اكسير الحياه

[صاحبة القلم الحائر]

عالية الرأس يا درة الشرق ويا قلب الأوطان

بايع قلبى هواكى وبايعت أرضك لى عنوان

يا أرض الكنانة يا من ذكر جنودك فى القرآن

روضة انتى يا بلادى وقد حفت الرياض بالمكاره والطغيان

عنوة تولى حكمك الظالمون وسلبونا الحرية والامان

باعوا لأنفسهم أرضك وهواكى وملكونا بأبخس الأثمان

دواء انتى لكل داء وانتى الطبيب وانتى للحياة شريان

الفجر الباسم انتى تملكينه وتملكين بزوغه بطرف البنان

لا تسألينى من أنا فأنا من عرف على أرضك انه انسان

حبك أيقظ بداخلنا الشجاعة وجعلنا نتمرد على الذل والهوان

من ذا الذى يمنع أبناء النيل من السريان؟!!

يبهرنا أن نرى أبناء النيل فرع واحد والعهد لنيلنا فرعان

دجى الليل أضحى ضياء فلم نعهد هذا حتى فى ذاكرة النسيان

ميادين الدنا كلها ميادين ولكن التحرير أضحى للشهداء عنوان

حرروا الأعلام كى تعلو شامخة وامحوا من القاموس كلمة أحزان

مجدوا الله وعلموا الدنا معنى الحضارة وعلموهم قداسة الأديان

ودّعوا شمس المغيب واستقبلوا فجر الصباح وتباهوا بأجمل بستان

درة الشرق قد أعدنا الحرية بعدما كانت حلم فى خيالنا بالألوان

[الملاك الضاحك]

ربنا يبارك فيكى يادكتوره
كلمات جميله واحساس رائع
ودقه متناهيه فى اختيار الالفاظ

كمان انا معجبه جدا باسم القصيده
"اكسير الحياه"
شكرا لكى جدا يا دكتوره وبالتوفيق

[صاحبة القلم الحائر]

[quote=الملاك الضاحك;388518] ربنا يبارك فيكى يادكتوره
كلمات جميله واحساس رائع
ودقه متناهيه فى اختيار الالفاظ

كمان انا معجبه جدا باسم القصيده
"اكسير الحياه"
شكرا لكى جدا يا دكتوره وبالتوفيق

[/quote

شكرااااااااااااااااااااا يا دكتورة
نورتى التوبيك

[M.Hegazy]

مش قلت يا دكتورة .. صاحبة القلم الحائر فعلا .. حيرتينا بجمال كلماتك و بإشراقتها .. ما شاء الله .. حضرتك موهبة فريدة .. سلمت يمينك و دمتي مبدعة ..

لا تسألينى من أنا فأنا من عرف على أرضك انه انسان

أظن يعني مفيش كلمة ممكن تتقال بعد كده

[صاحبة القلم الحائر]

مش قلت يا دكتورة .. صاحبة القلم الحائر فعلا .. حيرتينا بجمال كلماتك و بإشراقتها .. ما شاء الله .. حضرتك موهبة فريدة .. سلمت يمينك و دمتي مبدعة ..



أظن يعني مفيش كلمة ممكن تتقال بعد كده

ميرسى يا دكتور على الكلام الجميل ده
بس بصراحة انا عايزة حضرتك تنقدها لو فيها اى حاجة
نورت التوبيك

[Abeer Ahmed]

روعة جدا يا حبيبتى....................ولاحظت فيها حاجة هبعتها لك فى رساله

[صاحبة القلم الحائر]

روعة جدا يا حبيبتى....................ولاحظت فيها حاجة هبعتها لك فى رساله

شكرااااااااا يا قلبى انا عارفة اللى انتى هتقوليه
بس دا عشان تكون اثبات ان انا اللى كتبتها
نورتى يا قلبى

[dr emy.hassan]

جميلة جدا كلمات معبرة واحساس عالى
ما شاء الله

[صاحبة القلم الحائر]

جميلة جدا كلمات معبرة واحساس عالى
ما شاء الله

ميرسى يا دوك

[M.Hegazy]

بسم الله الرحمن الرحيم ...

