بتحلم بإيه ؟؟؟؟؟؟؟؟؟ قوووووووووووول

[د. سعيد شمعه]

الحلم ... هو أول خطوة للحقيقة ..
لأن أي عمل كبير .. بدايته حلم ..
إي إنجاز عظيم ... بدايته حلم ...
أي عمل غير تقليدي .. بدايته حلم ..

يعني الحلم مش هروب من الواقع ؟؟؟؟؟
لأ طبعا .....
الحلم قد يكون تصويب للواقع ...
عشان كده ...
باشارك معاكم هنا ...
كل طلاب كليتنا العظيمه ...
و كل من يدخل هذا المنتدى الجميل ..
تيجوا نحط أحلامنا هنا .....
نفكر فيها ....
و إزاي نحققها ....
طيب .. ادخل بسرعه و قول ...
بتحلم بإيه ؟؟؟!!!

[عامر إبراهيم]

السلام عليكم,

إزيك يادكتور/ سعيد,

الأحلام كتير وتختلف طرق تقسيمها,

واكن أهمها الأحلام فى الدنيا, والأهم: أحلام الآخرة,

طبعآ أحلام الآخرة معروفة لدى الجميع"أقصد من يعملون لها",

أما أحلام الدنيا,

فأنا حاليآ مشتت بين أحلامى لأن حياتى إتغيرت لأن كان نفسى أدخل هندسة أو تعدين وبترول, ومافيش حاجة ثابتة فى دماغى غير إنى عايز أبقى صيدلى متميز نافع للإسلام والمسلمين.

أما حلمى الأكبر تحرير فلسطين والامة العربية وإكمال دراستى للعلوم الشرعية عن بعد "موقع الأكاديمية الإسلامية",

لكم تحياتى;

[dr/noony]

السلام عليك ورحمة الله وبركاته
شكرا د/سعيد على الموضوع الجميل وأهلا بحضرتك معانا
على المستوى العام
نفسى الظلم يختفى بين الناس
نفسى ننسى حكاية الوسطة والمحسوبية
نفسى كلية صيدلة بصفة خاصة وكل الكليات يكون فيها التعليم أحسن وأحسن
بحلم ان مصر تكون من أحسن الدول فى كل حاجة سواء علم دين سياسة
وبحلم كمان ان الدواء يكون فى متناول كل مواطن
بحلم ان كل مواطن يكون له الحق فى العلاج فى أى مستشفى مهما كانت
بحلم بحياة أفضل لكل مواطن من كل الاتجاهات
بحلم طبعا ان كل الاراضى المحتلة تستقل
اما على المستوى الشخصى
أحلامى بسيطة جدااااا
بحلم انى احفظ القرأن كله
بالنسبة للدنيا طبعا بحلم بيوم التخرج فى وسط كل أصحابى وزملائى
وانى اكون صيدلانية ناجحة وبقدر المستطاع اقدر أغير شوية ولو حاجة بسيطة من أوضاع المهنة الى الاحسن
وان ربنا يقدرنى وأكون فى عون الناس
اما بالنسبة للاخرة حلمى الكبير العظيم واللى أهم بالنسبة لى من اى حاجة انى ادخل الجنة وان ربنا يغفرلى
وانظر لوجه الرحمن واشوف سيدنا محمد وكل الصحابة وبالاخص سيدنا عمر بن الخطاب وسيدنا ابوبكر الصديق والسيدة خديجة وام المؤمنين عائشة رضى الله عنهم جميعا
وفى النهاية بحلم ان كل اللى بيحلم بحاجة ربنا ءان شاء الله يحققها له

[د. سعيد شمعه]

الله الله على الأحلام الجميله ...
sowtrig & dr/noony
عايزين مشاركات كمان ...
حتى لو بنفس الأحلام ...
عايزين نشوفها حقيقة ...
بإذن الله تعالى ...
يعني نحققها ...
بس عشان نحققها ..
لازم الأول نكتبها و نرتبها ...
سؤالنا تانيي
بتحلم بإيه ؟؟؟؟؟

[lamiaa]

بسم الله الرحمن الرحيم

اولا / ازيك يا دكتور سعيد

ثانيا / الاحلام كتيرة اوى لكن اهم حلم عندى طبعا فى الدنيا انى انجح بتقديرات كويسة مش علشانى علشان ماما وبابا وعلشان ارضيهم واقدر ان شاء الله اعوض تعبهم معايا وده على المستولى الشخصى اما عموما بحلم
بتحرير فلسطين والعراق وكل الدول العربية والاسلامية المحتلة ان شاء الله.

