كدا هنضيع مطالبنا الخاصه ونحكي في المحكي

[L SMA7Y]

السلام عليكم ورحمه الله وبركاته

-*************************************-

ازيكم يا شباب ثالثه

مبروووووووووووووووووك النجاح للجميع اولا

وان شاء الله اللي رجله جت في حفره الصيدلانيات ,, الترم التاني يعدي منها علي خير

-********************-

الوقتي يا شباب في حاجه

المطالب الي الكل بيتفق عليها هنا بخصوص الفرقه التالته مفيش نقاش ان كلنااااا عايزنها وبنطالب بيها

بس ليه مننضمش لمطالب الكليه عموما

وخصوصا الزياده في مطالبنا ,, مطالبين او تلاته بخصوص مواد دراسيه بعينها

وهي ةالصيديلانيات والبيو والفراما

اما باقي المطالب زي كل مطالب طلاب الكليه

-**********-

ليه لازم كل مجموعه تنشق لواحدها وتروح تقول مطالب مكرره

ليه منروحش كلنا طلاب الفرق كلها مع بعض ونتفق علي مطالبنا ونقولها

-****************-

بكره في اللقاء مع العميده نسمع الاول المطالب بتاعت كل الفرق

ولو لقينا مطالبنا متقالتش ,, نقول مطالبنا الخاصه بينا

ومنقفش نكرر مطالب حد قالها قبل كدا

-***********-

بمعني اصح زي ماحنا عايزين نشيل الحشو والتكرار من المناهج ,, عايزين نشيل التكرار في المطالب ونركز علي مطالب معينه خاصه بفرقتنا

مش نقف نقول الكلام اللي الكل بيقوله ونقول دي مطالب الفرقه التالته

هيتقالنا وبكل بساطه غيركم قالوها وهيتوه بينهم المطالب الخاصه بفرقتنا

اللي احنا اصلا متضررين منها وعايزنها علي وجه الخصوص



-*****************-


يعني انا شايف تلخيص مطالب الدفعه في الحجات اللي احنا مضررين منها علي الخصوص

مع التنويه بس ان بقيت مطالب الكليه احنا عايزنها

-*************-
دا رأيي اللي كلمت فيه بعض الناس وموافقين عليه

مش الضروري الكل يوافق

ربنا معانا كلنا ويوفقنا جميعا في دراستنا




-*********************-

[da_mysterous]

انا معاك ف كل اللى انت قلته ومافيش كلمه قلتها غلط ....
بس انا مشوفتش مطالب للفرق اللى بتطالب بحاجه انا لقيت ائتلاف شباب لقيته فجاه طلع بيان وناس ظلعت بيان .....
طيب على عينى وعلى راسي انا عملت استفتاء ع الموقع الرسمى بتاع الكليه لو كنت لقيت موضوع متكامل موجود بالمطالب مكنتش نزلت وكنت شاركت ف المطالب وانا بيتهيالى مطرحتش المطالب منى لنفسي انا عملته على اكتر من جزء واكتر من مرحله
المرحله الاولى الفكره
المرحله التانيه افكار الطلبه
المرحله التالثه بلوره الفكره وتقديمها بشكل رسمى

وده كان للدفعه الخاصه بالفرقه الثالثه
تقبل مروري واسف على الاطاله

[L SMA7Y]

يا دكتور احنا قعدنا في لقاءااااات في النقابه واتكلمنا في كل النقاط دي

ومصطفي ( كاوبونجا ) نزل المطالب دي علي المنتدي ,, لانه هو الي كان بيسجل اللقاءات

غير ان في الائتلاف اللي طلع وبرضه بيجتمعوا كل يوم تقريبا

واغلبنا لينا نفس المطالب علي اختلاف حجات بسيطه وهي الامور اللي بتتعلق بمصير الاداره

واغلبها نفس المطالب برضه اللي حضرتك كاتبها هنا

الزياده في المطالب عند حضرتك بس مطالب فرقتنتا

فلو بكره في لقاء عميده الكليه وقف \نا كلنا نتلكم في المطالب وحضرتك قولت نفس المطالب تاني وكررتها

وان المطالب دي باسم الفرقه التالته بس

مطالبنا الرئيسيه محدش هيبصلها

ويبقي مستفدناش حاجه

فانا بقترح اننا نكون موجودين ونشوف الماطلب العموميه بتاعت الطليه كلها ولو في حاجه في المطالب العموميه متقالتش نقولها

ونضيف بعدها المطالب الخاصه

مش نقعد نكرر في نفس الكلام

شكراااا

[da_mysterous]

انا عاوز اتكلم معاك لو تعرف تبعتلى ميلك عشان جيت اجرب ابعتلك ميلى لقيتك متستقبلش مواضيع من طلبه ...