السلام عليكم و رحمة الله و بركاته ..

بعد طلب الدكتورة الفاضلة : صاحبة القلم الحائر ..

ميرسى يا دكتور على الكلام الجميل ده
بس بصراحة انا عايزة حضرتك تنقدها لو فيها اى حاجة
نورت التوبيك

يسعدني أن نتحدث سوية عن هذه القصيدة الرائعة .. و أن نتذوقها و نستيغ حلاوتها ..

تحدثنا سابقا عن أهمية عنوان القصيدة ..

بسم الله الرحمن الرحيم

بداية و قبل ما نتكلم في أي حاجة .. تعالو ندردش و نتعلم من بعض شوية حاجات كده ..

" عنوان القصيدة " .. عنوان أي قصيدة مهم جدا .. عامل زي عنوان البيت .. بس الفرق إن عنوان البيت بيدلك على البيت بس .. بس عنوان القصيدة بيدلك على مضمونها و موضوعها ..
هنلاقي أنواع كتيرة جدا للعنوانين .. ممكن نلاقي عنوان صغير قوي و عنوان كبير قوي .. حجم العنوان مش مهم على قد ما كلماته مهمة .. أمال إيه المهم ؟؟
المهم إن العنوان يكون حاجة من دول :
1. عنوان يهيأ القاريء لمضمون القصيدة بطريقة مباشرة ..
2. عنوان يجذب انتباه القاريء و غالبا ما يحتوي على أسلوب نداء أو استفهام
( لأنها من وظائفها جذب انتباه القاريء )
3. عنوان مفاجيء .. يعني يبقى العنوان حاجة عكس كلام القصيدة بالظبط ..
و يفهم منه على أنه أسلوب سخرية أو استهزاء ..
يعني يبقى الواحد بيقول عنوان " شكرا سيدتي " .. و تلاقي المضمون مش شكرا خالص ..

العنوان المبتذل الغير مهندم و المرتب و القوي .. يضعف من القصيدة .. و هذا ما لا يعرفه الأغلبية ..
فالعنوان إذا .. ذو أهمية لا تقل عن كلمات القصيدة .. فيجب علينا انتقاء الأقوى و الأرقى و الأحسن ..

" تنويع القافية " .. لجأ الشعراء المستحدثين من مدرسة الشعر الحديث و غيرهم من شعراء العصر الحالي إلى استخدام طريقة القافية المتنوعة .. لرفع الملل عن القاريء و إضفاء نغمة موسيقية متنوعة تطرب لها الآذان و يسعد بها القلب و الوجدان ..

بس نرجع نقول .. خدو بالكم .. المغالاة و التكلف في التنويع غير مرغوب فيه .. لأن الشيء لما بيزيد عن حده بيحصل إيه ؟؟ إنتو عارفين .. فعشان كده القافية المتنوعة أسلوب رائع جدا يمكن أن يستغله الشاعر في مصلحة القصيدة و الموضوع و القضية و الرسالة التي يحاول من خلالها أن يصل إلى قلوب الناس قبل أسماعهم ..

دول كانو حاجتين مهمين جدا حبيت ألفت نظركم ليهم .. و يا رب تكونو استفدتو من الكلام ده ..

طبعا .. الدكتورة صاحبة القلم الحائر .. أجادت اختيار العنوان .. حتى جعلت القاريء بعد الانتهاء من قراءة القصيدة يعود للعنوان مرة اخرى .. فيفهم إلام كانت تلمح الشاعرة و تقصد ب " أكسير الحياة " .. فنجدها رسمت اللوحة و اختصرتها في هاتين الكلمتين ..

نتكلم بقى عن القصيدة و كلماتها و أوزانها و تصويراتها ..

