اعتذار رسمى لدكتور حمدى

[نور الحياة]

نحن بعض طلاب الفرقة الثالثة نعتذر عما حدث من اعمال غير منتظمة من بعض طلابنا ف الفرقة الثالثة
الى اخواتى واخوانى طلاب الفرقة الثالثة
ممكن نختلف ف بعض وجهات النظربس مش معنى كده انا نغلط ف اللى اكبر مننا سن واكيييييد عقل واكييد مكانة اجتماعية واكيد بصفاتنا ناس عندها اخلاق قبل ما نكون صيادلة اكبر ناس ف المجتمع ومؤتمنين على حياة بشر يبقى المفروض نحترم اللى اكبر مننا على الاقل
يمكن الدكتور حمدى ظلمنا فعلا بس برده هو قال والدكتورة ماجدة قالت انه هيصحح كل ده ومحدش يقولى وانا ايش ضمنى عشان هرد واقول ايش ضمنا ان احنا نذاكر وننجح وايش ضمنا نعيش لحظة واحدة
قال صلى الله علية وسلم ليس منا من لا يوقر كبيرنا
اكيدناس كتير هتختلف معايا بس دى رسالة مؤمنة عليها من بعض الناس ونفسى توصل لدكتور حمدى ودكتورة ماجدة

[NonY]

هما عملوا ايه ؟؟

[نور الحياة]

كلام لايحق ان يقال وتصرفات غير مرضية بالمرة وردود افعال غير عقلانية بالمرة انا مبقلش حاجة لهم مطالب يطالبو بيها بس بذوق واحترام للشخص الاكبر منهم سنا وعقلا ومكانة

[Hope1]

عندك حق و الله ده كلام زي الفل .... امبارح كان شكل المظاهرة

وحش جدا أنا الصراحة مطيقتش اقف..... الصراحة مش منظر ناس صيادلة بتطالب بحاجة

شايفاها حقها

[Aésmaïl]

بشويــش كده يا جماعه ,
هعيد الموضوع خطوه خطوه .. عشان الناس تعرف ايه اللى حصل بالظبط ..
لأن الكلام كتر جدا جدا جدا الفتره اللى فاتت , ووصل للناس غلط , ووصل للأقسام غلط برضو .

اعتصام يوم 21/3
اللى حضرتو , وانا بصراحه مش عارف ايه اللى حصل بالظبط النهارده "كنت فى سكشن "
وكلينيكال كان ليها يد فى اعتصامات النهارده D:

مفيش اى تجاوزات من اى حد , يسأل عن ذلك د.محمد مصطفى ..
الطلبه اصلا كانو معتصمين امام مكتب القسم
بعد اما عرفو ان دوك حمدى اعتزر " يعنى الإعتصام مش للدوك حمدى اصلا " دى نقطه .
وعشان اكون حقانى اوووى
البانار الوحيد اللى كان خارج و اترفع كان بيقول " قسم الصيدلانيات .. طير انت D: "
والناس احتوت الأمر دا .. واجبرت اللى رافعو انو ينزلو ..

التجاوزات حصلت من دوك مروه وبدون اى مبررات واسألو زمايلكو , مفيش حد بيتجنى على حد
وهيه الدوك مروه اعتزرت ليهم , لو مش غلطانه يبقى متعتزرش .. دى النقطه التانيه .

القشه التى قسمت ظهر البعير بقى .. التهديدات اللى حصلت قدام طلبه رابعه من دوك جلال
وفى حضور العميده .. واكيد الكل وصلو التهديدات .. اللى الحاكم قالهم حولوها للنيابه

الناس عاوزه تحل مش عاوزه تعقد يا فندم ... "فمفيش نيابه هتتدخل فى شأن من شئون كليتنا "
دى حاجه داخليه ولازم تتحل ودى بين القسم والطلبه .. فعشان كده مفيش حد بعت الشكوى النيابه.

