التسجيل الصوتى للرئيس السابق حسني مبارك على العربية

[juman]

عايزه اضحك
على راي المسلمانى كل دول العالم طلعت كذابه والفلوس اللى اتجمدت كمان فبركه والدهب اللى اتهرب كدب والبلد اللى اتنهبت هو منها براء وعجبييييي عليك يا زمن
-----

+ YouTube Video

فيه تعليق حلو اوي تحت الفيديو على اليوتيوب ابقوا شفوه

[خادم أبى القاسم]

اللي اختشوا ماتوا
وبس !!!!!!!!

[Dr/HULK]

ههههههههههههههههههه

نصاب كنت اتنحيت بكرمتك

بيقولك انه ابتعد من اجل المصلحة العليا

مع انى مسمعتوش خالص وهو بيقول انه ابتعد

يعنى دى تأكد انه كذاب

بس ياجدعان الناس دى اتسابت 3 شهور

دا لو انا حرامى كنت ظبطت اوراقى ومكنش حد قدر يأكد عليا حاجة

حسبى الله ونعم الوكيل

لو متحاسبش فى الدنيا هو ناسى ان فيه حساب اخرة

كفاية بس انه اتفضح دنيا وأخرة

[EDTA90]

قالوا للحرامى احلف

[A.Sherif]

ليه قرر انه يتكلم دلوقتى بعد شهرين من التنحى
ومتكلمش بعد التنحى فورا. عشان يعنى يلحق يتصرف فى المليارات
ولا عشان يكسب تعاطف بعض الناس قبل محاكمته
فعلا....قالو للحرامى احلف.......

[محمد سمير]

فعلا ربنا بيمهل ولا يهمل

[hananah]

الورق اللى اتفرم اتفرم
والفلوس اللى اتهربت اتهربت
وكل واحد عرف هيعمل ايه لو اتسأل وهيقول ايه
وظبطوا أمورهم وبعدين طالع يقول انه برىء
ده برىء براءه

[محمد_على_سلام]

ولا اثر معاى خالص

[juman]

مع انتهاء الرئيس المخلوع حسني مبارك من كلمته التي بثتها فضائية العربية أمس، تفجرت شلالات النكتة المصرية، هذا بعض منها:
- عاجل بعد كلمة مبارك.. النائب العام يجهش بالبكاء ويأمر بالتحفظ على أموال خالد سعيد.
- مبارك: أنا أدمن كلنا خالد سعيد.
- الإخوة المواطنون. أبناء مصر الشرفاء.. هرجع من أجلكم أنتم… نياهاهاهاها. "ضحكات شريرة متقطعة".
- المجلس العسكرى ينفى خطاب مبارك ويؤكد لا توجد قناة اسمها العربية اصلا، ودى إشاعة من فلول النظام.
- من مبارك الي المجلس: شكرا على حسن تباطؤكم معنا، الفلوس في أمان والسنجة في الرنجة وفتشنى فتش.
- المجلس: خلاويص؟ مبارك: لسه. المجلس: خلاويص؟ مبارك: لسه. المجلس: خلاويص؟ مبارك: خلاص.
- شرم يا مه يا بهية.. يا أمو بسين وشمسية.. فيكي مبارك والحرامية.
- من إسعاد يونس لمبارك: شلت المرارة.. عاوز تفقع لي ايه تاني.
- الفنان محمد حسني مبارك.. أوسكار فقع مرارة الشعب.
- يحز في نفسي ما ألاقيه من بني وطني من حقد على القصر اللي مأنتخ فيه.
- متصدقوش إذاعات هذول الكلاب أنا مسرقتش 70 مليار هما 67 بس.
- القذافي طلع على توك توك.. انا طلعت على عربية.
- جمال ايه اللى تحققوا معاه.. من انتم؟.. من انتم؟!!.
- رداً علي جمعة الزحف لشرم، مبارك: لو جايين بجد.. هاتوا معاكم دراع بلاي ستاشن زيادة.
- مبارك: مستر إكس.. مش ممكن يموت.
- مبارك: اعزائي المواطنين، بصوا العصفورة! سلاموا عليكوا.
- مبارك: يعلن ده أول سنجل لي.. وناوي أعمل ألبوم تسجيلات كامل وبنتفاوض مع روتانا.
- انه لا يموت.. انه يذكرنى بابراهيم الابيض!!.
- مبارك: أظـنّ إتسلّيتو بما فيه الكفاية وأنا خدت أجازة كويسة.. نكمّل بقي مدة رئاستي السادسة؟.
- مبارك: لم أكن أنتوي... إني أشم النسيم لوحدي في شرم يلا تعالوا بقى.
- مبارك للشعب: يانعيش مع بعض حبيبي يانموت احنا الاتنين !.
- مبارك: إنتو فاكرين الثورة أثرت عليا؟ أبسلوتلي.. أنا اللي أثرت ع الثورة.. الثورة عملتلي دماغ ودماغ جامدة كمان.
- مصر دلوقتي عاملة زي أوضة واحد عازب، كل حاجة مش في مكانها، القميص في التحرير والشبشب في مصطفى محمود.. والجزمة في شرم.
- حطلع خطاب تاني فيديو مع يسري فودة.. بشرط عدم حضور الأسواني.
- انا طاهر وحفضل طول عمري طاهر.. طاهر "موسيقى يا ام المطاهر".
- أنا مش حرامى: انا مش خرونج.. انا كينج كونج.
- الواد جمال ده مش ابني.. لقيته وهو صغير قدام باب المطار .
- مبارك: بلاه جمال.. خدوا علاء.
- لو كنتم اجتهدتم زى جمال.. كنتم حوشتوا من مصروفكم زيه.
- إن كان على سوزان أطلقها.. أنا ماليش غير الإخوة والأخوات.
- لن ينعم المصريون بالأمن.. حتى نعيشه واقعاً في شرم.
-هزه أرضية بمقدار 13 ريختر تضرب السودان.. جيولوجي يرجع السبب لـ "صوت إسكندراني جماعي" من المصريين بعد مبارك.
- ثوار يناير يخشون موقعة "المايوه" من جمعة الزحف في شرم الشيخ