يا ريت حد يرد عليا (بخصوص حقوق الانسان)

[المميز]

يا ريت يا جماعة حد من اللى راحوا الاجتماع إمبارح يقولى عملوا إيه فى موضوع حقوق الإنسان بعد ما جمعوا الأسامى والأرقام

[dr.lobna]

بصراحة الاخبار مش حلوة
انا رحت مخصوص عشان موضوع حقوق الانسان
وبالظبط اخد 30 ثانية من اللقاء كله
ملخصه انو الموضوع دا اتقفل خلااااااااااااص
ولازم نتعايش ونرضي بالامر الواقع
لان الكلية عملت اللي عليها ومفيش نتيجة لصالحنا....

[Doc.Roka]

الكليه عملت اللى عليها!!!!!

وايه بقى اللى عملته الكليه؟؟؟

شيلتنا الماده ظلم

[dr.lobna]

عملت اللي عليها بانها بعتت لكلية الحقوق لاعادة النظر ف الورق والكليه بعتت كل الورق اللي عمل تظلم ولا واحد حصل علي درجة زيادة
وبكده تكون الكلية عملت اللي عليها

[c est la vie]

عملت اللي عليها بانها بعتت لكلية الحقوق لاعادة النظر ف الورق والكليه بعتت كل الورق اللي عمل تظلم ولا واحد حصل علي درجة زيادة
وبكده تكون الكلية عملت اللي عليها

بس اعتقد ان حتى لو الكلية كانت شايفة انها عملت اللى عليها فمفيش اى داعى لل05 جنيه اللى دفعناها ظلم لانى اساسا مش مسامحاهم فيها لانى والله لما عرفت بموضوع الفلوس دى بكيت لان حسيت بجد بالظلم اللى ماحسيتوش يوم ماعرفت انى شلت المادة ....ربنا يسامحهم بقى

[الفراشة الرقيقة]

أنا بقى كنت رحت كلية حقوق و فيه واحدة تقربيا من سكرتارية العميد و سألتنا إنتوا جايين ليه ؟ فشرحنا لها و قالت أنا عرفت إن النموذج ده كله شال المادة و ده بسبب إن نموذج الإجابة اللى دخل أثناء التصحيح كان غلط
بس للأسف يومها منعونا ندخل للعميد أو للوكيل
و بعدين بالمنطق كدة إزاى النموذج الأصفر كله شايل المادة ؟؟ و إزاى كلنا نجيب نفس الدرجة ؟

[Dr Dero]

يعنى ايه العمل مع الناس دول ؟
احنا لازم نتفق نتجمع يوم الاحد مع بعض ولازم نعمل حاجة

[المميز]

أمال ليه رجعولنا الأمل تانى وقالوا إن د/ماجدة قالت نجمع الأسامى والأرقام

[الفراشة الرقيقة]

يا جماعة الموضوع كدة تبع كلية حقوق يعنى كليتنا مفيش فى إيدها حاجة
و شكلنا كدة هنفضل شايلينها

[Dr Dero]

اللى حصلنا فى حقوق الانسان ده كان فساد ولازم ناخد حقنا
احنا ممكن نعمل شكوى لوزارة التعليم العالى ولا ايه؟