" خـــواطـــــــر قـلـــــــب " ... ~~ ... ~~ متجدد إن شاء الله

[ahmedofegypt]

فى أوقات كتير بيجى على بالى خواطر ..
لكن بتكون قصيرة - و أحياناً قصيرة جداً - علشان كده مش بكتبها فى موضوع كامل أو بنتظر انها تنمو و تكون قصيدة كاملة ..

لكن أناحبيت أشاركها معاكم أو تشاركوها معايا على صفحات المنتدى الأدبى منذ مولدها ..

و ان شاء الله تكون موضوعاتهم متنوعة ...

و يا رب تعجبكم ..

و لكم منى كل التحية و الاحترام و الود

و إن شاء الله الموضوع يكون متجدد ... لو حبيتوا

**********
****
*


و هبدأ بخاطرة قصيرة جداً ... عن حاجه لسه ما جربتهاش بصراحه بس أنا متخيلها انها ممكن تكون كده لو حصلت فى يوم من الأيام



* ~ * ~ الخــاطــــرة الأولـــى ( 1 ) ~ * ~ *


لما نبض القلب و سرت بأوصالى رجفةٌ

و فاضت مشاعر لم أعهد من قبل مثلها

أيقنت أن نهر الحب ما ذقت منه رشفةً

و أنكِ بحقٍ أول امرأةٍ بالكون أحببتها





~~~~~~~
~~~
~

أحمـــــــد شكـــــرى

[M.Hegazy]

ما شاء الله يا دكتور .. جميلة الفكرة .. و البيتين تحفة بجد .. سلمت يمينك ..

لو استمر الموضوع سيتم تثبيته بمشيئة الله .. و طبعا موضوع خمس نجوم .. تقبل تحياتي ..

[ahmedofegypt]

ما شاء الله يا دكتور .. جميلة الفكرة .. و البيتين تحفة بجد .. سلمت يمينك ..

لو استمر الموضوع سيتم تثبيته بمشيئة الله .. و طبعا موضوع خمس نجوم .. تقبل تحياتي ..

متشكر يا د. محمد ... ده من ذوقك

دعواتك بقى ان الموضوع يستمر ... و شكراً جزيلاً على التقييم

تحياتى

[M.Hegazy]

إن شاء الله يستمر يا دكتور .. و إن شاء الله لو حضرتك سمحت نشارك معاك ..

[* lovely heart *]

نشارك ايه بقى يادكتور محمد

بعد كلام الدكتور الاكثر من رائع دة

ياجماعه انا اعتقد انى اقفل النت دة بقى واعقد فى البيت على التليفزيون وخلاص

والله مش عارفة اكتب ايه يادكتور بس دلوقتى

بجد ربنا اعطاك موهبة يتمناها الكثير ولكن يحصل عليها القليل

ربنا يرضيك يارب ربنا انتقاك من وسط خلقة
بس يارب دائما تنفعنا بكتاباتك الجميلة دى

متابعين ان شاء الله

[ahmedofegypt]

إن شاء الله

أكيد طبعاً يا دكتور .. تنور الموضوع ..
-----

نشارك ايه بقى يادكتور محمد

بعد كلام الدكتور الاكثر من رائع دة

ياجماعه انا اعتقد انى اقفل النت دة بقى واعقد فى البيت على التليفزيون وخلاص

.. حضرتك بتتكلمى عنى ؟ .. أنا شايف ان الكلمات دى مجرد خواطر و احاسيس أكثر منها قواعد شعر و مدارس و تجارب شعرية و وحدة عضوية " اصل العضوية دى ورانا ورانا يعنى حتى فى الشعر " ... و بما اننا مش محترفين حرفياً يبقى أهم حاجه لازم تميز كلامنا هو احساسنا ... و ما دام لسه فينا قلب بينبض و بيحس .. و بنقدر نعبر عن ده و لو بكلمات قليلة .. يبقى لازم كلماتنا تشوف النور علشان ده بيخلى الاحساس مش مجرد طيف بنسيج أرواحنا , لأ .. بنشوفه كائن قدامنا بيتحرك و بيكلمنا و يعبر عنا .. و يشاركنا .. و حتى إن أخذنا من واقعنا - أو أخذ منا واقعنا - لبعض الوقت .. فإنها تلك اللحظات التى نعود فيها " إلينا ".. ثم نستأنف الحياة ..!!

" آسف اذا كنت طولت على حضرتك !! "


والله مش عارفة اكتب ايه يادكتور بس دلوقتى

بجد ربنا اعطاك موهبة يتمناها الكثير ولكن يحصل عليها القليل

ربنا يرضيك يارب ربنا انتقاك من وسط خلقة
بس يارب دائما تنفعنا بكتاباتك الجميلة دى

متابعين ان شاء الله

ربنا يبارك فيكِ يا دكتوره ...

بجد متشكر لذوقك و كلماتك الرائعة دى ...


تقبلى احترامى و تحياتى

[الواثقة بالله]

بسم الله ماشاء الله
كتابات حضرتك دائما جميله جدا
وتنال اعجابى

ربنا يكرمك ويوفقك كمان وكمان
ان شاء الله يكون الشرف والسعادة لينا لو الموضوع دة يبقى مستمر بكتابات حضرتك الرائعه

جزاك الله كل الخير

[ahmedofegypt]

بسم الله ماشاء الله
كتابات حضرتك دائما جميله جدا
وتنال اعجابى

ربنا يكرمك ويوفقك كمان وكمان
ان شاء الله يكون الشرف والسعادة لينا لو الموضوع دة يبقى مستمر بكتابات حضرتك الرائعه

جزاك الله كل الخير

ربنا يبارك فيكِ يا دكتوره ..

متشكر جداً على كلماتك و دعواتك .. دى حاجه تسعدنى

أنا اللى ليا الشرف انكم تتابعوا الموضوع و تؤيدوا استمراره : )
و اتمنى أكون عند حسن ظنكم : )

و جزاكِ الله مثله و خيراً منه

[ahmedofegypt]

* ~ * ~ الخــــاطرة الثــانية (2 ) ~ * ~ *


مــالى أرى فى عينيكِ دمعاً

و ســهداً و حيرةً ملء أجفانِ

و بشفـا عــبـرةٍ تلهبُ القلبَ

كلماتٌ منكِ عن وهنى تنهانى

و أنَّى أسلى فى عينيكِ دمعةً

إن كنت أنســاها لا تنســانـى

و ما دام نهر الأسى يغزو ملامَحكِ

و متقدةٌ أشواقكِ بمرجل أشجانى

سيبقـى الــجرحُ بالقلبِ سـاكناً

و يأبى الحزنُ إلا أن يمسى عنوانى





أحمـــد شكــــرى

[الواثقة بالله]

جميل جدا جدا جدا يادكتور
ماشاء الله عليك
حضرتك شاعر بارع
بارك الله فيك
ويارب تكون الخواطر دى من الهام حضرتك بس مش من الواقع

منتظرة المزيد باذن الله
جزاك الله خيرا

تقبل مرورى