M.Hegazy

[eeeman]

فيه ناس بتعيش علشان حاجة
وناس بتموت علشان حاجة
وناس بتموت على الحاجة
وناس تديلك الحاجة
وتبقى ليها محتاجة
وناس تديلك الحاجة
و تاخد ادامها ميت حاجة
وناس تكبر تكون حاجة
و ناس تصغر علشان حاجة
وناس منظر ومش حاجة
وتلقاه كبيرحرس ونفير عليه منظر
وهو جبان وشيخ منصر
ولا يبـنش عليه حاجة

حلو الجزء ده
جزاكى الله خيرا ع النقل

[same7]

هوه مكنش ف حاجه ف البدايه
بس بعد كده بقى ف حاجات مش حاجه

شكرا يا دكتوره

[* lovely heart *]

ايه ده
قولى حاجة اى حاجة
قول ......... قول ........
قول وما يهمكشى حاجة
قولى قولى هههههههههههه

اكملى الناقص
انا عثل صح قولبلى حاجة
ليه مش بتدردى على فى اى حاجة
والله انا مستنية كل حاجة عشان احكيلك كل حاجة

والله جميلة جداااااااا ياقلبى
احسنت اختيار فى كل حاجة
انا مش عارفة اقولك اى حاجة على كل حاجة
تقبلى مرورى

[الواثقة بالله]

صراحه هى حاجه جامدة اخر حاجه
مش عارفه اقولك حاجه علشان اقدر اوصف اعجابى بكل حاجه
هى حاجة ماتتوصفش باى حاجه
عايزة اقول حاجات كتير مش حاجه واحدة
بس صراحه انا شايفه ان الصفحه اتملت حاجات وحاجات
انا بقول كفايه حاجات لحد الحاجه دى
تسلمى على النقل ياحبيبة قلبى

[Moonlight]

أنا تعبت من كل حاجة............

[الملاك الضاحك]

حاجه جميله خالص
مافيش حاجه عارفه أقولها أبين
لك بيها الحاجات اللى جوايا
عايزه منى أى حاجه وربنا يجازيكى كل حاجه خير