ايه اللي ممكن يحصل

[المعلم]

بسم الله

والحمد لله والصلاة والسلام علي رسول الله

نري الان كثير من الشد والجذب بين

السلفين والاخوان والجماعات الاسلاميه في جهة

والليبراليين والعلمانين والاقباط في جهة

يريد الفريق الاول اقحام الدين في السياسه

ولهم اسبابهم :بان الله سبحانه وتعالي انزل شرعا يحكم به بين الناس ويستدلون

بقول الله جل في علاه

(وَمَنْ لَمْ يَحْكُمْ بِمَا أَنزَلَ اللَّهُ فَأُوْلَئِكَ هُمُ الْكَافِرُونَ)

وقول الله

(أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللَّهِ حُكْمًا لِقَوْمٍ يُوقِنُونَ)

ومن ثم بدات حمله للحفاظ علي الماده الثانيه من الدستور

ثانيا: مايزيد عن 86% من السكان مسلمين فلما لاتحكم الدوله بشريعة الاغلبيه

وعلي الجانب الاخر

فان الجهة الاخري تريد فصل الدين عن السياسه ويبدون اسبابهم

الدين شيء مقدس ولايدخل في السياسه

الخوف من المثل الايراني حتي ان بعضهم قال عند خروج عبود الزمر

اهلا بجمهورية مصر الايرانيه

بعضهم ينتابه الفزع عند رؤية الشيوخ وقولهم الشيخ مالوش غير الجامع غير كده مايتكلمش

واعلنها احدالقساوسه نخاف من الدوله الاسلاميه ولانريد ان تكون هناك دوله مصريه اسلاميه
وعندما سئل عمرو اديب مارايك في الديموقراطيه لو استولي الاخوان علي الحكم قالها صريحه تولع الديموقراطيه

ولا نريد فتنه طايفيه واصبح البعض يتصيد غلطات الشيوخ

هنا السؤال

عاوز حد يجاوب ليه علي الاسله دي

اذا فضل الدين عن الساسه هل سيترك الجماعات الاسلاميه لنشر افكارها؟؟؟

اذا استولي الاخوان علي الحكم مالذي تخشي حدوثه ؟؟؟

هل اذا دخل احد السلفين انتخابات الرئاسه هل سيفوز؟؟

مالذي يخيفك من الدوله الاسلاميه؟

ماهو مفهومك للدوله الدينيه

+ YouTube Video

راي الشعراوي في الدوله المدنيه والدوله الاسلاميه

[Dr.A7med]

السؤال في الاستفتاء مش صحيح .. أصلا مفيش تعارض بين الإسلام والدولة المدنية .. والدولة الدينية مش بالضرورة تكون إسلامية .. يعني لما حد يقول أنا ضد الدولة الدينية هو بكدة مش بيقول أنا ضد الشريعة الإسلامية ..

اذا فضل الدين عن الساسه هل سيترك الجماعات الاسلاميه لنشر افكارها؟؟؟

هي دي الحرية .. لكن ما يجيش حد ينشر فكرة مثلا تحض علي العنف ويقول حرية

اذا استولي الاخوان علي الحكم مالذي تخشي حدوثه ؟؟؟

في الدولة المدنية مفيش حاجة اسمها حد استولي علي الحكم
ولو الشعب اختار يتحكم بالإخوان وطالما انه يقدر لو ما عجبوش حكمهم يمشيهم يبقي أهلا وسهلا بالإخوان

هل اذا دخل احد السلفين انتخابات الرئاسه هل سيفوز؟؟

لا مش هيفوز .. لأسباب بسيطة جدا ومش بعممها لكن موجودة عند معظمهم .. أولا السلفيين منغلقين ومش بيسمعوا اللي حواليهم .. ثانيا وده الأهم .. هل السلفيين هيقدموا مرشح للرئاسة علي أساس كفاءة وقدرة علي القيادة ولا علي أساس علم ديني ولا علي أساس تقوي ولا ايه بالضبط
ثالثا .. هل برنامج المرشح الانتخابي يحتوي علي مشاريع ورؤية لمستقبل البلاد .. ولا يحتوي علي خطة لتغيير طريقة حكم البلاد وتحويلها لدولة دينية؟

مالذي يخيفك من الدوله الاسلاميه؟

عايز بس أوضح نقطة .. دولة مصر الجاية دولة إسلامية .. والسؤال .. إيه مفهوم الدولة الإسلامية عندك؟ هل هو ان الشيخ محمد حسان يحكم البلد مثلا؟ ولا مفهومها اننا بنولي الأكفاء وبنحتكم للشريعة في الحلال والحرام
هل الدولة الإسلامية بالضرورة تعني الحكم بنفس الطريقة اللي كانت موجودة علي أيام الصحابة؟ ولا تعني الحكم من خلال نفس المبادئ والمقاصد والأهداف اللي كانت موجودة أيام الصحابة؟

