نهاية بلا بداية
خليك معايا يا قلبى وكمّل معايا الحكاية
حكاية حياتى اللى ضاع فيها فرحى وضاع فيها صبايا
مش باقى منها غير ذكرى وألم وحزن ساكن جوايا
رافض يسيبنى أفرح شوية بيقول مالوش صديقة سوايا
كان نفسى فى حد يفهمنى ويحسنى وفى حزنى يكون معايا
يخفف عنى ويواسينى ويكون سبب فرحى وهنايا
يكون جنبى فى ربيعى وفى خريفى وياخد عطرى وشذايا
ياخد عمرى كله ويعطينى شوية فرح ودا كل منايا
لكن الزمن رافض رافع عليا قضية بيقولّى ارتكبتى جناية
مش من حقك تتمنى ولا تفرحى ولا تطلبى حبى ورضايا
آسفة يا زمن اتخيلت انى ممكن أغير حياتى وأشوف حبى وهوايا
أشوف صديقتى وحبيبتى وأعرف أيه دائى وأعرف ايه دوايا
لكن عرفت انى وحيدة ماليش غير حزنى وقلبى وغنايا
ودى كانت كل حياتى من قبل ما تبدأ كتبت بقلمى النهاية
رد مع اقتباس
.gif "Fop (18)")
المشاركة الأصلية كتبت بواسطة M.Hegazy
