بداية ونهاية يقلمى

[Ahmed-Helmy]

بداية ونهاية

من هنا كانت البداية
فى 25 يناير خرجنا نقول للظلم كفاية
خرجنا نشترى الحرية
ولو كان تمنها ِدمانا
أصحاب حق متمسكين
مش هنسيبهم يمثلوا علينا الرواية
************
رواية الظُلم فى تلاتين سنة
يا ريس مش كفاية!!!
ولكل رواية نهاية والنهاية
ابطالها الشهدا دمهم فى رقابنا أمانة
دمهم سال عشان إسقاطك
وإن شاء الله بإسقاطك تنتهى الحكاية
************
حكاية ظالم سرق
ونهب وذل شعبه بدون دراية
والتاريخ يا ريس مش هينسى
أنك قتلت شعبك بالرصاص والخيانة
سالت دمانا على أرضنا
روت شجر الحرية والعدالة والشهامة
*************
وبالتحرير كان لِقانا وقالوا علينا خونة
وعُملة وكنتاكى كان غَدانا
بـالـيـورو بـنـقبض أصلنا خونة!!
بــنـضـحى بـأرواحـنـا عـشان هــوانا
ملياراتنا كرامة وعزة
مش دولارات بنمصها من دم الغلابة
*************
وأخيرًا فى 11 فبراير
وضـعنا أول حجـر فـى ركـن الـنهـاية
وأول خطوة على طريق العزة
ولـــسه كـتـير واللى حقـقـناه مش كفاية
هنبنيكى يا مصر من جديد
ونــحافــظ عليكى ونحطك جوه عينينا
*****************
تـسـتحقى نضحى عـشـانك بـكل شئ
دا أنـتِ من ربنـا أغـلى العطايـا
أرواح الـشـهدا فـــى سَـماكِ بِـترفرف
لِعزك ودى كانت أول الهـدايا
لـــكِ مــن شـعـبـك يِـعـمر فيكِ ويعزكِ
ويحُطك فوق روسه تاج الهداية

[M.Hegazy]

القصيدة جميلة .. بتحكي قصة .. الكل عاش أحداثها و تابعها ..

هيا فيها أماكن قوية و أماكن تانية ضعيفة شوية يمكن بسبب إن الكتابة باللغة العامية .. اللي غالبا بتضعف المعنى حبة صغنتتين ..

بس صراحة فيه تشبيهات و أبيات قمة الروعة و أداء متميز في صياغتها و هي :

ملياراتنا كرامة وعزة
مش دولارات بنمصها من دم الغلابة
*************
تـسـتحقى نضحى عـشـانك بـكل شئ
دا أنـتِ من ربنـا أغـلى العطايـا
أرواح الـشـهدا فـــى سَـماكِ بِـترفرف
لِعزك ودى كانت أول الهـدايا
لـــكِ مــن شـعـبـك يِـعـمر فيكِ ويعزكِ
ويحُطك فوق روسه تاج الهداية

سلمت يمينك يا دكتور و دمت مبدعا ..

تقبل مروري و كلماتي .. و لك مني أرق تحياتي ..

[jojo_m]

بجد تسلم إيديك يا دكتور
قصيده جميله جدا ومعبره عن كل اللى حصل واللى بيحصل حوالينا
منتظرين المزيد

[Al-Shaimaa]

سرد مميز لاحداث الثورة في ابياتك يا دكتور
بما فيه ردك على الاشاعات اللي اتقالت على شباب التحرير
ما شاء الله جميلة بجد

واتمنى ان نهاية اللي مصر فيه دلوقتي تكون سعيدة
لان الاوضاع الحالية غير مبشرة بالمرة

بالتوفيق ان شاء الله

[Ahmed-Helmy]

القصيدة جميلة .. بتحكي قصة .. الكل عاش أحداثها و تابعها ..

هيا فيها أماكن قوية و أماكن تانية ضعيفة شوية يمكن بسبب إن الكتابة باللغة العامية .. اللي غالبا بتضعف المعنى حبة صغنتتين ..

أنا وللأسف مش بحب العامية بس يمكن حسيت فى موضوع زى ده العامية ممكن تعبر أكتر
بس شكرا لحضرتك ولتقد حضرتك وإن شاء الله تشوف حاجة النهاردة بالفصحى
-----

بجد تسلم إيديك يا دكتور

قصيده جميله جدا ومعبره عن كل اللى حصل واللى بيحصل حوالينا
منتظرين المزيد

شكرا لحضرتك ربنا يكرمك
-----

سرد مميز لاحداث الثورة في ابياتك يا دكتور
بما فيه ردك على الاشاعات اللي اتقالت على شباب التحرير
ما شاء الله جميلة بجد

واتمنى ان نهاية اللي مصر فيه دلوقتي تكون سعيدة
لان الاوضاع الحالية غير مبشرة بالمرة

بالتوفيق ان شاء الله

شكرا لحضرتك ربنا يكرمك
وإن شاء الله مصر هتبقى فى أفضل الاحوال

[M.Hegazy]

في انتظار حضرتك يا دكتور .. و تسلم إيدك على القصيدة الجميلة دي ..

[lavandula]

مش هعرف اقول اكتر من الى قالوا الدكاتره.بس بجد جميله اوى