[L SMA7Y]

تم يا دكتور

-----
وبالمناسبه

دي المطالب اللي وصلت للعميده وللاداره باسم طلاب الكليه كلهم

ودي من اجتماعت النقابه اللي في الاول


ودي اللي سجلها مصطفي

السلام عليكم ورحمة الله وبركاته

الأخوة الكرام

كي لا أطيل عليكم

فيما يلى قائمة بخلاصة أفكاركم أنتم

أنتم من صنعتموها

وأنتم من حررتموها

قد تكون هناك بعض الكلمات التى إختلفنا عنها

ولكن إرادتنا فى أن نجتمع هي كانت سبيلنا للخروج بتلك القائمة حتى و إن إختلفنا فى بعض النقاط الصغيرة, ولكنكم كنتم أكبر بعقولكم و حواركم الفعال و المثمر

إن شاء الله سوف يتم تقديم هذه المطالب فى حال وافقتم عليها يوم السبت لد. ماجدة نصر عميد الكلية إن شاء الله

والآن أترككم مع قائمة المطالب:

للإطلاع على ملف المطالب فى صيغة بى دى إف
PDF
http://www.scribd.com/doc/49894100


من أجل مستقبل أفضل لكلية الصيدلة
من أجل مستوى أرقى لمهنة الصيدلة
نتعاون ونقدم مقترحاتنا ومطالبنا
لإدارة كلية صيدلة المنصورة
__________________
==================
------------------

قائمة المطالب الأساسية

1- تشكيل لجان لتقييم و تحديث المناهج الدراسية

2- فصل كتاب النظرى عن العملى و تحديد سعر الكتب
وبيعها داخل الكلية, و وجود بدائل معتمدة من
أعضاء هيئة التدريس لأوراق الدروس

3- تحسين العلاقات بين أعضاء هيئة التدريس و الطلاب
وتأصيل روابط الود القائمة على الإحترام المتبادل

4- التحقيق فى شكاوى الطلاب وتقييم العملية الدراسية بشكل دورى, والسماح للطلاب بتقييم العملية الدراسية بصفة دورية

5- مراعاة ظروف الطلاب المغتربين فى الجداول الدراسية و الإمتحانات

6- إستفتاء رأي الطلاب عن الجداول

7- الإلتزام بمعايير الجودة داخل المدرجات و المعامل لتحقيق عوامل الأمان و الراحة للطلاب و أعضاء هيئة التدريس و العمال

8- دعم الأنشطة العلمية و الأبحاث العلمية

9- الإهتمام بالخدمات العامة

10- تفعيل دور إتحاد الطلاب و تحديث لائحة الإتحاد

11- رفع القيود عن الأنشطة الطلابية و توفير الدعم المناسب للإرتقاء بمستوى النشاط الطلابى

12- تفعيل دور اللجنة الإلكترونية و الإهتمام بموقع ومنتدى الكلية وتطوير خدماته بما يحقق أقصى إستفادة وتواصل فعال بين إدارة الكلية و أعضاء هيئة التدريس و الطلاب
__________________
==================
------------------

توضيح قائمة المطالب
---------


1- العملية التعليمية

1-1- المناهج
• اقتراح لجنة لتقييم وتحديث المناهج الدراسية.
• التنسيق بين الاقسام لتوزيع المناهج وتجنب التكرار .
• عدد اعضاء هيئة التدريس القائمين على تدريس كل مادة 4 كحد أقصى .
• الغاء الفرقة الاعدادية وتطبيق نظام الساعات المعتمدة , و تطبيق نظام الدراسة الصيفية.
• استبدال مقررات كلية العلوم بمقررات صيدلة إكلينيكية .
• إطلاع أعضاء هيئة التدريس على أساليب التدريس الحديثة و أساليب وضع الإمتحانات.

