ويكليكيس" يعرض إعادة تجميع مستندات أمن الدولة "المفرومة"

[المعلم]

ويكليكيس" يعرض إعادة تجميع مستندات أمن الدولة "المفرومة"

الأحد، 6 مارس 2011 - 17:04
الملفات المفرومة داخل مقرات أمن الدولة


طالب موقع "ويكليكيس" الإلكترونى المتخصص فى نشر الوثائق السرية على شبكة الإنترنت، المصريين بعدم التخلص من المستندات والأوراق التى حصلوا عليها من مقرات أمن الدولة بعد تمكنهم من الوقوف ضد حرق هذه الوثائق السرية.

وطلب "ويكليكيس" المتخصص فى نشر الوثائق السرية، من المصريين عدم حرق المستندات التى بحوزتهم، قائلاً:" أيها المصريون لا تتخلصوا من أوراق أمن الدولة الممزقة، لدينا أفضل فريق فى العالم يستطيع إعادة تجميع الأوراق المفرومة وهو فى متناول اليد".

وكشف "ويكليكيس"، أن فريقاً ألمانيا قد طور فريق البحث العلمى فى ألمانياً استطاع من خلال نظام الحاسب والبرمجيات تجميع نحو 45 مليون صفحة من ملفات الشرطة السرية الممزقة كانت تابعة لجهاز أمن الدولة "ستاسى" هناك.


ايه ريكم ياجماعه؟؟؟؟؟؟؟؟

[بحلم ببكره]

أرفض الاقتراح تماما


أسرار بلدي مش هطلعها للي بره يقرأها ويعمل بيها اللي هو عاوزه

غير إني اساسا مش واثق في الكلام اللي هيقول في الآخر إنه جمعه

[Sara Elbakry]

ياسلام ونعمل بقى "امن الدوله ليكس"

[hananah]

انا كمان ضد اننا نخرج اسرار البلد بره
ونستعين بعقول اجنبيه
احنا ممكن ندرب ناس مصريين على ايدين الخبراء دول
وهتبقى فى ورق تانى هنتأكد ان الكلام قبل التجميع هو بعد التجميع
هنعرف الطريقه والمصريين هم اللى يطبقوها
بس أهم حاجه الناس اللى أخطأت فى حق شعب بالكامل يتحاسبوا

[dr.monalizaa]

وصلني ايميل فعلا فيه صور لاوراق وشرايط فيديو وصور بنفس عنوان موضوعك يا دكتور


بس اوراق غريبة جدا اعتقد ان معظمها مفبرك .. شغل اعلام بحت

[star]

انا ضد ده تماما لان الناس دي عمرها ماهتخاف علي مصلحتنا وكمان زي مالورق ده هيدين ناس فاسدة كمان هيكون في ورق من اسرار الدولة اللي لو اتعرفت امن مصر هيبقي في خطر فالمفروض ان الورق ده يتسلم للنيابة ولو في خبراء مصريين يقدروا يرجعوا الورق لحالته الاصلية النيابة تستعين بيهم لكن انا ضد التخل الخارجي في شئوننا تحت اي مبرر

[بحلم ببكره]

والله ولو مش هيرجع خالص مش عاوز برضه

[تابعة محمد]

بسم الله الرحمن الرحيم
طب ما نعمل الاولى تحقيق مع ضباط امن الدولة ، لو الورق الى اتقطع بيخص الحياة الشخصية لكثير من الناس يبقى ملهوش لازمة ، اما لو فى ورق بيخص مسائلة الامن القومى و ضرورى فاظن اننا لازم نرجعه لحالته مرة تانية ، لان اكيد فى معلومات عن مصر من 30 سنة هتفيدنا كتير فى الفترة الى جاية .
و لو خيفين انهم ينشروا حاجة احنا ممكن نعمل اتفاقية تحذر عملية النشر او نخليهم يجيبوا علمائهم و ادواتهم و يعيدوا صياغة الورق فى مصر تحت حراسة الجيش ، او يدربوا ناس مصرية على الموضوع ده .

[merry]

الورق ده لازم يرجع عشان نقدر نحاسبهم محدش بقى يقول اسرار البلد وبتاع اساسا كل ورقهم ده كانوا بيلبسوا قضايا للناس ملهاش دعوة بأسرار البلد بقى

[ameer]

بيقولوا كل ورق امن الدوله محفوظ علي ميكروفيلمز في اكتر من مكان امين مش عارف مدي صحه الكلام بس اللي قال كده اللواء فؤاد علام وهو شخصيه كويسه يعني علي ما اعتقد
يعني علي الاقل الورق المهم هيبقي موجود