Practical Phytochemistry Discussions, Second semester

[yhiya amen]

بسم الله الرحمن الرحيم

قَالُوا سُبْحَانَكَ لَا عِلْمَ لَنَا إِلَّا مَا عَلَّمْتَنَا إِنَّكَ أَنْتَ الْعَلِيمُ الْحَكِيمُ

السلام عليكم , ان شاء الله الساحة دى مخصصة لمناقشة الأسئلة والاقتراحات والاستفسارات فيما يخص عملى Phytochemistry الترم التانى ان شاء الله

Best wishes for all

[Dr Deya]

شكرا لتواصلكم د / يحيى ................... وجعله الله في ميزان حسناتكم

[~AnaLgEs!A~]

ياااااااااااااا ريت يا دكتور نطبق مبدأ المساواة فى السكشن

يعنى لما يكون كل الناس بتتكلم ... يبقى كلهم يتاخدوا غياب او كلهم يبقوا حضور

يا ريت بقى بنطل سياسة اننا ناخد واحد من اللى بتكلموا دول عشان الباقى يخاف و يبطل كلام

[yhiya amen]

ياااااااااااااا ريت يا دكتور نطبق مبدأ المساواة فى السكشن

يعنى لما يكون كل الناس بتتكلم ... يبقى كلهم يتاخدوا غياب او كلهم يبقوا حضور

يا ريت بقى بنطل سياسة اننا ناخد واحد من اللى بتكلموا دول عشان الباقى يخاف و يبطل كلام

السلام عليكم ، أولا: أنا لما باخد اسم حد أو رقمه مبكتبوش غياب لأن هوه حضر السكشن وده مش من حقى أنى أكتبه غياب ، أنا حقى عليك فى السكشن أنك تشتغل وتسأل فى اللى متعرفوش لو مشتغلتش خالص وكان ال Behavior بتاعك فى السكشن لا يليق حتى مبتابعش زملائك وهما بيشتغلوا تشوفهم بيعملوا ايه وكمان مبتسألش مثلا عن اللى مش عارفه وقاعد وخلاص فى السكشن علشان تاخد الغياب فى الأخر فده ميصحش.

ثانيا : لما بأخد اسم حد أو رقمه بيبقى خلاص أنا get saturated منه والحمد لله معروف عنى مبدأ المساواه من أول مدخلت الكلية دى واسألوا الدفعات اللى أنا درستلها.

ثالثا وده الأهم أنا مبقبلش حد يشكك فى شغلى أو شخصيتى لأنى عارف نفسى كويس ومقبلش حد يقولى يا ريت نطبق مبدأ المساواه ، والساحه اللى أنا عملتها دى عملتها بناء على طلب من احدى Moderators فى دفعتكم من المنتدى وبقول دلوقتى شكرا وان دى أخر مشاركه لى فى الموضوع وفى الساحه دى.

Best wishes and Good luck

[sanfora]

يادكتور مفيش حد بيشكك فى شغل حضرتك او شخصيتك وانلجسيا متقصدش كده خالص يادكتور
وانا بعتذر بالنيابة عنها

[~AnaLgEs!A~]

و الله يا دكتور ما اقصد و انا أقل بكتيـــــر انى أشكك فى شغلك او شخصيتك

بس كان نص السكشن بيتكلم و مش بيشتغل و أخدت واحدة بس

sorry doctor yhiya

[the king]

حقك على راس الكل يا دكتور يحيى
محدش بيشكك في شخصيتك او شغلك
ربنا العالم انت من اكتر الناس المحترمين والجادين في القسم
ربنا يكرمك ويديك على قد تعبك وشغلك
وبعتذر لك مرة تانية

[Amira]

حقك على راس الكل يا دكتور يحيى

محدش بيشكك في شخصيتك او شغلك
ربنا العالم انت من اكتر الناس المحترمين والجادين في القسم
ربنا يكرمك ويديك على قد تعبك وشغلك

وبعتذر لك مرة تانية

ربنا يكرمك ويجازيك خير على تعبك معانا فى السكشن يا د.يحيى

[نور الحياة]

فعلا يادكتور انت اول معيد ف الكلية كلها بنحس فية اخونا فحقك علينا زميلتنا والله متقصدش اسفين يادكتور

[N00R EL _SHAMS]

حقك علينا يادكتور

هى طبعا مش تقصد كده خالص اكيد

وجزاكم الله خيرا ع التواصل ونأمل الاستمرار