*كـل الطلبه بيكنو كل احترام وتقدير للدوك حمدى .. ومفيش حد هيزايد على حد .. فى الإحترام
لأن الدفعه كلها محترمه ..

اسف طولت , بس كان لازم توضيح للأمور عشان الدفعه اصبحت على وشك الإنهيار
و اتقسمت لفئات ..
فلازم الموضوع دا يتحل بكره بأقصى سرعه .. عشان الأزمه متتفاقمش والسنه هتخلص ..

[نور الحياة]

رفع القلم يادكتور خلاص واللى حصل ف المدرج النهاردة اكيد مش هيحصل تانى مهما حصل كفاية بقا عايزين نشوف مستقبلنا خلينا نخلص الجزء اللى فاضل على خير ان شاء الله يارب اعنا على ذلك

[Aésmaïl]

رفع القلم يادكتور خلاص واللى حصل ف المدرج النهاردة اكيد مش هيحصل تانى مهما حصل كفاية بقا عايزين نشوف مستقبلنا خلينا نخلص الجزء اللى فاضل على خير ان شاء الله يارب اعنا على ذلك

حضرتك دا كلامى

بس كان لازم توضيح للأمور عشان الدفعه اصبحت على وشك الإنهيار
و اتقسمت لفئات ..

ربنا يستر بقى

[*Jessy*]

انا شخصيا من الناس اللي بتحب دكتور حمدي جدااااااااااااااااااااااااااا .. لانه انسان بمعني الكلمه في الزوق والاخلاق والاحترام وبحس فيه روح الاب كده .... وبصراحه امتحنت عنده شفوي وكان طيب اوووووووووي ...

وهو علي فكره قال انه مش زعلان مننا واننا زي أولاده .................

وطبعا التجاوزات اللي حصلت من بعض الطلبه هما خلاص اعتقد طلعوا للدكتور واعتذروله وان شاء الله مفيش اي حاجه من الكلام ده هيتكرر تاني .........

اكيد اللي يعوز يطلب شيء لازم يطلبه بتحضر ورقي ويراعي فرق السن والمكانه كمان ..........

[chocolata]

الكلام اللى دكتور اسماعيل قاله جزء منه انا عارفاه

وايا كان اللى حصل النهاردجة فهو تم اصلاحه

اما موضوع الانقسام فمبادرة الدتكور محمد

مصطفى كانت فرصه ممتازة عشان الطلبه اللى بيتقال عليهم انهم قللات الادب وتطاولوا وخلافه يثبتوا انهم مش كده

وكلنا فى الاول وفى الاخر عاوزين الصالح العام للطلبه بس هى الفكرة اننا مش عاوزين سياسه الترهيب باستخدام الدرجات للابد ولا مثلا المعامله السيئه للابد بس مش مجرد نكمل الترم التانى بس
ويرجع كل شىء السنه الجايه

فكان فى طبيعى خوف من القول بس


يارب تهدا الامور يااااااااااااااااارب

شكرا دكتورة نور الحياه على الموضوع

[DR.BIBO]

الكلام اللى دكتور اسماعيل قاله جزء منه انا عارفاه

وايا كان اللى حصل النهاردجة فهو تم اصلاحه

اما موضوع الانقسام فمبادرة الدتكور محمد

مصطفى كانت فرصه ممتازة عشان الطلبه اللى بيتقال عليهم انهم قللات الادب وتطاولوا وخلافه يثبتوا انهم مش كده

وكلنا فى الاول وفى الاخر عاوزين الصالح العام للطلبه بس هى الفكرة اننا مش عاوزين سياسه الترهيب باستخدام الدرجات للابد ولا مثلا المعامله السيئه للابد بس مش مجرد نكمل الترم التانى بس
ويرجع كل شىء السنه الجايه

فكان فى طبيعى خوف من القول بس


يارب تهدا الامور يااااااااااااااااارب

شكرا دكتورة نور الحياه على الموضوع