اما بالنسبة للاخرة ان شاء الله فاولا حسن الخاتمة ان شاء الله وان الواحد يموت على طاعة وليست معصية يا رب ان شاء الله وكمان ببحلم بدخول الجنة بدون حساب لى ولجميع المسلمين ان شاء الله.

[د. سعيد شمعه]

ما شاء الله
لا قوة إلا بالله
أحلامنا كلها جميله
ليها ارتباط واضح بالقيمة الدينية
و أحلام تانيه عايزه تحقق العدل ..
و أحلام تانية عايزه تحقق لبلادنا حريتها و عزتها ..
فعلا أحلام نبيله ...
بس عشان الحلم يكون سهل التحقيق
لازم نشوفه صح !!!!!

أيوه فعلا ... طيب ... إزاي ؟؟؟؟

أقول لكم ..... هي الأحلام دي كلها على فكرة مرتبطة ببعضها ..
و ارتباط و ثيق جدا جدا جدا كمان ...
تعالوا نرتب أفكارنا ...

إحنا اتخلقنا في الدنيا لسبب أساسي .... مش كده ؟؟؟؟

أيوه .. هو عبادة الله عز و جل .. بالنص القرآني ...

طيب هنوصل لإيه لما نعبد الله عز وجل ؟؟؟

إننا نكون من أهل الجنة ... يعني ده الهدف الأساسي المحوري
اللي المفروض نكون عايشين عشان نحققه ...
جميل جدا جدا جدا ...

طيب هنحققه إزاي ؟؟؟؟؟ ..... بالعبادة طبعا ...
طيب العبادة دي عبارة عن إيه ؟؟؟

صلاة ؟؟ صوم ؟؟؟ زكاة ؟؟ حج ؟؟
طبعا دي أساس العبادات .. و من غيرها سقط أصل العبادة ...

لكن هل هي وحدها العبادة اللي تحقق حلمنا و ندخل بيها الجنة ؟؟؟

لأ طبعا .. مش كافيه ....

إزاي ؟؟؟؟؟؟؟؟

لأن العبادة دليل على الإيمان ... و الإيمان لا يتحقق إلا بالعمل ..

يعني إيه ؟؟؟؟

يعني لازم عمل الإنسان في الدنيا يكون دليل على حسن العبادة ..

طيب إيه العمل ده ؟؟؟؟

التعاملات مع الناس .. الأمر بالمعروف .. النهي عن المنكر ...
إتقان العمل ... إن النية من كل عمل نعمله كبير أو صغير
تكون واحده فقط ... هي إرضاء الله عز وجل

طيب أنا هاعمل لوحدي ؟؟؟؟ ماحدش بيعمل الكلام ده ؟؟؟

طبعا لازم تعمل لوحدك ... ربنا لما هيحاسبك هيحاسبك لوحدك ..
مهما كان اللي حواليك ...
و الله عز وجل حدد النجاح و التغيير و التطوير بإيه ؟؟؟
إن الإنسان يصلح نفسه أولا .. فتنصلح دنياه ... فتصلح الخاتمه و الآخره ..

طيب .... لما أعمل ده ... هشوف التغيير في الدنيا بالسرعة دي ؟؟؟

لا يعلم هذا إلا الله ... لكنك على الأقل حتى لو ما شفتش ده ..
هتحصد ثواب عظيم ... ثواب العمل .. ومن يكمله من بعدك ...

طيب لو ما عملتش ؟؟؟؟؟؟

هتبقى في مشكلة كبييييييييييييييرة جدا ....
انفصال بين العبادة و العمل ...
انفصال بين القول و العمل ..
يعني .. انفصال بين الدنيا و الآخرة ...
و احنا اتفقنا إن الدنيا هي الطريق للآخرة ...
فلو حصل الانفصال ..... فعلا هو ده الخسران المبين ...
أسأل الله لي و لكم العفو و العافية ..

يعني لازم العمل !!! لازم نعمل أعمال صالحة ...

آه طبعا ...
العمل هو المصدق للعبادات و المكمل للإيمان ..
العمل هو طريقك للجنة ...
بالعمل سيتحقق العدل و يغيب الظلم ...
بالعمل ستكون راضي عن نفسك و يرضى عنك من حولك ..
بالعمل سيعود لبلادنا عزتها و كرامتها
و يصبح كل واحد فينا فعلا فخر لبلده و لمهنته و لأمته ..

