طلب من طلبــة الفــرقه الثــالثه

[Amira]

بســم الله الرحمـن الرحيم
والصلاة والسلام على المبعوث رحمة للعــالمين

دلوقت والحمدلله بدأنا نطلب المطالب اللى كنا عاوزينها من زمان الحمدلله وان شاء الله الادراه تتخذ اللازم فى المطالب دى

بس انا عندى كلمتين معلش لو تتقبلوهم منى

احنا طلبنا مطالب ونسينا ان فى واجبات علينا لازم نعملها
اول واجب نسيناه هو احترام الشخص اللى واقف بيشرح فى المدرج "الدكتــور / ة "

ميصحش ابدا ياجماعه والله ان دكتور او دكتوره واقف يشرح وتلت تربع الطلبه مش معاه وياريتهم قاعدين ساكتين !

بالعكس قاعدين يتكلموا ويهزروا من غير مراعاه الدكتور اللى بيشرح

الدكتور عليه واجب وهو انه يشرحلنا وكلهم بيجوا ويشرحوا ومبيقصروش معانا فى الشرح

ليه احنا بقى نعمل معاهم كده!

النهارده د.فريد مسكتناش غير لما زعق وبعدها رجعت الناس تتكلم تانى !

د.حمدى بغض النظر عن رأينا فى القسم بس الدكتور دخل وشرح

ومعظم الناس كانوا عاملين دوشه ورا وناس داخله وناس خارجه

ليه يعنى ؟!

مش عايزين تحضروا متدخلوش المدرج
عاوزين تحضروا يبقى نراعى اللى تاعب نفسه وبيشرح لنا

ليه لو واحد او واحده داخلين المدرج مبيقفلش الباب وراه مثلا !

ليه شويه يجوا ويقفوا عند الباب ويتكلموا !

منتهى الاهانه ان حد يجى ويتعب نفسه ويدخل يشرحلنا واحنا نعمل كده

كمان الـ 10 دقائق الراحه فى رأيى مينفعش والدكتور/ة بيشرح نوقفه ونقوله ال 10 دقائق !

كان يبقى احسن لو بعد ما الدكتور خلص حد يروح يكلمه ويعرفه ان فى 10 دقائق راحه عاوزينه يلتزم بيهم

كل مكان وله احترامه
المسجد له احترامه
والمدرج له احترامه
والمعمل له احترامه

قبل مانقعد نطلب مطالبنا لاااااازم نعمل اللى علينا

يمكن كلامى ناس كتير تعترض عليه بس بجد والله منظر وحش جدا النهارده ان الدكتور يشرح والناس ورا بتتكلم !

كلامى ده مقولتوش غير عشان الصالح العام والله العظيم وعملاً بالحديث الشريف
عن أبي سعيد الخدري رضي الله عنه قال : سمعت رسول الله يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

وفقنا الله جميـــعاً لما يحـبه ويــرضاه

[Scofield]

Fe3lan 7sal el kalam dah

La tab3an ya Gama3a 3eeb awy awy el kalam dah e7na el mafrood kberna b2a

3ayez te7dar ok , msh 3ayez matd7'olsh el modarag w t3ml hesa

3la fekra ento bt2olo 3ayzeen neb2a zay el nas el mota7adera elly bara

homa msh by3mlo keda ya gama3a abadaaaaaaaaaaan

[mnmn26]

ماهى دى مشكلة دفعتنا يا اميره كل سنه بتتكرر نفس الحاجه نفس الناس ****** اللى بيحضروا و يعملوا مشاكل مع الدكاتره و يجى على دماغنا كلنا فى الاخر اكيد مش بقصد كل اللى بيحضروا بس بقول ياريت الناس اللى بتبقى داخله المدرج عشان تلعب وتتكلم يا يكبروا شويه يا ميحضروش مش معقول ضميرهم بيانبهم لو محضروش المحاضره و مش بيانبهم انهم كل سنه بيجلبولنا من الدكاتره

[NeScaFE]

هو ده فى دفعتنا بس ؟؟ طب ما ده اللى بيحصل فى اى مكان

بس فعلا ياريت الناس تلتزم شوية

اللى مش عاوز يحضر ميحضرش بس ميجيش يتكلم فى المحاضرة

و يزعل الدكاترة مننا ..

انا بالاصالة عن نفسى مبحضرش عشان معملش دوشة فى المدرج

لالا انا هادية ياجماعة

شكراا يا اميرة ع طرح الموضوع

[أمــ هـنـد ــة الله]

طبعـا غلط وكـل حـاجة

بـس انتـى عـارفة الأصحـاب بقى واول يـوم بعد شهـر اجـازة مـاشافوش بعض

وكمـان احنـا بنـات يعنـى ما نتوصـاااااااااااااااش

بس كـل دا هيتظبـط لـوحـده إن شـاء الله

[A.Elrayes]

بصراحة عندك حق يا دكتورة أميرة انا عن نفسي بتضايق جدا ما بالكم بالدكتور اللي واقف بيشرح
المشكلة ان مش بس اللي ورا اللي بيعملوا صوت لا حتي بعض اللي قاعدين قدام ولو مثلا قاعد جمب مجموعة من زميلنا( البنات خاصة ) وكانوا بيتكلموا وقلتلها لو سمحتي الصوت عشان اركز..... تبصلي باحتقار كأني شتمتها فبجد يا ريت الوضع ده يتغير لان فعلا كده مينفعش

[mnmn26]

اميره امسحى كلمة الناس ****** عشان الناس زعلت وانا مبحبش ازعل حد

[white light]

معاكى حق فى كل كلمه قولتيها

الاحترام واجب

بس الكلام الكتير فى المدرج بسبب ان الناس خارجه من اجازه وعايزين يعرفوا اخبار بعض

ان شاء الله الامور هتتظبط بعد كده والهدوء هيعم المدرج

بس انا اختلف معاكى فى نقطه 10 دقائق

دول من حقنا مفيهاش حاجه ان واحد يطلبها من الدكتور بكل أدب وأحترام

الحق ميزعلش

[mnmn26]

merci ya dr sherif

[Mahmoud_Seif]

يمكن كلامى ناس كتير تعترض عليه بس بجد والله منظر وحش جدا النهارده ان الدكتور يشرح والناس ورا بتتكلم !

ابدا ابدا ابدا ابدا .....

لكي سلاماتي اميره وربنا يكرمك يارب ويهدي الناس جميعا