قصيدة حزينة جدا بعنوان " حياتي من غيرك " .. بس هتموتو من الضحك .. شعر ساخر جدا ( بقلمي ) لأول مرة

[M.Hegazy]

تجربة جديدة إن شاء الله .. و أول محاولة لكتابة الشعر الساخر .. و فعلا طلع بيخفف حدة التوتر لو بيتكلم عن قضية أو مشكلة .. و ده ساعدني كتير و رسم البسمة على شفتاي و أنا باكتب ..



اتمنى اسمع آرائكم و اتمنى أشوف الناس تكتب اللون الجامد ده .. بجد جميل قوي ..


حياتي بدونك هدوء و سكينة و راحة بــــــال ..

عايش سعيد و مبسوط و مزاجي عال العال ..

لا حيرة .. و لا غيرة .. و لا سيـــــــــــن سؤال ..



++++++++++++++++++++++++++++++++

بقيت ب أنــــــــــــــــــام مرتــــــــــاح و كمــــــــــــان بابتسامة ..

خــــلاص راح زمن النكـــــــــــــــــد و الرخـــــــــــــــــــــــــــامة ..

لا تريقة و لا جر شكل و لا حتى " أهلا يا باشا .. حمد لله ع السلامة " ..



*****************************************

في يوم قالتلي : إنتا اتغيرت و شكلك عرفت واحدة جديدة ..

يا ريت كنت عملت كده .. بس للأسف ما أنا بقيت ع الحديدة ..

بلا وجع دماغ .. لا فيه سوسو و لا كوكي و لا حتى تفيـــــدة ..


@@@@@@@@@@@@@@@@@@@@@@@@@@

أجي أســـــأل عليهـــــا تقولي : بلاش كتر سؤال أصلي بتخنـق ..

مسألش عليها .. تقولي : ده أنا مبقتش باعجب ، و شكلنا هنفترق ..

اعمل إيــه طيب .. أولـــــــع فـــــــي نفسي بجـــــــــاز و اتحـــرق ..



###################################

طب هقولك على حـــــــاجة و إنتي تختــــــــــــاري ..

راضية بيا و لا عايزة فراق .. تقولي : ده مش قراري ..

بصي بقى .. غلبت معاكي و غلب معايـــــــا حماري ..



$$$$$$$$$$$$$$$$$$$$$$$$$$$$$$$$$$$$$$$$$$$$

زاد الخنــــــــــــــاق و وجع الدماغ و فلانة عملت و فلانة قالت ..

بس بس .. و أنا مالي .. خلاص جبت آخر و الحيطة علينا مالت ..

سكتنا ملهاش رجوع .. لا رنات بقى و لا سلامات و لا مسجات ..


^^^^^^^^^^^^^^^^^^^^^^^^^^^^^^^^^^

مــــــــات الكلام ياللي كنتي أميــرة الأحلام ..

عشنا كدبة و فيلم هندي و شوية أوهـــــــام ..

انتهينا و مش عايز أرجعلك في يوم من الأيام ..

و بيس بقى .. يعني خلاص ســـــــــــــــلام ..





الموضوع للفرفشة بس مش أكتر يا جماعة ..

يا رب يعجبكم ..

سلالالالالالالالالالالالالالالالالالامووووووووز ..

Dr/ M.Hegazy

[Amira]

جميـــله جـــدا

[M.Hegazy]

أهلا بحضرتك يا دكتورة ..

شكرا لتعليق حضرتك ..

و نورتيني ..

[sanfora]

ههههه حلوة يادكتور

[M.Hegazy]

مرورك هو الأحلى يا دكتورة ..

نورتيني يا افندم ..

[الملاك الضاحك]

لأ والله جميله قوى قوى
go head
استمر يا دكتور فى الكتابات دى
بس برضوا والله كل اللى القصايد اللى حضرتك بتعملها كلها جميله
الصور اللى حضرتك منزلها مع القصيده دى جميله خالث والله
سلالالالالالالالالالالالالالالاخوخ
وجزاك الله خيرا

[dina j]

جميلة جدا بجد ابداع خطير و الصور معبرة جدا و طبعا مش هتكلم على المحسنات التفيدية و الاستعارات النكدية

[صاحبة القلم الحائر]

لأول مرة والتجربة ناجحة يا دكتور
ما شاء الله حضرتك بارع فى كل ألوان الأدب
بجد والله أنت بعتبر حضرتك أستاذى اللى بتعلم منه
بصراحة أنا كل توبيك لحضرتك بعمل كوبى للصور
لكن المره دى الصور جميييييلة أوى ههههههههه
ربنا يكرمك يا دكتور
تقبل مرورى وآسفة على الاطالة

[jojo_m]

تحفه يا دكتور

بجد قصيده راااااااااااااااائعه
عجبتني قوووووي

ربنا يكرمك

waiting more

[Dr_Cinderellaaaaa]

جميلة جدا د\محمد..
والصور تحفة..
بس (سلاموز) دى بتاعة مييييييييييييييييييييين؟؟؟