يعني عايز تقول إن حال بلادنا سببه عدم عدم اتقان العمل ؟؟؟؟

دي حقيقة مش عايزه كلام ..
.
طيب إيه علاقة الكلام ده بموضوعنا الأصلي ...
( بتحلم بإيه ؟؟؟ )
.
.
الحقيقة هو ده الهدف الأصلي من الموضوع ...
إحنا طلاب صيدلة .. و صيادلة ....
المهنة دي بالذات ....
ممكن تحقق بيها كل الأعمال الصالحات ...
اللي فعلا تكون جسرك للجنة !!
فعلا دي حقيقة ...
لو كنت طالب أو طالبة ... أو خريج .. مهما كان تخصصك ..
و مهما كان عمرك ....
.

يعني عايزين نقول :

شايفين مهنتنا ازاي الآن ؟؟؟
بنحلم تكون إزاي في المستقبل ؟؟؟
كل واحد فينا بيحلم يكون إيه ؟؟؟؟؟
لو عرفنا الأحلام دي كويس ...
يبقى أكيد هنقدر نحققها إن شاء الله ....
تيجووووووووووووووووووووووووا نحلم ؟؟؟؟؟؟؟؟؟

[RASPUTIN]

اولا شكرا دكتور سعيد علي الموضوع....
اما انا باحلم بعالم خالي من الحقد والطمع والفساد....
عالم خالي من الفقر والمرض.......
عالم خالي من الانحطاط الاخلاقي والفساد الديني....
عالم يحكمه العدل والحق.....
عالم لا يكون العرب هم اللي ليهم الكلمه العليا....
بس ممكن تقولي الاقي فين العالم ده؟؟؟؟؟

[د. سعيد شمعه]

اما انا باحلم بعالم خالي من الحقد والطمع والفساد....
عالم خالي من الفقر والمرض.......
عالم خالي من الانحطاط الاخلاقي والفساد الديني....
عالم يحكمه العدل والحق.....
عالم لا يكون العرب هم اللي ليهم الكلمه العليا....
بس ممكن تقولي الاقي فين العالم ده؟؟؟؟؟

العالم ده موجود ...
أو ممكن يكون موجود ..
بس مش على الإطلاق ...
دائما و أبدا الدنيا لازم يكون فيها الشئ و نقيضه
المرض و الصحة
الفقر و الغنى
الظلم و العدل
و .. و .. و ..
بس اللي إحنا عايزينه
القيمة الإيجابية تكون أكتر من القيمة السلبية
يعني تكون الصحة هي الصفة الغالبة على المرض
و الغنى غالب على الفقر
و العدل غالب على الظلم
تمام كده ؟؟؟؟؟

طيب نحقق ده إزاي ؟؟؟؟؟

بالإضافة لما قلته في مشاركتي السابقة
عايزين نبطل بكاء و صراخ ..
عايزين نبطل نقول مافيش فايده ...
عايزين عملنا يكون أكتر من كلامنا
هو ده الطريق ..
و هو ده العالم اللي هيكون فيه
كل الصفات الإيحابية اللي بنحلم بيها ...

[DoAa_RESALA]

شكرااااااااااااااا د/سعيد بجد على الموضوع الاكثر من رائع ده

اما بالنسبة للأحلام فهي كتيييييييييييييير اوي بس الواحد عنده امل انه في يوم من الايام هيوصلها ان شاء الله

ابدأ واحدة واحدة كده

اولا الهدف في الحياة كلها طبعا اني ربنا يغفري وادخل الجنة
ان على طول بابا وماما يكونوا راضيين عني
واني اي حاجة عايزة اعملها افتكر نيتي فيها واحافظ على النية دي
نفسي احفظ الفرآن الكريم

اما في الدراسة والشغل بعد كده ان شاء الله :
خلال الدراسة اني احافظ على التقدير
اني اتخرج على خير من الكلية
اني اشتغل في حاجة مختلفة مش مجرد صيدلانية اتخرجت ومسكت التكليف بتاعها ولا اشتغلت في صيدلية
انا نفسي اعمل حاجة ليها قيمة للاسلام والمسلمين بصورة خاصة والعالم كله بصورة عامة
اني اشارك ومش عارفة ازاي ولا فين لحد دلوقتي في تطوير صناعة الدواء
قال رسول الله() : " ما أنزل الله داء إلا أنزل له شفاء"
والاهم اني اعمل ده جوه مصر مش بره وبرضه مش عارفة ازاي

بس انا مقتنعة اني لو اخلصت النية في الحاجات دي كلها يبقى هوصلها في يوم من الايام باذن الله وربنا هيسهلها


اما الحلم اللي اي مسلم بيحلم بيه هو تحرير فلسطين والعراق ووحدة الامة العريبة

[lamiaa]

السلام عليكم ورحمة الله

انا بس كان عندى استفسار هو الاخ rasputin كان بيقول بيحلم بعالم لا يكون العرب هم اللى ليهم الكلمة العليا
طب ازاى وليه؟؟؟؟؟؟؟؟