تعالو نتفق على مصلحة مصر

[DR.BIBO]

خلاص يا جماعة بكرة الاستفتاء ان شاء الله وناس رايها نعم وناس رايها لا
وناس مختلفة كتير رايى انا هقوله بكره فى الصندوق ان شاء الله
لكن المهم اننا مهما اختلفنا احنا كلنا متفقين على مصلحة مصر يعنى اللى بيقول نعم بيقولها عشان مصلحة مصر واللى بيقول لا برده بيقولها عشان مصلحة مصر
كل واحد بنى رايه وقناعته الشخصيه بعد ماسمع وفهم وحاول انه يشوف الانسب من وجهة نظرة لمصلحة مصر على قد مايقدر
وده بيدل اننا كلنا هدفنا واحد وده يجعلنا متفقين مش مختلفين
وياريت منعدش نقسمها ده حزب معارض وده اخوانى وده سلفى وده وطنى وده وده وده
لان كلنا فى الاخر مصرين
انا قصدى ايه من الموضوع ده اننا كلنا ان شاء الله هنروح وندى صوتنا بكرة كل واحد حسب قناعته الشخصيه وكل واحد فينا عارف ان صوته هيفرق
المهم ان احنا لما نخرج من الاستفتاء ونسمع النتيجة سواء كانت بالقبول او بالرفض احنا هنبقى متاكدين ان ديه رغبة الشعب المصرى كله بجميع طوائفه وكلنا هنرضى بالنتيجة حتى لو كانت عكس راينا لانها رغبة كل الشعب
و البلد كلها هتمشى على اساسها لاننا كلنا متفقين من الاول على مصلحة مصر
يارب اخترلنا الخير وارزقنا بيه
يارب احفظ مصر واحميها وحقق قولك فيها( ادخلو مصر ان شاء الله امنين)

[متفائل]

و الأهم اننا حتى لو اختلفنا فى وجهات النظر

منسمحش لفريق أنه يخون فريق آخر أو يشكك فى وطنيته أو يتهمه بالعمالة و خلافه

ينغى أن يكون الاختلاف فى إطار الحب و الاحترام المتبادل للرأى و الرأى الآخر

أسأل الله أن يهدينا لما فيه الخير لمصرنا و لأمتنا العربية و الإسلامية و للعالم أجمع

[dina j]

يارب اخترلنا الخير وارزقنا بيه
يارب احفظ مصر واحميها وحقق قولك فيها( ادخلو مصر ان شاء الله امنين)

اللهم آمين

كلام أكتر من رائع يا دكتورة و هو ده الصح و كل اللى فى ايدنا هو اننا منقصرش فى الحصول على المعلومات عن ليه نعم و ليه لأ
المهم الكل يكون ايجابى و يعرف ان صوته هيفرق
جزاكى الله خيرا--اللهم وفقنا لما تحبه و ترضاه

[DR.BIBO]

و الأهم اننا حتى لو اختلفنا فى وجهات النظر

منسمحش لفريق أنه يخون فريق آخر أو يشكك فى وطنيته أو يتهمه بالعمالة و خلافه

ينغى أن يكون الاختلاف فى إطار الحب و الاحترام المتبادل للرأى و الرأى الآخر

أسأل الله أن يهدينا لما فيه الخير لمصرنا و لأمتنا العربية و الإسلامية و للعالم أجمع

كلام حضرتك صح جدا يادكتور

[DR.BIBO]

اللهم آمين

كلام أكتر من رائع يا دكتورة و هو ده الصح و كل اللى فى ايدنا هو اننا منقصرش فى الحصول على المعلومات عن ليه نعم و ليه لأ
المهم الكل يكون ايجابى و يعرف ان صوته هيفرق
جزاكى الله خيرا--اللهم وفقنا لما تحبه و ترضاه

اللهم اااااااااااااااااااااااااااااامين

[L SMA7Y]

المهم ان احنا لما نخرج من الاستفتاء ونسمع النتيجة سواء كانت بالقبول او بالرفض احنا هنبقى متاكدين ان ديه رغبة الشعب المصرى كله بجميع طوائفه وكلنا هنرضى بالنتيجة حتى لو كانت عكس راينا لانها رغبة كل الشعب
و البلد كلها هتمشى على اساسها لاننا كلنا متفقين من الاول على مصلحة مصر
يارب اخترلنا الخير وارزقنا بيه
يارب احفظ مصر واحميها وحقق قولك فيها( ادخلو مصر ان شاء الله امنين)

كلام تمام ,, المنظر اللي شوفته النهارده ,و والحضور الكبير دا يؤكد ان مهما كانت النتيجه فهي لرغبه اغلبيه الشعب

وانا برحب النتيجه سواء جت زي منا عايز ولا لا

وان شاء الله الخير لمصر

[dr.monalizaa]

وانا برحب النتيجه سواء جت زي منا عايز ولا لا

وان شاء الله الخير لمصر

أكيد
ربنا يقدم اللي فيه الخير ..

[smallrose]

انا متفائلة جدا ان مصر با اذن الله هتكون احسن خصوصا بعد الى شفته انهارده كنت والله حاسة اننا كنا ف عيد يا جماعة

[DR.BIBO]

انا متفائلة جدا ان مصر با اذن الله هتكون احسن خصوصا بعد الى شفته انهارده كنت والله حاسة اننا كنا ف عيد يا جماعة

عندك حق الاستفتاء كان عيد وكان اجمل حاجة الروح اللى فيها الشعب المصرى واهم حاجة ان كلنا نتقبل النتيجة