ازاي استفيد من دراسات عليا
السلام عليكم ورحمة الله وبركاته،،
فيدوني بخبراتكم وآرائكم يا دكاترة، انا مسجلة دبلومة بيو ، في سلبيات كتير أهمها المناهجازاي أقدر استفيد من الإيجابيات أو حتى أخترعها
وازاي نقدر نغيّر اللايحة اللي كرهتني في نفسي دي علشان الناس اللي هتسجل بعد كده وعلشان كمان لو هعمل دبلومات تانية
وعليكم السلام ورحمة الله وبركاته
ربنا يوفقك د اميره
ويعينك على السلبيات واللوايح دى
السلام عليكم ورحمة الله وبركاته
أولا ربنا يعينك يادكتورة على هذ الدبلومة
التى أتفق الكل أنها تعانى من تكرار المناهج وضعف المحتوى النظرى والعملى
الا ان هذا هو حال الدبلومات أو أغلبها فى كليتنا
أما تغيير اللوائح فهذا بيد مجلس الكلية ومجلس الجامعة
وهو أمر ممكن اذا توفرت الأرادة والعزيمة من القسم وإدارة الكلية
وخصوصا هذه الأيام
ويمكنك البدء بطلب
لائحة الدبلومات
لتفعيل بعض النقاط المعطلة
مثل الseminars
وغيرها من الأمور الأخرى
ثم يمكنك مقارنة منهج الدبلومة الحالى
بأى منهج مقابل لأى كلية أخرى أجنبية
لمعرفة المواد التى تحتاج للأضافة
وأعتق ان هناك مواد واضح جدا انها تحتاج للحذف من منهج الدبلومة
مثل مادة البيو أساى
ربما يمكنكم مناقشة الأمر مع الدكتور جلال معتوق من
خلال توجهك مع مجموعة من الزملاء لكى فى الدبلومة
بعد أن تكونوا قد اتفقتم ضمنيا على سير الحوار والمناقشة
ولكن
حسب مارأيت وسمعت من أختى التى حصلت على دبلوم الميكروبيولوجى
أنهم وان كانوا يشتكون من ضعف المناهج المدرسة
الا انهم لايشتكون من ذلك رسميا نظرا لتساهل الأقسام معهم
فى أمور اخرى كالحضور والغياب والأبحاث
وغيرها من الأمور التى تعد من الواجبات المؤهلة لطالب الدبلومة ولكنها
تشكل نوعا من العبء
وتطوير الدراسات العليا يتطلب تعاونا مشتركا بين أعضاء هيئة التدريس
والطلاب وأيضا بين الكلية والمؤسسات الصيدلية والغير صيدلية
لتقديم الدعم والمنح وتوفير الأمكانيات اللازمة لتوفير البيئة العلمية المناسبة
وأيضا الدراسات العليا فى أصلها دراسة حرة اذ أن المتقدم يتقدم لها بإرادته
اذا لابد ولا مفر من تفعيل التعليم الذاتى وتوفير البرامج التعليمية التى تسهل له هذا
وأنا أعتقد أن لطلاب الدراسات العليا دور هائلا فى تطوير العملية التعليمية نفسها
من خلال اتصالهم واحتكاكهم بطلاب ماقبل التخرج
ربما أضع لاحقا ان شاء الله بعض الخطوط العريضة بخصوص هذا الشأن
أسأل الله أن يوفقكم ويسدد خطاكم
التعديل الأخير تم بواسطة عبدالله عبدالرحمن ; 10-04-2011 الساعة 07:37 AM
المشاركة الأصلية كتبت بواسطة محمد سمير
شكرا جزيلا د/محمد، ربنا ييسر
وعليكم السلام ورحمة الله وبركاته،، جزاكم الله خيرا د/عبد الله على رد حضرتك
تغيير اللوائح كان د/ممدوح قالنا في بداية الدراسة ان الأمر بيتعطل من الجامعة وان الكلية بتحاول بس مش في ايديهم حاجة، معرفش ايه الوضع دلوقتي
والفكرة كمان اني معنديش رؤية أو خبرة تخليني أقدر أقول ايه الأفضل أو ايه اللي يتعدّل، لكن اقدر اقول انا بستفيد ولا لأ
السيمينارز المفروض متفعلة فعلا وهنبدأ فيها قريبا، وان شاء الله تكون مفيدة
بالنسبة لمنهج كلية أجنبية، أدوّر عليه ازاي؟
ومتفقة مع حضرتك في موضوع اننا مش بنتكلم، عن نفسي كنت مسجلة وعارفة انها مش مفيدة وكان هدفي حاجتين، أولهم اني منقطعش عن الدراسة حتى لو تكرار والثاني الشهادة طبعا، بس التكرار فعلا ممل جدا وبيضيع وقت وبلاقي نفسي مش عاوزة أحضر المحاضرة لأني عارفة اللي هيتشرح، وكمان من واجبنا اننا نطوّر زي ما حضرتك قلت
حاليا نقدر نستفيد من السمينارز وكمان على الأقل نطوّر منهج العملي
السلام عليكم
ياجماعة دلوقتى انا عاوزة اسجل دبلومة السنة دىان شاء الله من وجهة نظركم ايه اللى احسن الفارما وللا البيو ولا الميكرو
شوفي انتي عاوزة تسجليها ليه، يعني هدفك منها شهادة ولا استفادة من الدراسة نفسها وتطوير لنفسك ولا علشان تقدري تعملي معمل تحاليل طبية وهكذا
وحسب الهدف بتاعك الناس اللي جربت تقدر تفيدك ان شاء الله
ان شاء الله انا عاوزة اعملها علشان استغاد منها فى الدراسة وتفيدنى فى حياتى بعدين ان شاء الله ولكن عاوزة اعرف حكاية معمل التحاليل دى مربحة ولا البيو بيفيد في ايه يعنى ممكن بعد الدباومة دى الواحد ممكن يعرف يقرا التحاليل كلها وانواعها ولا مالوش علاقة
لو عاوزة تعمليها علشان تستفيدي كدراسة فاختاري المادة اللي تحبيها علشان تبقى مهتمة ومستمتعة
معمل التحاليل مجال شغل زي انك تفتحي صيدلية او تشتغلي في مصنع، دي حاجة بترجعلك، والمفروض ان دبلومة البيو بتخليكي تعرفي تقرأي التحاليل بس انا لسة هشوف الحكاية دي لما أخلصها وأقولك
طب محدش يعرف التسجيل فى الماسترز هيبدا امتى
سامعة انه الشهر الجاي يابوسي، بس عموما لو شفت اعلان هجيبه هنا ان شاء الله
ضوابط المشاركة
رد مع اقتباس