اللي حصل في وقفه النهارده باختصار -- تهديدات الدكتور جلال

[L SMA7Y]

السلام عليكم

باختصار هقول اللي حصل النهارده علشان المواقف لازم توضح ولازم كلنا نتفق علي حاجه واحده


الساعه 11 كان في وقفه عند مكتب الدكتور حمدي

وعرفنا قبلها من الدكتوره ماجده ان الدكتور حمدي اعتذر عن التدريس لينا

والدكتوره ماجده قالت انها مش هتقدر تعمل حاجه بخصوص الدكتور همحاسن

فاتجمعنا عند مكتب الدكتوره محاسن

ونزلنا انا وهادي نعرف الناس الخبر

ورجعنا لقينا الناس ادام مكتب الدكتور حمدي

ودي كانت خطوه حلوه جدااا

لان هو اللي في ايده القرار بصفته رئيس القسم

وفضلنا واقفين هناك اكتر من 3 ساعات كلنا

وعدي علينا دكاتره كتير وكلام ومناقشات كتيره جانبيه

المهم وصلت الدكتوره ماجده ودخلت واجتمعت بيهم هما ومجلس قسم الصيدلاينات ودكاترته

وبعد فتره طويله خرجوا علينا وقالولنا المفاجأه

الدكتور حمدي هيرجع يدرسلنا تاني

ومجلس القسم رفض انه يعتذر للتدريس لينا هو والدكتوره ماحسن


وكانت المفاجأه الاكبر ان نلاق الدكتور جلال يتدخل في الموضوع ويقول ان لو الدكتور حمدي اعتذر كل دكاتره الصيدلاينات هيمتنعوا عن التدريس ومفيش صيدلاينات السنه دي

واللي كانوا هينجحوا السنه دي ينجحوا النسه الجايه احسن

كلام يخلو من اي مسؤوليه في الوقت دا

في وقت كله توتر والناس علي اعصابها ومستنيه تسمع كلمه تهدي الوضع او اي تحاور ونقاش يخرج الكدتور جلال يقول كلام يخلو من المسؤوليه

-***********-

المهم بعد كلام كتير مع الدكتور حمدي وصلنا انه مش هيعتذر عن التدريس ولا هو ولا الدكتوره محاسن

-*******-

شرحنا كل موقفنا ليه وان في حاجز نفسي والكلام دا كله


-*******************-

وبعدها عملنا شكوي بخصوص كلام الدكتور جلال وتهديدياته لينا احنا وكل الدفع

ووقع علي الشكوي دي 60 طالب وطالبه اللي كانوا حاضرين لما الدكتور جلال قال اكللام دا

وكان كل مجلس قسم الصيدلاينات والعميده موجدين


والشكوي دي طلعنا بيها علي الحاكم العسكري وقال انه هيقدم بلاغ رسمي بخصوص الشكوي دي

-*******************-

الموقف اختلف جدا الوقتي ولازم كلنا نتحد علي موقف واحد

لان بعد اللي حصل النهارده مفيش اي قبول للتعامل بنا وبين دكاتره القسم


-******************-

في بكره ان شاء الله الثلاثاء وقفه ادام مكتب الدكتور حمدي الساعه 11

ياريت نتفق علي موقف واحد علشان حياتنا العلميه تستقر ونعرف مين اللي هيدينا وايه ناظمنا

[Dr/HULK]

ووقع علي الشكوي دي 60 طالب وطالبه اللي كانوا حاضرين لما الدكتور جلال قال اكللام دا

وكان كل مجلس قسم الصيدلاينات والعميده موجدين

عدد قليل قليل قليل جدا

لو مروحتوش بأكتر من 500 طالب على الاقل يبقى تفوضوها سيرة

دكتور جلال من الدكاترة اللى مش بتهزر فعلا والكلمة اللى بيقولها بينفذها بدون النظر لاى مصلحة

ولو حصل فعلا وتم تننفيذ التهديد يبقى ساعتها نطالب باخراج المادة احنا كمان من السنة الدراسية والسنة تعتمد من غيرها

ونكون استريحنا من المادة دى
احنا اكتر من 5000 طالب فى الكلية
ومتخفوش من التهديد ده المهم تأخدوا حقكم
بس عددكوا هو اللى هيحكم اذا كنتم فعلا على حق ولا انتوا اللى غلطانين لان 60 طالب مش نسبة

