خطفت كام واحدة النهارده؟super salafi

[خادم أبى القاسم]

السلفيون الخارقون
Super Salafy

(سلفيين.. يقطعوا أذن واحد فى قنا ..)

(سلفيين.. يحرقوا بيت سيدة فى المنوفية..)

(سلفيين ..فى _مش عارف فين_ يحرقوا ضريح ..)

(سلفيين.. هيخطفوا البنات المش محجبات..)

(سلفيين.. هاجموا البرادعى ....)

(السلفيين ) الوحشين الشريرين ...عملوا كل المحرمات اللى ممكن تتخيلوها...قتلوا وحرقوا وبلطجوا وسرقوا وهيخطفوا وبيشتموا و,,,,,و ,,,,,,...

وعلى فكرة هما كمان السبب فى هزيمة مصر من جنوب أفريقيا ...
وهما السبب فى عدوان القذافى على ليبيا...
ومش بعيد يكونوا هم السبب فى عدوان الناتو على أفغانستان وليبيا....

تحذير!!!!!!!!!! ...

السلفيون (الغزو القادم) ,,, احذروهم !!!!!!!

هتخرجوا الشارع تلاقوا (سلفيين) ,,هتدخلوا البيوت هتلاقوا شبح (السلفيين) ...
هتناموا هتحلموا (بالسلفيين)...

هتفتحوا التلاجة هتلاقوة (سلفيين)...هتفتحوا الحنفية (بردو هتلاقوا سلفيين)

ولما تيجوا تخوفوا ولادكم ,,مش محتاجين للخرافات القديمة بتاعة (أبو رجل مسلوخة) والحاجات دى ..قولوا لهم بس (لو ماسمعتوش الكلام هنجيب لكم السلفيين)...

ولو ماشربوش اللبن وروهم أى حد (ملتحِ ) أو أى واحدة (منتقبة) وقولوا لهم (اللى مايشربش اللبن بيكون شكله كدة

^_^

والله ,,شر البلية ما يضحك ...

عفوا وصلتنى اخبار جديدة الأن

اخر الاخبار
-----------------
عاااااجل :
ليبرمان يشكر بابا الفاتيكان لتبرئته لليهود من قتل يسوع الانجيلي ..
ويتهم تحالف الاخوان مع السلفيين بقتله ..
...اليوم السابع والمصري اليوم تؤكدان الخبر بفيديو يثبت ذلك حيث ان الفيديو يوضح جماعة من الملتحين يعلقون يسوع علي الصليب ويعذبون... حتي فارق الحياة
--------------------------------------------------------------------------
ولسه
اخر الاخبار
------------------
قالت جميلة اسماعيل أنها تعرضت للهجوم من قبل دراجة بخارية طارد الميكروباص الذى تستقله ثم ظهر لهم "تروسيكل" أخر يحمل مجموعة من الملتحين في محاولة لمنعم من الإستفتاء ... وأنا أؤكد على كلامها والدليل أن مجموعة من الملتحين قاموا بقتلى هذا الصباح أثناء توجهى إلى العمل
--------------------------------------------...---------------
عاااااجل : السلفيــــــة تقوم بتطبيق الحـــــد على قــــــــــــرد ســـرق مـــوزة من فكهـــاني بجوار حديقة الحيــــــوان .... وقد تقدم القرد ( شمبانزي 45 سنة ) ببلاغ لقسم حديقـة حيـوان الجيــــزة .. وتم تحرير محضر برقم ( 3098 / 11 ) ، وأمر اللواء ( أحمد بندق الجنايني ) بسرعة ضبط واحضار السلفيين ..... نقلا عن تخاريفي والله المستعان



ماعنديش تعليق غير حديث النبى عليه الصلاة والسلام:
"إنها ستأتي على الناس سنون خداعة يصدق فيها الكاذب ويكذب فيها الصادق ويؤتمن فيها الخائن ويخون فيها الأمين وينطق فيها الرويبضة قيل وما الرويبضة قال السفيه يتكلم في أمر العامة "

كلمة أخيرة أف لإعلام ظل لآخر لحظة يدافع عن حاكم طاغوتي ظالم
ثم غير وجهه نحو قبلته الجديدة مشوها لصورة الطيبيين لصرف الناس عنهم والتفريق بين أهل القبلة ومحاربتهم وهذه هي مهمته المنوطة به من ثم أسياده"كلاب" الدولة

[Ammar]

حسبي الله ونعم الوكيل في الاعلام المضلل ....... وإن شاء الله الاشاعات دي تجيب تاثير عكسي

[عاشقة الجنان]

\والله الاسلام من هذا براء
الاسلام قادم

[snow123]

(سلفيين.. هيخطفوا البنات المش محجبات..

مع انى لا اتفق مع اراء السلفيين ولكن
سلفيين.. هيخطفوا البنات المش محجبات..
دى فعلا اشاعة عجيبة وكان باين اوى انها ملفقة وافتراء
واللى اطلقها هدفه بث الفزع فى الناس وخلاص

[showman]

حسبنا الله ونعم الوكيل بحق علي كل من افتري وكذب وروج للإشاعات

[mandy]

[thelovertiger]

جامدة جدا بجد

[mandy]

شوفتها على الفيس
مأدرتش امسك نفسى من الضحك
بصراحه اللى هاملها أبدع فيها

[dr soooma]

حسبى الله ونعم الوكيل
ان شاء الله كل الكلام دا يأتى بنتيجه طيبه للاسلام والمسلمين ولا يحقق ما يتمنوه هؤلاء الرويبضه من تشويه صوره من يتكلم بلسان الحق ويقول قال الله وقال رسوله الكريم
فاكرين يا جماعه أيام سب الرسول والاهانات والشتائم اللتى وجهت لخير البريه من قبل الدنمارك والرسام الحقير كلنا طبعا فاكرين كل الحاجات دى ساعدت على انتشار الاسلام وناس كتتييير جدا قالت مين الرسول وايه الاسلام وأعلنوا أسلامهم ويمكرون ويمكر الله والله خير الماكرين

[DR.BIBO]

ماشى انا معاكو ميه فى الميه فى الكلام ده وان الاشاعات ديه محدش يصدقها
بس برده اسلوب السلفين محتاج تطوير فى نشر الفكرة يعنى محدش رافضهم بالعكس الناس نفسها تشوف الاسلام بالشكل الصحيح بس فى نفس الوقت الطريقة تكون محببة للنفس
ولا ايه راى حضراتكو