لن اعود !!

[dr gehad]

لن اعود !!

لن اعود .. لن اعود !!

للمصايب والكوارث

للحرايق والحوادث

للاحقاد والجحود

لن اعود !!

لفساد وظلم .. لن اعود

جبروت فى حكم .. لن اعود

للخراب والدمار

وان الجنه تبقى نار

والتدمير بدل العمار

وانى عيش فى ايديا قيود

لن اعود !!

لخوف وقهر .. لن اعود

لعذاب دهر .. لن اعود

لسرقه ونصب

وسلب ونهب

ورعب ساكن فى البيوت

واستغلال بدون حدود

لن اعود !!

دى مش انا

مش فعلى انا

ده فعل واحد كان هنا

كنت فاكراه ابنى

طلع جبان نمرود .. جَحود

فانا ام الدنيا وعطائى ممدود

وان قدر الاله مماتى

لا ترى للشرق من بعدى وجود

فانا مصر خيرى وفير

نيلى كريم وشعبى ودود

واولادى فى العين شايليين

حق بلادهم حتى الموت

فيا دكاتره و مهندسين

طيارين وملاحين

عمال غلابه وفلاحين

ضحوا بروحهم لاجل اعود

ايدى فى ايد اولادى نعمر

نزرع ارضى رياحيين وورود

نقف لاى عدو يدمر

بايد عيسى فى ايد محمود

كلمه قالوها جدود لجدود

مصر ابيه .. مصر قويه

لذل وظلم .. لن تعود

[dr queen]

تحفففففففففففففففففه يا جهاد والله ..

[* lovely heart *]

الله الله الله

عواد رجع ارضه ياولاد

شوفوا حسه وشعره ياولاد

بجد جميلة جدا
بالتوفيق لكى دائما

[amira89]

جميلة جدا

[الطائر الحزين]

روعه يادك
بجد احساسها عالى جدا
برغم انها باللغه العاميه الى حد ما بس مقللش من قيمه القصيده حاجه
تسلم اديكى
ومنتظرين الجديد

[dr gehad]

شكرا يا دكاتره على ردودكم الجميله دى

[Nayroz]

يا رب يا رب ..
ان شاء الله تبقى احسن من كل اللى فات
ولن نرضى لها ان تعود ...
بسم الله ما شاء الله قصيدة جميلة جدا
تسلمى ..

[Al-Shaimaa]

كلمات راااااااااااااااااااااااااااااااااااااااااااائعة ما شاء الله
اسلوب حلو اوي
ودعوة للتغير بعد الثورة - واللي طبعا كلام بدون افعال-
اتمنى ان دعوتك دي تبقا حقيقة
وتكون مصر دايما بلا فساد

سلمت اناملك
ودمتي مبدعة

[AbU ElKhAiR-Let`s Go]

بصوراحه جميله جدا جدا جدا
بالتوفيق يا دكتوره

[ahmed essa]

ما شاء الله كلمات جميله جدا ......... انفعلت معاها و حسيت بقوتها
جزاكى الله كل خير