[The Phoenix]

مش معقول حد يوقع على حاجة هو ماشافهاش أو سمعها عشان كدة ال 60 اللي كانوا موجودين هما اللي وقع بس

[L SMA7Y]

يا دكتور علشان المصداقيه

هما دول ال60 طالب اللي سمعوا الكلام منه بودنهم وشافوه بعينهم

مرضناش نخلي اي طالب كان واقف حتي بره مكتب الدكتور حمدي ومسمعش الكلام بنفسه انه يوقع


دي توقيعات اللي سمعوا وشافوا بس

وطالما في بلاغ واجراء رسمي ,, يستدعوا اي حد من الطلبه دي وكمان الدكتوره ماجده والقسم كله ويشهدوا

بس

[*Jessy*]

بس عددكوا هو اللى هيحكم اذا كنتم فعلا على حق ولا انتوا اللى غلطانين لان 60 طالب مش نسبة

عشان اللي كانوا واقفين هما دول بس ...

[Dr/HULK]

يا دكتور علشان المصداقيه

هما دول ال60 طالب اللي سمعوا الكلام منه بودنهم وشافوه بعينهم

مرضناش نخلي اي طالب كان واقف حتي بره مكتب الدكتور حمدي ومسمعش الكلام بنفسه انه يوقع


دي توقيعات اللي سمعوا وشافوا بس

وطالما في بلاغ واجراء رسمي ,, يستدعوا اي حد من الطلبه دي وكمان الدكتوره ماجده والقسم كله ويشهدوا

بس

انا بتكلم عن عدد الطلبة اللى اعتصموا لازم يكون عدد كبير عشان محدش يفتكر ان الموضوع سهل

[L SMA7Y]

انا بتكلم عن عدد الطلبة اللى اعتصموا لازم يكون عدد كبير عشان محدش يفتكر ان الموضوع سهل

لا عدد اللي اعتصموا كانوا كتير

وكان في ناس بتيجي وتروح علشان ظروف السكاشن ,,

غير ان في 800 توقيع من طلاب الدفعه ,, يعني 80 % من الدفعه تقريبا كلها متفقه علي مطلب واحد

غير ان الدكتوره ماجده شافت الرد علي ردودها بخصوص الدكاتره لما اتنقل لقائنا اول امبارح للمدرج واغلب اللي في المدرج سابوا المدرج ومشيوا بعد مسمعوا ان الدكتور حمدي مكمل

[treka 22]

معلش بقى سؤال غبى شوية
الوقفة بكرة عشان ايه بالظبط

[L SMA7Y]

معلش بقى سؤال غبى شوية
الوقفة بكرة عشان ايه بالظبط

مطلبنا الوحيد

الدكتور حمدي والدكتوره محاسن يعتذروا عن التدريس للفرقه الثالثه

فقط


-***********-

بخصوص موضوع الدكتور جلال دا موضوع تاني ومتابعين فيه مع الحاكم العسكري وفي بلاغ رسمي اتقدم بخصوصه

انما بكره لمطالبنا الاساسيه علشان منشتتش نفسنا

[honey_monmon]

وكانت المفاجأه الاكبر ان نلاق الدكتور جلال يتدخل في الموضوع ويقول ان لو الدكتور حمدي اعتذر كل دكاتره الصيدلاينات هيمتنعوا عن التدريس ومفيش صيدلاينات السنه دي

واللي كانوا هينجحوا السنه دي ينجحوا النسه الجايه احسن

احنا كلنا كنا عارفين ان الكلام ده مجرد لعبه وبالكتير ممكن يتقال عليه تهديد لكنه تهديد هيساعدنا اوى اولا استفز ناس كتير ثانيا الشكوى اللى اتقدمت للحاكم العسكرى ان شاء الله هتكون ورقة ضغط تانيه ادام القسم حاجه من الاتنين ياينكر ان الكلام ده اتقال اصلا وده صعب جدا لان الشهود كتير يااما يقولولنا انهم فعلا خدوا قرار بالامتناع عن التدريس لينا بس يكون كلام رسمى وساعتها سهل جدا نجيب حقنا