1-2- الكتاب
• تحديث الكتب الدراسية بما يتناسب مع المنهج الدراسى وكمصدر للمذاكرة.
• فصل شراء كتاب العملى عن النظرى.
• تحديد سعر الكتاب بما يتناسب مع قدرات الطلبة.
• شراء الكتاب من داخل الكلية.
• لجنة لتقييم الكتاب من حيث الشكل والمحتوى و اسلوب العرض.
• تقوم الكلية بمراقبة المواد من الكليات الاخرى من حيث:
المحتوى, وآداء أعضاء هيئة التدريس.
هاند اوت لكل محاضرة من جميع اعضاء هيئة التدريس شامل لكل محتويات المحاضرة.

1-3- الإمتحانات
• تحديد خطة نصف سنوية لكل فصل دراسى تشمل على توزيع المنهج الدراسى و الشيتات و إمتحانات العملى و إمتحانات النظرى.
• خطة سنوية للشيتات و الإمتحانات التجريبية, بدلآ من المفاجأة بشيت صباح الغد.
• تطبيق الإمتحانات الربع سنوية, وتخصيص إسبوع واحد لإجرائها مع توقف الدراسة خلال هذا الإسبوع وتحديد الإسبوع و الأجزاء المطلوبة بالإمتحانات منذ بداية الدراسة.
• إلغاء الإمتحانات فى الطرقات, و الإستعاضة بالبدروم.
• التأكيد على مدرسى المادة من مراجعة طلاب جميع اللجان.
• توضيح أسس ومعايير تقييم الطلاب لجميع الدكاترة المشاركين بإمتحانات الشفوى.
• إجراء إمتحان الشفوى فى نفس اليوم, و وضع جداول توزيع إحتياطية فى حال إعتذار بعض الدكاترة.
• توزيع أسئلة الشفوى على جميع أجزاء المنهج.
• مد فترة الإمتحانات لفترة لا تقل عن 3 أسابيع.
• ظهور نتيجة الإمتحانات مفصلة, وعقب كل إمتحان " العملى – النظرى – الشفوى ".
• وضع نماذج لطريقة الإمتحان من دكتور المادة لتدريب الطلاب أثناء الفصل الدراسى.
• تشكيل لجان من الأقسام لوضع الإمتحانات.
• إعادة تصحيح ورق مقدمى الإلتماسات, وليس فقط مراجعة تجميع الدرجات.
• نموذج إجابة لكل المواد.
• إختيار الإسلوب الأنسب لإمتحان كل مادة.


1-4- المعامل
• توفير موازين الكترونية فى قسم الصيدلانيات
• تثبيت حوامل للسحاحات والمكثفات فى المعامل
• توفير صناديق للاسعافات الاولية وتدريب المعيدين على التعامل مع الحالات الحرجة.
• توحيد جودة المواد الكيميائية بين المعامل والامتحانات
• تقليل عدد الطلاب الحاضرين فى السكشن
• وجود كراسى فى السكاشن
• المعامل كل اسبوع واسبوع
• رفع معيير الامان فى المعامل
• توفير الادوات فى المعامل من خلال تجميعها من الطلاب.

1-5- الجداول الدراسية
• مراعاة ظروف الطلبة المغتربين حيث بدأ أول يوم دراسى فى الاسبوع بساعة متأخرة نسبيا
• تفعيل فترة الراحة بين المحاضرات
• عمل استفتاء على الجداول
• تقليل اوقات الفراغ بين المحاضرات والسكاشن
• السماح بتغيير السكاشن للطلبة المغتربين
• السماح بمقدار محدود من التأخير لأصحاب الظروف
• بدأ المعامل الساعة 9 صباحا

1-6- المدرجات
• تشغيل التكييف بصورة مستمرة.
• تركيب انظمة تهويه بالمدرجات.

__________________
==================
------------------
2- الخدمات العامة

• توفير مبردات مياة كافية.
• تخصيص عدد كافى من دورات المياه للطلبة.
• توفير استراحات بساحة الكلية.
• المكتبة صغيرة ولا تتسع لبعض الطلاب معآ.
• توفير مكتبة خدمات داخل الكلية.

