التنازل من أجل تحقيق مطالب الصيدلانيات

[Ahmed-Helmy]

كلام سمعته كتير :
إحنا بس كنا عايزين نقرص ودنهم
الدكتور حمدى بيظبط الترم التانى
بصراحة الدكتور حمدى ناوى يظبطنا
المشكلة أن الدكتورة محاسن معندهاش كتاب لو نزلت كتاب إحنا معاها
.................. وغيره وغيره
وأخيرا امبارح فى ناس بتقول إحنا نكسب الدكتور حمدى وهو يقف جنبنا ضد دكتورة محاسن

بصراحة لو قبلنا أى حاجة من الكلام ده يبقى إحنا ظلمة أولا لنفسنا
ثانيا للدكاترة اللى إحنا أصرينا على أنهم يمشوا
ثالثا إحنا أصحاب حق فلا يجب علينا التنازل
مش كده ولا أيه !!!!!!!!!!!!!!

[Mai Mostafa]

تقريبا الناس اللي بتقول كدة لسة مش فاهمة اللي احنا فيه واللي احنا وصلنا ليه ،،،
دول ربنا يتولاهم برحمته لأنهم فعلا بيظلموا نفسهم،،، أما أنا وهاتكلم عن نفسي: لو آخر يوم ليا في الكلية دي أنا مش هاتنازل عن طلباتي

[da_mysterous]

ايه العقل ده ....
اقولك على حاجه ...لو دكتور حمدى ودكتوره محاسن دخلو الترم ده كله يبقى من حق الدكتورتين دينا ومنار يدخلو الترم التانى لان الشكوتين والتوقيع كانو مع بعض يعنى مش هناخد حته ونسيب حته ..يعنى مش عشان هما زى مااتقال لسه صغيرين وقسم الصيدلانيات دكاتره كبار....
يبقى عادى نتنازل

وبعدين يعنى ايه قرصه ودن ديه ....

حد غلط وتحامل على دفعه كامله عشان موقف شخصى ...ظلم بيه 1061 عشان طالب واحد
انا اقرص ودنه ....يافرحتى بيكو وبموقفكووو

سوري بقى يبقى انت كده خليك ماشى جنب الحيط وانجح وخلاص ....بلا ثوره بلا بتنجان
انما لما يبقى فى طلبه يدخلو اي سنه تانيه ويلاقو المعامله زى ماهيا يبقى معلش يعنى ....الغلط انت اللى هتشيل مسؤليته انت عاوز تغير عشان مصلحتك بس ....
ولاعشان كل اللى يجى بعدك يلاقى فى تغيير ....
انت تحس انك عملت حاجه صح... ورجعت حقك... ورفعت الظلم عنك.... وكسرت حاجز الصمت

مجرد وجهه نظر

[Mai Mostafa]

سوري بقى يبقى انت كده خليك ماشى جنب الحيط وانجح وخلاص ....بلا ثوره بلا بتنجان

ما هو دا عشان الناس لسة مش فاهمة اللي احنا بقينا فيه

================================================== ======
انت تحس انك عملت حاجه صح... ورجعت حقك... ورفعت الظلم عنك.... وكسرت حاجز الصمت

مش بس كدة، المفروض إن كل الدكاترة يعرفوا إن الإنسان الصح هو بس اللي هايفضل في مكانه، واللي شايف انه مش قد المسؤلية، ومش هايقدر يبقى عادل ومحايد، احنا هانقله شكرا جزيلا، بس ياريت تسيب مكانك للي يقدر ينفع بيه الطلبة ويقدم لهم علم من غير عقد وكلاكيع،،
احنا شربنا بما فيه الكفاية،، خلاص بقى طفح الكيل

[M.el-shal]

مش كده ولا أيه !!!!!!!!!!!!!!

والله يا حلمى انا بدأت أزهق طبعا كده وألف كده انا وقعتلك عايزينى ابصملك عليها كمان

[dodii]

حد لاحظ التغير الفظيييع في المعامله في سكشن الصيدلانيات سبحان الله اول مره اخد 10 في الكتاب
احنا طلعنا جامدين اوي
ان شاء الله هناخد حقوقنا كامله

[Alyaa]

Enta SA7 100%

[Ahmed-Helmy]

الحمد لله أن إحنا متفقين
لازم نبقى أيد واحدة ونبقى على قلب رجل واحد فى أى قرار هنتفق عليه
ومنستعجلش ومنملش
والله لن نتنازل عن حقوقنا

[dr.monalizaa]

هو مين اللي بيقول كدة ؟؟؟ وبعدين اللي قال كدة انا متأكدة مليون الميه ان درجته زي الفل في الصيدلانيات ومش فارق معاه يمشي ولا ما يمشيش

انا نفسي بس الناس تحط نفسها مكان الناس التانية

قولك على حاجه ...لو دكتور حمدى ودكتوره محاسن دخلو الترم ده كله يبقى من حق الدكتورتين دينا ومنار يدخلو الترم التانى لان الشكوتين والتوقيع كانو مع بعض يعنى مش هناخد حته ونسيب حته ..يعنى مش عشان هما زى مااتقال لسه صغيرين وقسم الصيدلانيات دكاتره كبار....
يبقى عادى نتنازل

بالزبط كدة ... يا كله يا بلاش

[m_pharmacist89]

نصيحة من طالب سايب الكلية بعد كام شهر باذن الله

لا تتنازلوا عن حقوقكوا اللى انتوا بتتكلموا عنه ده اساسا اقل الحقوق اللى المفروض تحصلوا عليها كطلبة فى الكلية

وانتوا لسه قدامكوا وقت الترم ده والسنة الجاية كمان حاولوا تخلوا الترم ده مبدأ اساسى للتغيير ومتتنازلوش عن حقكوا فى انكوا تتعلموا كويس او على الاقل تتعاملوا كويس من الدكاترة

وادعو الله ان يوفقكوا فيما فشلنا نحن فيه طلاب البكالوريوس