للإشتراك فى اللجنة الإلكترونية

[عامر إبراهيم]

السلام عليكم ورحمة الله وبركاته

إزيكم يا جماعة

يارب تكونوا بكل خير جميعآ يارب

زي ماد. ماجدة اعلنت عن فتح باب الإشتراك فى اللجنة الإلكترونية للإشراف على موقع الكلية و تطويره وتحديث أقسامه ومعلوماته

دلوقتى كل اللى عايز يشترك فى اللجنة الإلكترونية يقدر يملأ بياناته من خلال الرابط التالى:

https://spreadsheets.google.com/view...c2NwYkE2Wnc6MQ

وإدارة الكلية بترحب بكل الطلاب و إن شاء الله الإدارة تختار المناسب حسب رؤيتها لهذه المسؤولية

وكمان هيكون من دور اللجنة الإلكترونية دعم المنتدى و تطويره بعد نقله لسيرفر الجامعة إن شاء الله, وحاليآ المفروض فى مفاوضات لنقل المنتدى لسيرفر الجامعة أو إيجاد البديل إن شاء الله

ياريت ننشر اللينك لكل أصحابنا اللى نعرف إنهم أهل لهذه المسؤولية " الفنية " وليست الإشرافية, وياريت كلنا نشارك فى الموضوع ده ونقول إحنا عايزين إيه من موقع الكلية
وإيه الخدمات اللى ممكن الموضع يقدمهلنا سواء جداول أو تواصل مع أعضاء هيئة التدريس أو المحاضرات أو الإمتحانات السابقة أو أي حاجة إحنا عايزينها, ياريت كلنا نقول الأفكار اللى عايزنها كلها وحتى لو من درب الخيال, ولو فى حد شايف مواقع كليات أو جامعات عاجباه ياريت يوريهولنا وينقلنا أفكاره علشان نستفيد من أفكاركم كلكم

ملحوظة : فى بعض البرامج و التطبيقات الكثير اللى هيتسأل عنها فى النموذج, مش مهم تكون عارفها كلها, هي فقط للتيسير بعد كده فى توزيع المهام

والسلام عليكم ورحمة الله وبركاته

[Nada Radwan]

هو مش راضي يعمل submitمنغير مااكتب تطبيقات المحتوى اللى باجيد التعامل معاها
ضميري واجعنى لانى معرفش ولا واحد فيهم

[عامر إبراهيم]

تمام يا ندى

تم التعديل والإجابات على الأسئلة إختيارية مش إجبارية

مستنيين مشاركتك

[عبدالله عبدالرحمن]

هل دور اللجنة دى مقتصر على تصميم
ودعم فنى لموقع الكلية او اى تكنولوجى الكلية بتستخدمها

ولاممكن يكون فى أشخاص زى المحللين ومطورى الأفكار
لأن زى ماحضرتك أكيد عارف ان المنتج أو الخدمة الألكترونية
بتمر من الهدف أو المستدف للمترجم والمحلل وفى النهاية للمبرمج
فهل دور اللجنة دى وضع الأفكار فى صيغة الكترونية وبالتالى اللى داخل فيها لازم
يكون له فى البرمجة -فنية بحتة -ولا هتبقى فريق برمجة متكامل

[عامر إبراهيم]

حسب كلامنا مع د. ماجدة

فإن الموقع ليس ملك لمجموعة بعينها

وإنه ملك للكلية وكل طلاب الكلية

والقائم على تطويره ولو بالآراء جميع الطلاب وليس مجموعة بعينها ولو حتى الوحدة الإلكترونية

أولوية الوحدة الإلكترونية هي الفنيات, لأن هناك خطط لأن يشارك كل الطلاب فى مناقشات مفتوحة حول آداء الموقع و الوحدة الإلكترونية و تقييم الأداء بصورة مستمرة من خلال أفكار عملية سوف يتم تطبيقها.

لكن د. ماجدة ترحب بإشتراك أي من طلاب الكلية حتى ولو لا يمتلك الفنيات اللازمة, لأن الفكرة لا تقدر بثمن.

وعلى قدر المستطاع, نحاول أن يكون فريق متكامل من كافة النواحى إن شاء الله