أكرهك..ولكنى أجدك جزء منى!!!

[Dr_Cinderellaaaaa]

أكرهك أيها الحزن؛؛ ()
فأنت من سبب لى معاناتى..
ورسم لى درب آلامى..
ولكنى أجدك جزء منى!!


أكرهك أيها الفرح؛؛ ()
لأنك تأخذنى الى عالم الأمانى و الأحلام..
وتزول بلحظات..
ولكنى أجدك جزء منى وسبب لبقائى!!


أكرهك أنتى؛؛
يا من كنتى لى صديقة..
ومن خلفى عدوة لى..
ولكنى أجدك جزء منى ومن ذكرياتى!!


أكرهك أيها الماضى بطياتك؛؛
ولكنى أجدك جزء منى ومن ذاتى!!


أكرهك أيها الليل؛؛
لأنك تستقبلنى بأحضانك ساعات..
وتدعى القمر لمجالستى..
وتستسلم وتتركنى لضوء شمس قاس على..
ولكنى اجدك جزء منى ومن وقتى!!


أكرهك أيها الصمت؛؛ ()
فأنت من تمحو كلماتى عندما أحتاج اليها..
ولكنى أجدك جزء منى ومن طبيعتى!!


أكرهك أيها القلم؛؛
فأنت من يجبرنى على البوح..
وأنت من عكس شفافيتى بهمساتى..
وأنت من عبر عما بداخلى بدون اذن منى..
ولكنى أجدك جزء منى..
وأعتبرك سبب عيشى!!


أكرهك أيها الحلم؛؛
فأنت من تأخذنى الى عالم آخر..
وتحقق ما لم أستطع تحقيقه..
ثم تفاجئنى بأنك وهم..
ولكنى أجدك جزء منى..
لأنى أرى فيك طموحى!!


أكرهك أيها المصير؛؛
لأنى عندما أتفاءل بك..أصدم بأقدارك..
وعندما أيأس منك..تفتح لى أبوابك..
ولكنى أجدك جزء منى..
لأنك ستواصل معى شئت أم أبيت!!


أكرهك أيتها المساحات؛؛
لأنك مجموعة من السطور الصماء..
لا تحتمل حديثى..ولا تستقبل كرهى..
ولكنى أجدك جزء منى..
لأن ما كتب بك يحمل ما بداخلى..

[M.Hegazy]

أكرهك أيها الصمت؛؛ ()
فأنت من تمحو كلماتى عندما أحتاج اليها..
ولكنى أجدك جزء منى ومن طبيعتى!!

تمام .. الجزء ده .. أكتر حاجة مرتبطة بيا لدرجة محدش ممكن يتخيلها .. ده أنا حتى لقبي " أسير الصمت " ..

موضوع تحفة يا دكتورة .. تسلم إيدك بجد على المقارنة و المفارقة الرائعة دي .. و طبعا 5 نجوم

سلّمك الله و دمتِ بخير ..

Dr/ M.Hegazy

[* lovely heart *]

جميل جدااااااااا يا سوسو

كمان حزن !!!!!!!!!!!!

تستهلى ياقلبى الخمس نجوم من عندى انا كمان بجد تسلمى عليها

ربنا يزيح عنك اى صمت او اى الم او اى صديقة ما تساعد وتقف جمبك وتستحملك او اى عذاب
ربنا ياقلبى يفتحلك كل السبل اللى تتمنيها
وييسرهالك دايما فى اى صعوبات
قلبى معك

تقبلى تحياتى

[drpinkysnow]

أكرهك أيها المصير؛؛
لأنى عندما أتفاءل بك..أصدم بأقدارك..
وعندما أيأس منك..تفتح لى أبوابك..
ولكنى أجدك جزء منى..
لأنك ستواصل معى شئت أم أبيت!!

