إعلان هام : المسابقة الأدبية الشهرية .. لأجمل قصيدة و أجمل خاطرة .. شاركونا ..

[M.Hegazy]

تحية طيبة لأجمل منتدى و أجمل أعضاء و بعد ،،،

حرصــــًا منا على التطوير المستمر للمنتدى الأدبي و حبنا له .. و رغبتنا في التواصل مع الأعضاء أكثر و تكريم أعمالهم و تشجعيهم و حثهم على بذل المزيد من أجل تنمية مواهبهم و الارتقاء بالمنتدى و أعضائه لأعلى الدرجات ..

تقرر إنشاء مسابقة أدبية شهرية .. في الشعر و الخاطرة ..

على أن تقدم الأعمال خلال 10 يوم من تاريخ الموضوع أو لحين اكتمال عدد المواضيع التي تقبل و عددها ( 20 موضوعا ) .. ( لأن الاستفتاء يتم على 20 موضوع بس ) ..
يبقى الأولوية بسرعة التقديم و اللي ميلحقش يستنى الشهر الجاي ..
و سيتم غلق باب التقديم في التاريخ : 20 - 4 - 2011

و من ثم ستوضع المواضيع المشتركة في موضوعين للاستفاء عليهما ..

الأول : في الشعر ..

و الثاني : في الخاطرة أو النثر ..

و سيفتح باب التصويت على المواضيع بعد غلق باب التقديم مباشرة و يستمر التصويت لمدة 10 أيام .. و تعلن النتيجة في مساء اليوم العاشر ..

يمنح الفائز لقب " شاعر الشهر " و قصيدته أو موضوع " موضوع الشهر و قصيدة الشهر " .. و يتم تثبيت موضوعه لحين البدأ في الدورة الثانية من المسابقة ..

شروط التقديم :
1. يحق للمتسابقين التقدم بعمل واحد تحت كل قسم ..
( قصيدة واحدة و عمل نثري واحد )
2. يجب أن يكون العمل المقدم بقلم صاحبه .. لأن المواضيع المنقولة سواء من منتديات أخرى أو منقولة عن أصحابه لا تقبل ..
3. يدلى المصوتين بصوت واحد فقط في الشعر و الأدب ..
4. العمل الفائز في أي مرات سابقة لا يتم قبوله مرة أخرى .. يعني لازم في كل مرة عمل جديد ..
5. يتم تقديم الأعمال في هذا الموضوع .. على أن يرفق المتقدم اسم الموضوع و نوع الموضوع ( شعر أو خاطرة ) و رابط الموضوع ..

الموضوع خاضع للتجربة يا جماعة .. و يا ريت نساعد بعض فيه .. و اللي عنده رأي أو اقتراح ممكن يقدمه ..

أشكركم و اتمنى للجميع التوفيق ..

تحيـــــــــاتي ..



Dr/ M.Hegazy

[Dr_Cinderellaaaaa]

السلام عليكم ورحمة الله وبركاته
بصراحة فكرة جميلة جدا جدا جدا..
وأكيد أعضاء كتير جدا هيشتركوا..
ما شاء الله المبدعين عندنا كتييييييييييييير..
جزاك الله خيرا د\محمد على الفكرة و الموضوع..
لكن أنا مش هقدر أشترك..
مستوايا لا يؤهلنى انى أشترك فى مسابقة زى دى..
بس متابعة معاكم ان شاء الله..
دامت لنا مواضيعك و أفكارك د\ محمد
مع خالص تحياتى وتقديرى لحضرتك..

[M.Hegazy]

شكرا لمرور حضرتك العطر و يا ريت بس الناس تاخد بالها و تشارك ..

شكرا مرة تانية لحضرتك و نورتي ..

