ملخص ما دار في اللقاء مع العميده النهارده -- هام

[L SMA7Y]

السلام عليكم ورحمه الله وبركاته

-*********************************-

علي السر يع ملخص ما دار في اللقاء مع العميده النهارده

وبعض الاخطاء اللي وقعنا فيها وبعض المعلومات اللي طلعنا بيها


طبعا في البدايه الوقفه الاحتجاجيه اللي تمت ادام المبني الادايه كانت ناجحه الي حد ما بخلاف بعض سوء في التنظيم في جانب الشباب

كانت الوقفه موفقه لحد ماتفرقنا عند اننا نطلع للعميده او هي تنزلنا

وللاسف اتفقنا انا وبعض الناس اننا نختار خمسه من الشباب وخمسه من البنات ونطلع نكلمها

بس الصوت الغالب ان هي تنزل تكلمنا

والنتيجه ان هي معرفتش تتكلم ولا عرفنا نسمعها ولا وصلنا لحاجه

وانتقلنا للمدرج ,, وهنا كانت المصيبه (( في نظري ))

لان مجرد مسيبنا مكان الاعتصام بتاعنا ومشينا كدا بقا ولا كأن حاجه حصلت

المهم روحنا المدرج والعميده اعلنت بعض القرارت اللي وصلت ليها في موضوع الدرجات وقسم الصيدلاينات


بخصوص الدرجات ---- هيتم اضافه نسبه ثابته لكل الطلبه عل درجات الترم التاني وليس الاول

وبعض حوار ونقاشات كتيره قالت انها هترفع طلب للمجلس الاعلي للجاماعات ان النسبه دي تزيد الوقتي علي درجات الترم الاول

بخصوص قسم الصيديلانيات ------ اتكلمت عن المعامله اللي اختلفت كتير عن الاول وعن فصل الكتاب العملي عن النظري وكدا

اما بخصوص موقف الدكتور حمد والدكتوره محاسن

قالت انها انتاقشت مع الدكتور حمدي في طريقه المعامله وانه هيحسن طريقته والكلام دا

بس نقطه انه يسيب التدريس لينا لدكتور تاني قالت انها مش باديها ومش من سلطتها تعمل كدا


وقالت اننا مطلبناش منها الطلب دا ,, وان طلبنا بخصوص قسم الصيدلاينات هو تغيير سياسه التعامل

بالرغم من ان صيغه الشكوي اللي تم تقديمها مع توقيعات 800 طالب كان نصها بان بكل احترام وتقدير للدكتور حمدي والدكتوره محاسن ,ان يتم اقصائهم عن التدريس لينا وان يجي بدلهم دكاتره تانيين ,, ودا كان بكل وضوح


المهم هي قالت ان دا مش من سلطتها ,, وان دا من سلطه رئيس القسم وهو الدكتور حمدي وقالت روحوا واتفاهموا معاه

فقولتلها ازاي يا دكتور هروح للدكتور حمدي واقوله احنا طلبنا الوحيد ان حضرتك متدرسلناش ,, مع العلم ان انا وفي طلبه تانيين مستعدين يروحوا يقدمولوا الطلب دا بس سايبينه اخر حاجه


المهم روحنا للحاكم العسكري وكنا 8 طلبه وطلبات

وقاعدنا معاه وعرضناله الموضوع والي وصلنا ليه ,فكلم الدكتوره ماجده واخد معاها معاد وجه يتكلم معاها

ونزل وقالنا تقريبا نفس الكلام اللي هي قالته

-***************-
نقطتين بقا

كان لازم منسبش مكانا في الاول ونروح المدرج وكان ممكن يطلع حد يتكلم مع العميده ونعرف منها قراراتها دي وساعتها لما نروح نجيب الحاكم العسكري ,, ويلاقي العدد الموجود دا لسا واقف وفي ضغط كدا ,, كان يبقي في موقف اكثر ايجابيه من طرفه

انما هو جه ومعاه اه ورق فيه توقعات 800 شخص ,, بس ملقاش ادامه غير 30 شخص بالكتير بيتكلموا

والله اعلم ايه اللي دار مابينه وبين الدكتوره ماجده فوق لانه نزل وقال نفس الكلام

واهو محدش بيتعلم ببلاش

-*********-

النقطه التانيه

ان بعد مالحاكم العسكري مشي كل اللي موجودين من طلبه وطالبات اتفقنا ان يتم مقاطعه محاضرات الدكتوره حمدي والدكتوره محاسن نهائيا

ووقفات احتجاجيه امام مكاتبهم

تبدأ من بكره الاثنين 21/3 الساعه 11 ان شاء الله

امام مكتب الدكتور حمدي


نرجو من جميع الطليه اللي شوفناهم بحماس واصرار علي مطالبهم النهارده انهم يكملوا اللي بدأوه وخصوصا اننا اصحاب حق

ونرجو منهم التواجد غدا ان شاء الله الساعه 11


-****************-

وشكراااااااااااااااااا

[M_S_SH]

tmaam w ana m3ako bokra isa

[احمد الجوجرى]

[L SMA7Y]

تمام والحاضر يعلن الغايب

[The Phoenix]

موضوع مقاطعة محاضرات الدكتورين هو الحل الامثل من وجهة نظري و هيجيب نتيجة فورية باذن الله

[d\omnya]

فعلا اكبر غلط اننا سيبنا مكاننا وروحنا المدرج بس ياريت متنسوش معاملة باقى القسم وف السكاشن كمان.عشان حسيت ان التركيز اكتر على د\حمدى ومحاسن بس.

[L SMA7Y]

فعلا اكبر غلط اننا سيبنا مكاننا وروحنا المدرج بس ياريت متنسوش معاملة باقى القسم وف السكاشن كمان.عشان حسيت ان التركيز اكتر على د\حمدى ومحاسن بس.

احنا اتكلمنا في الموضوع دا اكتر من مره والدكتوره ماجده قالت ان حصلت تنبيه علي كل الاقسام وخصوصا قسم الصيلاديانات علي المعامله

وبصراحه انا لاحظت فرق وااااااااااضح وكبير في المعامله ,و خصوصا الدكتوره مروه وهي المعيده اللي بتيجي كل يوم الصبح تزعق وتمشي وتقفل الباب في اول دقيقتين في السيكشن ,و سبحان الله معدتش بتعمل كدا

محسسني انهم في وزاره الداخليه وكانوا مستنيين اوامر بانهم يتاعلموا كويس ,, مش عارف دي حاجه نتقناش فيها ازاي يعني

بس المهم ان حصل تطور وااااااضح في المعامله

[Amira]

اتفقنا ان يتم مقاطعه محاضرات الدكتوره حمدي والدكتوره محاسن نهائيا

مظنش ان كتير هيقاطعوا المحاضرات

[Aésmaïl]

وكأنى بستعيد ذكريات اليوم التاريخى بتاع النهارده .. D:
سرد جامد يا سماحى اعتقد ان دا كلو اللى حصل بالظبط ..
ربنا يقدم اللى فيه الخير .. ان شاء الله ..

[hananah]

وأنا ان شاء الله معاكوا
مع ان بكره طول اليوم عندى سكاشن وكورسات