اختارت شاعرتنا " الشعر العمودي " .. لا يوجد فيها صدر و لا عجز .. بمعنى إنه بيت واحد على بعضه مش مقسوم نصين .. و اختارت أيضا حرف النون كقافية للقصيدة بأكملها ..

ننتقل للحديث عن الأبيات تفصيلا ..

عالية الرأس يا درة الشرق ويا قلب الأوطان

بايع قلبى هواكى وبايعت أرضك لى عنوان

يا أرض الكنانة يا من ذكر جنودك فى القرآن

أشارت الشاعرة بكلماتها المنتقاة بدقة عالية إلى العزة " عالية الرأس " .. و الجمال " درة الشرق " .. و الدفيء " قلب الأوطان " ..
تشبيه بسيط و جميل و معبر و أبيات متناسقة و مرتبة ..
روضة انتى يا بلادى وقد حفت الرياض بالمكاره والطغيان
هنا البيت طول شوية .. يا ريت لو نعدله ..
و استخدامك للتشبيه هنا متقن جدا .. حيث شبهت الوطن بالروضة التي لم تصبح هكذا إلا بعد تعب و مشقة .. فلا شيء جميل يأتي هكذا إلا بعد التعرض للمصائب و النوائب ..

عنوة تولى حكمك الظالمون وسلبونا الحرية والامان

باعوا لأنفسهم أرضك وهواكى وملكونا بأبخس الأثمان

دواء انتى لكل داء وانتى الطبيب وانتى للحياة شريان

الفجر الباسم انتى تملكينه وتملكين بزوغه بطرف البنان

لا تسألينى من أنا فأنا من عرف على أرضك انه انسان
البيت ده .. قرأت يجي 30 مرة و مزهقتش منه .. بيت رائع جدا .. ..

حبك أيقظ بداخلنا الشجاعة وجعلنا نتمرد على الذل والهوان

من ذا الذى يمنع أبناء النيل من السريان؟!!

يبهرنا أن نرى أبناء النيل فرع واحد والعهد لنيلنا فرعان

دجى الليل أضحى ضياء فلم نعهد هذا حتى فى ذاكرة النسيان

ميادين الدنا كلها ميادين ولكن التحرير أضحى للشهداء عنوان

حرروا الأعلام كى تعلو شامخة وامحوا من القاموس كلمة أحزان

مجدوا الله وعلموا الدنا معنى الحضارة وعلموهم قداسة الأديان

ودّعوا شمس المغيب واستقبلوا فجر الصباح وتباهوا بأجمل بستان

درة الشرق قد أعدنا الحرية بعدما كانت حلم فى خيالنا بالألوان

تتابع مدح الشاعرة للوطن و وصفه بأنه الفجر و النور .. دلالة على تفاؤل الشعر بالقادم و بما حدث .. فالثورة فجرت في نفسها بركان الأمل .. و كسرت القيود .. و كشفت عن جراح الماضي الأليم ..

ملاحظة بسيطة فقط على الأبيات : تباين طول الأبيات على مدار القصيدة .. و لما تحافظي على طول موحد .. يمكن أن يسبب هذا الطول إلى ملل القاريء و اختلال الوزن .. خلي بالك يا دكتورة من الموضوع ده ..

النقطة التانية : يا ريت لو حضرتك تضيفي التشكيل و علامات الترقيم لإظهار التعبيرات و تسهيل القراءة على القاريء ..

عملك رائع و مبدع و قيم .. أضاف عدة قيم .. الأمل ، التفاؤل ، الإخلاص ، الوفاء للشهداء ، الحرية ، الثقة و القوة ....

في انتظار عملك القادم يا دكتورة ..

تقييم العمل : 3 / 5 ..

أرجو إني أكون قدمت الإفادة .. و اعتذر إن بدر مني خطأ أو تقصير ..

وفقك الله و دمتي بخير ..