[بحلم ببكره]

للأسف الشديد

سؤال الاستفتاء فيه خطأ فادح

أريدها مدنية إسلامية = مدنية ذات مرجعية إسلامية

وأظن أن الأغلبية الكاسحة من الشعب المصري تؤيد ذلك


لا تعارض بين الإسلام والمدنية

[المعلم]

للأسف الشديد

سؤال الاستفتاء فيه خطأ فادح

أريدها مدنية إسلامية = مدنية ذات مرجعية إسلامية

وأظن أن الأغلبية الكاسحة من الشعب المصري تؤيد ذلك


لا تعارض بين الإسلام والمدنية

انا وضحت نوع المدنيه واقصد التي تجعل الدين عباره عن شعائر فقط

[L SMA7Y]

للأسف الشديد

سؤال الاستفتاء فيه خطأ فادح

أريدها مدنية إسلامية = مدنية ذات مرجعية إسلامية

وأظن أن الأغلبية الكاسحة من الشعب المصري تؤيد ذلك


لا تعارض بين الإسلام والمدنية

بالظبط ,, الاغلب عايز كدا

وشايف ان صيغه الاستفتاء خاطئه جدااااا

[المعلم]

عايز بس أوضح نقطة .. دولة مصر الجاية دولة إسلامية .. والسؤال .. إيه مفهوم الدولة الإسلامية عندك؟ هل هو ان الشيخ محمد حسان يحكم البلد مثلا؟ ولا مفهومها اننا بنولي الأكفاء وبنحتكم للشريعة في الحلال والحرام
هل الدولة الإسلامية بالضرورة تعني الحكم بنفس الطريقة اللي كانت موجودة علي أيام الصحابة؟ ولا تعني الحكم من خلال نفس المبادئ والمقاصد والأهداف اللي كانت موجودة أيام الصحابة؟[/quote]

الدوله الاسلاميه عندي :هي الدوله القائمه علي عدة اسسس

اولا : الاخلاق والروحانيات والعبادات وتطبيق ماامر به الشرع في هذا الجانب يعني ماينفعش تكون التربيه الدينيه ماده فرعيه في التعليم

ثانيا:العداله الاجتماعيه والمساواه بين الناس

ثالثا :تعمير البلاد والنهوض بها اقتصاديا وعلميا وتكنولوجيا في جميع المجالات استنادا لقول الله

*هوالذي أنشأكم من الأرض واستعمركم فيها‏...*‏

ليس كما يتصور البعض ان الشريعه يعني صلاه وصوم فقط

[BeLLaD0nnA]

مدنية = لا دينية = علمانية = ليبرالية !!!! ؟؟ دا بجد ؟
سؤال تفكر فيه كدا :
هل الدولة الدينية الاسلامية بالضرورة يحكمها الاخوان او السلفيين ؟
ايه حكم الديمقراطية فى الدولة الدينية التى تدعو لها ؟ هل هى قائمة على اسس كفر ؟ يعنى لو الناس مش عاجبها طريقة الحكم ايه الحل ؟
و هل هما كدا معترضين على السياسة ولا معترضين على الدين ؟
كمان التعريف دا ناقصه حاجات كتير .. يعنى مثلا القانون مع ان المفروض مبادئه هى مبادىء الشريعة .. بس مش كلها بتطبق بالحرف...فهل تدعو الى تغيير القانون ؟
...المسيحيين نظامهم ايه كدا ؟ و هل معترف بديانتهم ولا معندناش الا الاسلام و الباقى كفرة ؟ و لو معترفين بديانتهم , الهم حق الاحتكام الى شريعتهم ؟؟

و..بالنسبة لدول

اولا : الاخلاق والروحانيات والعبادات وتطبيق ماامر به الشرع في هذا الجانب يعني ماينفعش تكون التربيه الدينيه ماده فرعيه في التعليم

ثانيا:العداله الاجتماعيه والمساواه بين الناس

ثالثا :تعمير البلاد والنهوض بها اقتصاديا وعلميا وتكنولوجيا في جميع المجالات استنادا لقول الله

هل الدولة الاسلامية هى الطريقة الوحيدة لتحقيق ال 3 حاجات دى ؟
هل مينفعش نبأى دولة مدنية (و للتأكيد مدنية لا تعنى لا دينية علمانية ) و عندنا ثقافة و روحانيات دينية و عدالة اجتماعية و مساواة و تعمير ؟
فى حاجات كتير بس اخر حاجة حاليا : هل مصر الان دينية ولا مدنية علمانية ؟ و السعودية تعتبر ايه بردو ؟

[dr.monalizaa]

للأسف الشديد

سؤال الاستفتاء فيه خطأ فادح

أريدها مدنية إسلامية = مدنية ذات مرجعية إسلامية

وأظن أن الأغلبية الكاسحة من الشعب المصري تؤيد ذلك


لا تعارض بين الإسلام والمدنية

بالزبط كدة