[eman ahmed]

اولا مساء الخير على كل اعضاء المنتدى
ثانيا انا بشكر د/ محمد على فكرته الجميلة و اهتمامه الشديد بالمنتدى الادبى و انا للاسف مش بشارك ف المنتدى الادبى ف الدراسة و بكتفى بايام الاجازة وبس و لكن انا عجبتنى جدا فكرة د/محمد فحبيت اكون اول المشاركين بقصيدة فارس احلامى و ده الرابط http://www.pharma-board.com/board/sh...ad.php?t=19967

[M.Hegazy]

يا أهلا بحضرتك يا دكتورة ..


بالتوفيق إن شاء الله يا دكتورة ..

و شكرا لحضرتك على المشاركة ..

باقي 19 مشترك في الشعر و يغلق باب التقديم ..

[thunder sky]

لو سمحت يادكتور يعنى لكل واحد شعر ونثر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟ وهنعرضهم هنا فى التوبيك صح؟؟؟؟؟؟؟؟؟؟؟

[M.Hegazy]

حضرتك يحقلك اللاشتراك بعمل واحد في كل قسم : يعني تقدمي قصيدة + خاطرة ..

مينفعش تقدمي قصيدتين أو خاطرتين .. ( وضحت ) ..

و بعد ما يوصل عدد المشتركين لـــ : 20 في الشعر هنعمل توبيك جديد نلم فيه الاشتراكات و نعمل التصويت .. و لما يوصل لــــ 20 في النثر هنعمل توبيك جديد نلم فيه الاشتراكات و نعمل التصويت .. و الكلام ده أنا اللي هعمله بإذن الله ..

تقديم الأعمال هيكون في التوبيك ده سواء شعر أو نثر ..

و شرط التقديم زي ما ذكرت في شروط المسابقة هيكون كالتالي :

. يتم تقديم الأعمال في هذا الموضوع .. على أن يرفق المتقدم اسم الموضوع و نوع الموضوع ( شعر أو خاطرة ) و رابط الموضوع ..

مش عايزين حاجة أكتر من كده .. و بالتوفيق لحضرتك و لجميع المشتركين إن شاء الله ..
-----
و إن شاء الله مشارك معاكم في قسم الخاطرة بموضوعي " حيرة بلا حدود " ..

رابط الموضوع :

http://www.pharma-board.com/board/sh...ad.php?t=13805

باقي 19 مشترك في النثر و الخاطرة و يغلق باب التقديم ..

[DR.BIBO]

فكرة جميلة جدا يادكتور محمد وان شاء الله الفكرة تنجح
بس ايه راى حضرتك لو فى مسابقة الشعر يبقى عشر قصائد عامية وعشر قصائد فصحى
وممكن نحط القصائد والخواطر الفائزة فى ديوان المنتدى الادبى ان شاء الله ]

[M.Hegazy]

ممكن يا دكتورة فكرة إضافة الأعمال الفائزة لديوان المنتدى .. ( كده حضرتك كشفتي سر خطير جاري الإعداد ليه لسه )

أما فكرة إني افصل العامية عن الفصحى بيتهيألي صعبة شوية لأن مفيش ناس كتير بتدخل الأدبي و كمان هنظلم ناس ممكن تكون كل كتابتها بالفصحى أو العكس .. ده رأيي ..


ممكن أنا بقى اطلب طلب من حضرتك ؟؟؟؟

[DR.BIBO]

ممكن يا دكتورة فكرة إضافة الأعمال الفائزة لديوان المنتدى .. ( كده حضرتك كشفتي سر خطير جاري الإعداد ليه لسه )

معلش يادكتور ابقى اعمل حاجة تانية فى السر وانا اكشفها وبعدين مهو حضرتك ودكتورة عصفور الجنة كنتو بتتكلمو عن الموضوع ده فى كل حلقات لقاء مع شاعر

أما فكرة إني افصل العامية عن الفصحى بيتهيألي صعبة شوية لأن مفيش ناس كتير بتدخل الأدبي و كمان هنظلم ناس ممكن تكون كل كتابتها بالفصحى أو العكس .. ده رأيي ..


ممكن أنا بقى اطلب طلب من حضرتك ؟؟؟؟

اه طبعا اتفضل يا دكتور