__________________
==================
------------------

3- إتحاد الطلاب

• توافر مكان ثابت وظاهر ومحدد للاعلانات
• اجتماع دورى بصفة شهرية بين ممثلى الاتحاد والفرق الطلابية
• ساعات مكتبية للمثلى الاتحاد
• الاهتمام بالانشطة العلمية
• تغيير لائحة الاتحاد ( بناء على طلب اعضاء الاتحاد )
__________________
==================
------------------
4- الانشطة الطلابية

• رفع القيود عن الانشطة الطلابية
• توضيح سياسة الحصول على الدعم للنشاط الطلابى
• توفير المدرجات واجهزة العرض بدون مقابل مادى
• تسهيل الاجراءات الروتينية
• الاعلان على منتدى وموقع الكلية مجانا
• وضع معايير واسس لتقييم الاسر الطلابية

__________________
==================
------------------
5- موقع ومنتدى الكلية

• تحويل منتدى الكلية إلى منتدى رسمى مدعوم من الكلية.
• تكوين هيئة ادارية من ممثلى الانشطة الطلابية واعضاء هيئة التدريس.
• اختيار مشرفى الاقسام عن طريق التصويت.
• فتح اقسام الاسر لجميع الزوار.
• الغاء اسعار الدعاية للانشطة الطلابية.
• السماح بالتواقيع والروابط الخارجية.
• تعديل قوانين المنتدى, وتصويت الأعضاء عليها.
• اهتمام اكبر من اعضاء هيئة التدريس.
• تفعيل دور موقع الكلية وتنويع محتوياته و تحديثه بصفة مستمرة بالجداول الدراسية و جداول الإمتحانات و تحديث مكتبة الإمتحانات السابقة.

دي علشان الي مشفهاش

علشان نعرف هنركز علي ايه وايه اللي الباقي الي ممكن نتكلم فيه

[the king]

مفيش اي مانع يا دكتور سماحي مدام في 122 واحد موافق ومؤيد للطلبات المكتوبة هنا ان بردو تتقدم وتتناقش مع العميدة حتى لو مكررة مدام المصلحة واحدة والهدف واحد

[L SMA7Y]

تمام

اتكلمت انا والدكتور هادي واتفقنا ان ان شاء الله هو هيعرض صفحات من الاستفتاءات اللي علي المنتدي دي علي الادره وفي تصويت علي كل مطالبنا العامه

ونركز علي المطالب الخاصه لان دي الي بنسعي وراها كدفعه سنه تالته علي الخصوص

لان المطالب التانيه زي ماحضرتك شايف الكل بيقول فيها

فاجنا نضم صوتنا للكل في المطالب العامه

ونتكلم باسم فرقتنا بمطالبنا الخاصه وننوه عن المطالب التانيه


-************************************************** **********************-

اللي خايف منه بس ان اول مالدراسه هتبدأ ان شاء الله يوم السبت

كله هيتشغل فيا لسكاشن والشيتات وكأن شيئا لم يكن

[the king]

تمام

اتكلمت انا والدكتور هادي واتفقنا ان ان شاء الله هو هيعرض صفحات من الاستفتاءات اللي علي المنتدي دي علي الادره وفي تصويت علي كل مطالبنا العامه

ونركز علي المطالب الخاصه لان دي الي بنسعي وراها كدفعه سنه تالته علي الخصوص

لان المطالب التانيه زي ماحضرتك شايف الكل بيقول فيها

فاجنا نضم صوتنا للكل في المطالب العامه

ونتكلم باسم فرقتنا بمطالبنا الخاصه وننوه عن المطالب التانيه


-************************************************** **********************-

اللي خايف منه بس ان اول مالدراسه هتبدأ ان شاء الله يوم السبت

كله هيتشغل فيا لسكاشن والشيتات وكأن شيئا لم يكن

عشان كده اهم حاجة تحديد الوقت الي هيترد فيه على المطالب دي من غير اي تهاون في الموضوع دا عشان طالما بدأنا حاجة نكملها صح والا مكنش ليها لازمة من الاول
وربنا معانا ومع اي حد عايز المصلحة الجماعية

[sno7y]

وكمان حاجة يادكاترة ان الجزء اللى هيجى منه الشيت يكون محدد مش نفاجىء انه من حاجة تانية خالص غير اللى مذاكرنها

[سوزانا]