هام جدا للإشتراك فى فريق البحث العلمى

[Ahmed-Helmy]

بسم الله وصلاة وسلاما على رسول الله
أما بعد
فقد تم تحديد ميعاد ندوة فريق البحث العلمى
غدا بإذن الله تعالى الساعة 10.30 فى قاعة اللقاءات العلمية فى مبنى ج أمام مدرج إعدادى
وذلك بحضور كلا من
أ.د فتح الله بلال قسم التحليلية
أ.د ممدوح الشيشتاوى قسم الكمياء الحيوية
أ.د عزة رشاد قسم الكمياء الطبية
أ.د عاطف طنطاوى قسم العضوية
أ.د خالد محمد قسم الميكروبيولوجى
سيتم فيها مناقشة خطط فريق البحث العلمى
يشترط
الحضور غدا للإنضمام للفريق
وذلك لأن عدد الطالب المسموح به للإشتراك محدود للغاية

والله الموفق

[A.Elrayes]

ربنا يوفقنا جميعا وان شاء الله نوصل لهدفنا من هذا الفريق ونقدر نستفيد منه أقصي إفاده

[Aésmaïl]

ربنــا ييسر الحال ان شاء الله

[L SMA7Y]

مش هعرف اجي بكره يا اسماعيل علشان عندي حوارات خاصه
بس انا معاكي يا بومبو اكيد ان شاء الله
وربنا يوفقكم وينولكم كل اللي في بالكم ويجزيكم كل خير

[Aésmaïl]

مش هعرف اجي بكره يا اسماعيل علشان عندي حوارات خاصه
بس انا معاكي يا بومبو اكيد ان شاء الله
وربنا يوفقكم وينولكم كل اللي في بالكم ويجزيكم كل خير

معاكى !! طيب وا أسفــاه يا سماحى
بس على فكره مش انا اللى عامل التوبيك
وجه الكلام لحلمى
وربنا يوفق الجميع ان شاء الله

[Rooose]

دي خطوة كبيرة أوي .. بالتوفيق للجميع ،،
وحاجة جميلة جدا اهتمام الدكاترة ،،
كان نفسي بجد أكون موجودة وأتمني اني أشارك ،،
وان شاء اللي هيحضر هنعرف منه النتيجة.

[L SMA7Y]

تمام تمام ,, انا كدا وصلت للاخر ,, انا مهيبر علي الاخر

وانت وحلمي واحد يا بومبو

[خادم أبى القاسم]

مش تقول يا عمونا الحاج
طيب
ما تيدنا حقنة قصدي نبذة عن خطة العمل
والتصور الأولي

[the king]

أنا كمان مش هعرف اجي بكرة لاسف
بس ان شاء الله هبقى احاول ابقى على اتصال بيك يا حلمي
واتمنى اكون من المشاركين

[treka 22]

بالنسبة لليوم والقاء الى حصل

بصراحة هو مكنش دا تصورى انه هيمشى كدا
بس ف كام نقطة خرجت بيهم
اول حاجة احنا بنتكلم ف حاجة جديدة على الكلية فطبعا منقدرش ندخل مرة واحدة انا مقتنعة انا هتيجى واحدة واحدة
ففى حاجات ننمن نعملها السنة دى وحاجات تانية الناس اللى بعدنا هى اللى هتستفيد منها

مثلا د/عاطف كان بيتكلم ف انشاءhouse work دى حاجة كويسة بس محتاجة ميزانية واجراءات حاجة حلوة ان الدكاترة يفكروا فيها ويحاولوا يطبقوها

برده انا مع د/عاطف انه بيقول المفروض اول سنتين او حتى3 ناخد اساسيات وبعد كدا اخر سنتين نتخصص وكل واحد يدخل قسم هو حاسس انه هيأدى فيه كويس

بالنسبة برده د/ممدوح بيتكلم عن الدبلومات وانه حاول يغير الائحة من كذا سنة علشان فعلا تفيد الطلبة مش مجرد اخدنا دبلومة علشان نحطها جنب شهادة التخرج دى برده كويسة

بس فين بقى بالنسبة لخطط قصيرة المدى

زى ما احمد حلمى كان بيقول النهادره اننا نقسم نفسنا مجموعات على الاقسام بحيث نشوف ازاى المعيدين بيعملوا بحث ويمشوا معاه للاخر لغاية ما يوصل لنتيجة
نشوف امكانيات كل قسم وكل قسم ممكن يعمل ايه ويقدم ايه

وعلى هذا الاساس نقدر نقرر كل واحد يقدر يبدع ف اى قسم

اعتقد دا مش هيكلف الكلية اى حاجة بالنسبة للامكانيات اللى الدكاترة اتكلموا عليها

حتى بكدا نبقى عرفنا الشغل ماشى ازاى علشان لما نخرج بره زى ما د/فتح الله بيقول نكمل بره وهنستفيد اكتر
منصدمش ونحس اننا كنا منفصلين عن الواقع لا احنا بكدا هنكون شوفنا جزء من الشغل العملى فعلا وبعدين اللى عايز يكمل هيلاقى حاجة يكمل عليها

اسفة على الاطالة