القدر دة اصعب حاجة ممكن الانسان يفاجىء بيها وخصوصا لو كانت حاجة وحشة

[الواثقة بالله]

ايه الجمال دة يااختى ياحبيبتى
رائعه جدا
بس حزينه بردة
اعمل ايه فيكى انا بقى دلوقتى
بس تحفه ياقلبى

واكتر حاجة بتعبر عنى فى القصيدة دى الصمت
مش قادرة اقولك ممكن اصمت لابعد الحدود

ربنا يبعد عنك الحزن ياحبيبة قلبى
ويكرمك يارب
وماتخافيش انا بدعيلك على طول
ثقى بالله

اتركك فى رعاية الله

[Dr_Cinderellaaaaa]

Dr\M.Hegazy
جزاك الله خيرا على الرد وعلى الخمس نجوم يا (أسير الصمت)
اللقب ده جديد؟؟ولا أنا اللى أول مرة أشوفه؟؟
انا كمان مع حضرتك (أسيرة الصمت)..هستلف منك اللقب شوية..
لحد ما تشوفلى لقب..


Dr\lovely heart (حبيبتى)
منورة يا لولو..بس مش حزن ولا حاجة..
هى جمل بتعبر عنى..
جزاكى الله خيرا غلى الرد وعلى الدعاء
وربنا يخليكى ليا ومش يحرمنى من ردودك أبدا..

drpinkysnow
كلامك حضرتك مظبوط جداااااااااااااااا
شكرا على المرور والرد..
التوبيك نور بوجودك..

د\الواثقة بالله (حبيبتى)
جزاكى الله خيرا على الدعاء..
وانتى كمان صامتة؟؟؟؟
خليكى معايا (أسيرة الصمت)..كده سرقنا اللقب من د\محمد
أو ممكن يسمونا (الصامتون قادمون) بعد كده..
ايه المنتدى الصامت ده؟؟؟!!!!

[M.Hegazy]

Dr\M.Hegazy
جزاك الله خيرا على الرد وعلى الخمس نجوم يا (أسير الصمت)
اللقب ده جديد؟؟ولا أنا اللى أول مرة أشوفه؟؟
انا كمان مع حضرتك (أسيرة الصمت)..هستلف منك اللقب شوية..
لحد ما تشوفلى لقب..

اللقب ده قديم جدا من أيام أولى ثانوي .. العيال في الإمارات كانو بيسموني كده .. عشان كنت دايما اقعد في الحصة هادي جدا جدا ..
و بعدين حضرتك ممكن تاخدي اللقب مش تستلفيه .. ده شرف ليا بجد ..

خليكى معايا (أسيرة الصمت)..كده سرقنا اللقب من د\محمد
أو ممكن يسمونا (الصامتون قادمون) بعد كده..
ايه المنتدى الصامت ده؟؟؟!!!!

حلوة قوي الصامتون قادمون .. ده فيلم العيد ده و لا إيه ؟؟

[Dr_Cinderellaaaaa]

اللقب ده قديم جدا من أيام أولى ثانوي .. العيال في الإمارات كانو بيسموني كده .. عشان كنت دايما اقعد في الحصة هادي جدا جدا ..

الامارات؟؟على كده ممكن أكلم حضرتك اماراتى؟؟
مااااااااااااااااشى..
(معرفش غير كلمة وايد يعنى كتير أو جدا)
(وين ساير؟؟يعنى رايح فين؟؟)
(الماى يعنى الماء)
كفاية كده عليا..
و بعدين حضرتك ممكن تاخدي اللقب مش تستلفيه .. ده شرف ليا بجد ..

ربنا يكرمك يا دكتور محمد..قصدى يا أسير الصمت..

حلوة قوي الصامتون قادمون .. ده فيلم العيد ده و لا إيه ؟؟

[toqaa]

موضوع رائع يادكتورة
واضح ان احساسك مرهف وبتعرفي تعبري كويس
يلا مستنيين المزيد

[Dr_Cinderellaaaaa]

موضوع رائع يادكتورة
واضح ان احساسك مرهف وبتعرفي تعبري كويس
يلا مستنيين المزيد

ردك هو الأروع Dr_Toqaa
جزاكى الله خيرا على مرورك العطر..وردك الجميل
نورتى التوبيك..